გია აბდალაძე - როცა ისინი წითელ ხიდზე გარბოდნენ, ჩვენ, ჩვენი ფოტოებით მსოფლიოს გავაგებინეთ, რომ საქართველოში ომიაჩვენი მოთხოვნაა „ფოტოგრაფების საქმეზე“ ყველა დამკვეთმა აგოს პასუხი, - ამის შესახებ დღეს გამართულ პრესკონფერენციაზე ფოტოგრაფმა გია აბდალაძემ განაცხადა. მისი ვარაუდით, დამკვეთები სააკაშვილი, მერაბიშვილი და ადეიშვილი იყვნენ.
”ჩვენთვის ყველაზე მთავარი და მნიშვნელოვანი არის, რომ მოხდეს ჩვენი რეაბილიტაცია. სასამართლომ უნდა მიიღოს გადაწყვეტილება, რომ ჩვენ ვიყავით უკანონო პატიმრები წინა ხელისუფლების პერიოდში. უნდა დაისაჯონ დამკვეთები. შემსრულებლები, დევნოზაშვილი იქნება ეს, პეტრიაშვილი თუ პავლიაშვილი, მნიშვნელობა არ აქვს - ისინი ასრულებდნენ დავალებებს. ვინც დაავალა, ვინც მიიღო ჩვენს მიმართ ასეთი გადაწყვეტილებები, ყველამ უნდა აგოს პასუხი. ესენი ჩემი ვარაუდით არიან ყოფილი ხელისუფლების წარმომადგენლები - სააკაშვილი, მერაბიშვილი, ადეიშვილი”, - განაცხადა აბდალაძემ.
მისივე თქმით, ფოტოგრაფებმა საკუთარი საქმით არაერთხელ დაამტკიცეს სამშობლოს სიყვარული.
”ვიღებდი მხოლოდ ფოტორეპორტაჟებს, ტექსტიც კი არასდროს დაგვიწერია. ჩვენ დაგვსაჯეს 26 მაისის რეპორტაჟების გამო. იმედი მაქვს, რომ გამოძიების პროცესში ეს დამტკიცდება. მე უსამართლოდ ვიყავი დაკავებული ყველაზე მძიმე მუხლით. ისინი როცა წითელ ხიდზე გარბოდნენ, ჩვენ ჩვენი ფოტოებით მთელ მსოფლიოს გავაგებინეთ, რომ ქვეყანაში ომია. ჩვენი რეპორტაჟებით არაერთხელ დავამტკიცეთ, რომ ჩვენი სამშობლო და ქვეყანა უზომოდ გვიყვარს იმათგან განსხვავებით ვინც გვაბრალებდა ჯაშუშობას”, - განაცხადა აბდალაძემ.
მთავარმა პროკურატურამ ე.წ. ფოტოგრაფების საქმე გახსნა. როგორც უწყებაში გუშინ გამართულ ბრიფინგზე გახდა ცნობილი, პროკურატურამ ე.წ. ფოტორეპორტიორების საქმეზე ორი პირის მიმართ სისხლისსამართლებრივი დევნა დაიწყო. კერძოდ, საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მიერ ე.წ. ფოტორეპორტიორების საქმეზე, ძალადობით და დაზარალებულის პირადი ღირსების შეურაცხყოფით განხორციელებული სამსახურებრივი მდგომარეობის გადამეტების ფაქტზე დაკავებულ იქნა საქართველოს შსს კონტრდაზვერვის დეპარტამენტის ქ.თბილისის ტერიტორიული სამმართველოს უფროსის ყოფილი მოადგილე დავით დევნოზაშვილი, ხოლო სასჯელაღსრულების დაწესებულების N8 საპყრობილის ყოფილი დირექტორის ალექსანდრე მუხაძის მიმართ გამოტანილ იქნა დადგენილება მისი ბრალდების შესახებ.
ამავდროულად, პროკურატურის მიერ მიღებული იქნა გადაწყვეტილება ფოტორეპორტიორების: გიორგი აბდალაძის, ზურაბ ქურციკიძის, ირაკლი და ნათელა გედენიძეების მიმართ გამოტანილი გამამტყუნებელი განაჩენების გადასინჯვის თაობაზე და პროკურატურა მათ მიმართ თბილისის სააპელაციო სასამართლოში გამამართლებელი განაჩენების დადგომას მოითხოვს.
http://www.interpressnews.ge/ge/samartali/...loshi-omia.html
Если человека кусает вампир, он становится вампиром. Такое ощущение, что очень многих вокруг искусали бараны...
არაფერია უფრო მუდმივი,ვიდრე დროებითი უფულობა...
მსოფლიოს მართავს მხოლოდ ფული და სექსი!
ვინ დათვალოს ზღვაში ქვიშა და თბილისში შავი ჯიპი
ფოტოგრაფების საქმე, როცა ისინი წითელ ხიდზე გარბოდნენ, ჩვენ ომს ვიღებდით
