საქართველოს საგარეო საქმეთა მინისტრის, დავით ზალკალიანის განცხადებით, საფრანგეთი საქართველოს მოქალაქეების ლეგალურად მუშაობის შესახებ კანონს მიიღებს.
როგორც ზალკალიანმა ჟურნალისტებს განუცხადა, ამ შეთანხმების ძალაში შესვლის შემდეგ საქართველოს ახალგაზრდა სპეციალისტებს, მათ შორის მათ, ვისაც უმაღლესი განათლება საფრანგეთში აქვთ მიღებული, შესაძლებლობა ექნებათ მიიღონ დროებითი ბინადრობის მოწმობა საფრანგეთში ლეგალური დასაქმების მიმართულებით.
"საქართველოს მთავრობა და საგარეო საქმეთა სამინისტრო საქართველოს მოქალაქეების ლეგალური დასაქმების კუთხით შეთანხმების მისაღწევად პარტნიორ ქვეყნებთან აქტიურად მუშაობს. ჩვენ მნიშვნელოვანი ხელშესახები შედეგი გვაქვს. საფრანგეთთან ჩვენ გაფორმებული გვაქვს შეთანხმება, რომლის რატიფიკაციაც საფრანგეთის პარლამენტმა მოახდინა. ხოლო გუშინ საფრანგეთის პრეზიდენტმა ამ შეთანხმებას ხელი მოაწერა, რომელიც უკვე კანონის სახით იქნება წარმოდგენილი. ეს საქართველოს მოქალაქეებს საშუალებას მისცემს საფრანგეთში ლეგალურად დასაქმდნენ. ეს ძალიან მნიშვნელოვანი მიღწევაა. ამ შეთანხმების ძალაში შესვლის შემდეგ საქართველოს ახალგაზრდა სპეციალისტებს, მათშორის მათ, ვისაც უმაღლესი განათლება საფრანგეთში აქვთ მიღებული, შესაძლებლობა ექნებათ მიიღონ დროებითი ბინადრობის მოწმობა საფრანგეთში ლეგალური დასაქმების მიმართულებით. მოგვიანებით მოგახსენებთ ეს კანონი როდის ამოქმედდება. ამ კანონის ნიუანსები რა არის. ამაზე შესაბამისი კომენტარები გაკეთდება. ამ მიმართულებით ჩვენ სხვა ქვეყნებთანაც ვმუშაობთ - პოლონეთთან და ისრაელთან. ეს ერთ-ერთი პრიორიტეტული მიმართულებაა", - განაცხადა მინისტრმა.
https://www.interpressnews.ge/ka/article/52...kanons-miigebs/ეს კი ბონუსი:
პოლონეთში საქართველოს ელჩი - მომავალ წელს პოლონეთში იმაზე მეტი საქართველოს მოქალაქე შეძლებს დასაქმებას, ვიდრე დღეს
პოლონეთში საქართველოს ელჩის, ილია დარჩიაშვილის განცხადებით, მომავალ წელს პოლონეთში იმაზე მეტი საქართველოს მოქალაქე შეძლებს დასაქმებას, ვიდრე დღეს. როგორც დარჩიაშვილმა ჟურნალისტებს განუცხადა, კონკრეტულ კვოტაზე ამ დროისთვის ვერ ისაუბრებს, თუმცა ამ მიმართულებით წინსვლა იქნება.
„პოლონეთი ერთ-ერთი მიმზიდველი ქვეყანაა ქართველებისთვის, რომლებიც ჩამოდიან სამუშაოს საძიებლად. გვაქვს ძალიან კარგი პრაქტიკა მიგრაციის საერთაშორისო ორგანიზაციასთან ერთად, რომელმაც დადგენილი კვოტის მიხედვით პოლონეთში ქართველების დასაქმება უზრუნველყო. ამ საკითხზე აქტიურად ვმუშაობთ, რომლის ფარგლებშიც, გასულ პერიოდში გვქონდა აქტიური კომუნიკაცია პოლონეთის შესაბამის სახელმწიფო უწყებებთან და ვფიქრობთ, რომ 2019 წელს გვექნება ხელშესახები შედეგები. კვოტების რაოდენობაზე ახლა გაგვიჭირდება საუბარი, მაგრამ ვფიქრობთ, რომ იქნება პროგრესი და იმაზე მეტი ადამიანი შეძლებს პოლონეთში ლეგალურად დასაქმებას, ვიდრე დღეს", - განაცხადა ელჩმა.
https://www.interpressnews.ge/ka/article/52...ebas-vidre-dgesაქ ვინ უნდა დარჩესო ვისაც აინტერესებს, ფაქტია მხოლოდ აქაური დამსაქმებელი სწრაფად ვერ აითვისებს ყველა დასასაქმებელს, ცოტა ვაკანსიაა.. ხალხს კიდე მუშაობა და შემოსავალი სჭირდება, თან ლეგალურად თუ იქნები დასაქმებული როცა გინდა წახვალ წამოხვალ ძალიან კარგი სიახლეა.
„წვრილმანებია უმთავრესი, წვრილმანები!.. დაღუპვითაც სწორედ ეს წვრილმანები ღუპავენ ხოლმე ყოველთვის ყველაფერს…“
საფრანგეთი საქართველოს მოქალაქეების ლეგალურად, მუშაობასთან დაკავშირებულ კანონს მიიღებს
