მეტი დახმარება ხალხს
"აწარმოე საქართველოში" ბენეფიციარი მთავრობას სესხის დაფარვაში დახმარებას სთხოვს - "დახმარება გვჭირდება იმისთვის, რომ არ დავიხუროთ"ავტორი: სალომე მეცხვარიშვილი
პურ-ფუნთუშეულისა და საკონდიტრო პროდუქტების მწარმოებელი ქარხანა MCB GEORGIA, რომელიც „აწარმოე საქართველოში“ პროექტის ფარგლებში დაფინანსდა, დოლარში აღებული სესხის დაფარვის მიზნით ხელისუფლებას დახმარებას სთხოვს.
როგორც ალექსანდრე რატიშვილი "ბიზნესკონტრაქტთან" აცხადებს, ბიზნესმა სესხი აიღო, წარმოება დაიწყო, დღეს კი ურთულეს მდგომარეობაში იმყოფება, რადგანაც ლარის მსგავსი გაუფასურების მოლოდინი არ ჰქონია.
"მთავრობის ლარიზაციის გეგმა კომპენსაციის ნაწილში მხოლოდ ფიხზიკურ პირებს ეხებათ და ისიც 100 ათას ლარამდე სესხებს. რაც შეეხება ბიზნესის ნაწილს, ამაზე არავინ საუბრობს, აქ მთლიანად რისკები დარჩა ბიზნესის მხრებზე, მაგრამ ყველა ბიზნესის მხრები ამ პრობლემასთან გასამკლავებლად მზად არ არის. ასე არავინ გეგმავდა დევალვაციას და კურსის გაუფასურებას. ბიუჯეტი არ აქვს მარტო სახელმწიფოს, ჩვენც გვაქვს სტრატეგიული გეგმები. დღეს ყოვლად შეუძებლებელია რაიმე დაგეგმო, რადგან არ ვიცით როგორი ოქნება კურსი.
ჩემთვის საინტერესოა, რამდენად ფიქრობს, ხელისუფლება ეკონომიკკური გუნდი არამარტო ფიზიკური პირებისთვის გარკვეული დახმარების გაწევაზე, არამედ იქნებ ბიზნესსაც შევუქმნათ პირობები, რომ მეტნაკლებად მარტივად შეძლოს ამ პერიოდის გადალახვა",- აცხადებს ალექსანდრე რატიშვილი.
მისივე თქმით, მისთვის აბსოლუტურად გასაგებია, რომ საქართველოს ხელისუფლებას არ აქვს იმის ფუფუნება, ყველა მიმართულებით გაიღოს სახსრები.
[ბ]"მე ციდან ჩამოფრენილი არ ვარ და მესმის, რომ ძალიან რთულია ყველა ბიზნესს დაეხმარონ, მაგრამ იქნებ, რამეზე შევჯერდეთ, მოვძებნოთ პატარ-პატარა შეხების წერტილები, რომ გაგვიადვილდეს ამ პროცესის გავლა, იმისთვის, რომ არ დავიკეტოთ, არ დავიხუროთ, მით უმეტეს ის კომპანიები, რომლებიც 2 წლის წინ სამთავრობო პროგრამაში "აწარმოე საქართველოში" ჩავერთეთ, ვისარგებლეთ, დავგეგმეთ ბიზნესი და დღეს სულ სხვა რეალობის წინაშე აღმოვჩნდით. მაშინ, როდესაც ავაშენეთ ქარხნები, დავგეგმეთ ბიზნესი და დღეს ვართ უმძიმესი პრობლემის წინაშე. [/ბ]
მაგალითად, როდესაც სესხს ვიღებდით კურსი იყო 1,8 , დღეს არის 2,7. ანუ ერთ მილიონიან სესხში განსხვავება, რომელიც უნდა გავაჩინოთ, არის მილიონი ლარი. მცირე და საშუალო ბიზნესისთვის ამ მილიონი ლარის საიდანღაც მოტანა ძალიან რთულია.
არ აქვს საქართველოს იმის შესაძლებლობა, რომ ყველა ბიზნესს დაეხმაროს, მაგრამ შეიძლება რაიმე შევცვალოთ კანონმდებლობით, შეიძლება სესხების გადავადებით, ბანკებთან შეთანხმებით მოხდეს გზის გამონახვა",- აცხადებს ალექსანდრე რატიშვილი.
http://businesscontract.ge/ka/article/quot...ixurotquot/8995 #უფასოხნათესვადაეკონომიკისდედისდედისხნა
"აწარმოე საქართველოში" ბენეფიციარი სესხის, დაფარვაში დახმარებას სთხოვს
