რა კანონმდებლობა არეგულირებს ფორუმებს საქართველოში

მინდა საერთაშორისო აუდიენციაზე ორიენტირებული (ინგლისურენოვანი) ვიწრო ტექნიკური პროფილის ფორუმის გახსნა და ვცდილობ გავარკვიო იურიდიული თვალსაზრისით ფორუმის დარეგისტრირება ევროპაში აჯობებს, ა.შ.შ.-ში თუ საქართველოში.
ანუ რა მოვალეობა დაგვეკისრება ფორუმის მეპატრონეს (და მოდერებს) თუ ფორუმი საქართველოში დარეგისტრირდა (როგორც იურიდიული პირი, თავისი ვებ-გვერდით).
რა თქმა უნდა გვეყოლება მოდერები რომლებიც აგრესიულ, რასისტულ და ა.შ. მიუღებელ მასალას/ პოსტებს მოხსნიან საიტიდან თუ შევამჩნიეთ და თუ/როცა შეგვატყობინებს აღმომჩენი. საქმე ისაა ხომ არ მოეთხოვება ფორუმის მეპატრონეს "მუდმივი მონიტორინგი" (მაგ. ყოველდღიური ზედამხედველობა ან რამე ასეთი) და პასუხისმგებლობა პოსტების შინაარსზე (მაგ. ვიღაცამ თავის ტკვილიზე დალია ლუმინალი, იმიტომ რომ ფორუმზე წაიკითხა ან რამე მსგავსი და დაშავდა ან ზარალი ნახა).
წინასწარ მადლობა რჩევისთვის.

This post has been edited by entrepreneur on 12 Dec 2016, 01:40

კანონი ფორუმების შესახებ საქართველოში არ არსებობს..ყველა შემთხვევაში მე მაცნეში ეგეთი კანონი ვერ ვნახე..საქართველოს იურიდიულ პირზე გავრცელდება საქართველოს კანონმდებლობა..თუ ვინმე ლუმინალს დალევს იმის გამო, რომ ფორუმზე წაიკითხა, მაშინ ყველანაირი რისკის მატარებელი თვითონაა..

უპირველეს ყოვლისა მადლობა გამოხმაურებისთვის.

არაა გასაკვირი თუ არ იქნება ცალკე კანონი ფორუმების შესახებ. და ამ შემთხვევაში ინტერნეტ-სივრცეში კომუნიკაციას ალბათ რამე უფრო ზოგადი კანონი ან საკანონმდებლო აქტი არეგულირებს. რაიმე ა.შ.შ. 1996 წლის ტელეკომუნიკაციების კანონის ან ევროკავშირის დირექტივა 2000/31/EC-ის ექვივალენტი.
https://en.wikipedia.org/wiki/Section_230_o...ons_Decency_Act

დღეს ვიპოვე აი ესენი -

https://matsne.gov.ge/ka/document/view/29620
https://matsne.gov.ge/ka/document/view/1679424

კანონი ელექტრონული კომუნიკაციების შესახებ და ინფორმაციული უსაფრთხოების შესახებ...პირველი ეხება ტელევიზიასა და რადიოს და მანდ სიტყვა "ფორუმი" ნახსენები არ არის საერთოდ. ხოლო მეორეში არიან ისეთი ტერმინები, როგორიცაა "კიბერსივრცე", "კიბერშეტევა" და ა.შ..
ცხადია კიბერშეტევაში იგულისხმება ჰაკერობა, ე.წ დდოსი და მსგავსი რაღაცები.თუ ფორუმის მონაწილე კომპიუტერის გამოყენებით შეეცდება საიტის გატეხვას ან მსგავსი მოქმედებების განხორციელებას, ეს ფაქტი შეიძლება შეფასდეს, როგორც კომპიუტერული დანაშაული, რაც გათვალისწინებულია საქართველოს სისხლის სამართლის კოდექსის 35-ე თავით.გარდა მაგ თავისა სსკ-ში არსებობს ასევე 158-ე და 159-მუხლები.
ისე ფიზიკური და იურიდიული პირების საქმიანობა რეგულირდება სამოქალაქო სამართლით.პირებს შეუძლიათ გააკეთონ ის, რაც კანონით აკრძალული არ არის, ანუ თავისუფლად შეგიძლია გახსნა ფორუმი ან სხვა შინაარსის საიტი.იუზერებმა უნდა გაითვალისწინონ, რომ ინტერნეტშიც მოქმედებენ ადამიანის ძირითადი უფლებები...თუ მაგალითად ვინმე ფორუმზე დაიწყებს ისეთ თემებზე საუბარს, რომელიც ლახავს სხვა ადამიანის უფლებებს, ღირსებას და ა.შ, მერე მასთან მივლენ კაცები შავში და ველქამ თუ ნიუ ლაიფ...თუ პირი ინტერნეტით სხვას ემუქრება მოკვლით და ამ უკანასკნელს გაუჩნდება საფუძვლიანი შიში იმისა, რომ მუქარა რეალურად განხორციელდება, მაშინ ეს ფაქტიც შეიძლება შეფასდეს, როგორც დანაშაული, კერძოდ მუქარა(სსკ-ის 151-ე მუხლი)...მუხედავად იმისა, რომ ეს ასეა, ფორუმს მაინც უნდა ჰქონდეს თავისი "კანონმდებლობა".არც ერთ ნორმატიულ აქტში არ წერია, როგორ უნდა შევცვალო ავატარი, როგორ უნდა გამოვიყენო ე.წ ბბ კოდები და ა.შ..