ქიბარ ხალვაში - თუ დანაშაული არ აქვთ ჩადენილი, „რუსთავი 2“-დან არავის გაშვებას არ ვაპირებთ
თემა: ”რუსთავი-2”-ის საქმე
22:32 02-03-2017
სასამართლოს გადაწყვეტილების აღსრულებას ადვოკატებთან საკითხის გავლის შემდეგ მოვითხოვ, - ამის შესახებ PALITRANEWS-ის გადაცემაში ”360 გრადუსი” ბიზნესმენმა ქიბარ ხალვაშმა განაცხადა.
ქიბარ ხალვაშმა არხზე ცვლილებებზეც ისაუბრა და განმარტა, რომ მზად არის ითანამშრომლოს ყველა პირთან, ვისაც ”არ მიუძღვის დანაშაული კომპანიისა და ქვეყნის წინაშე”.
”რაც შეეხება აღსრულებას, მე გავივლი კონსულტაციას ჩემს ადვოკატებთან და რაც კანონის ფარგლებში ჯდება და რაც ჩვენი კომპანიის საქმიანობას არ დააზიანებს, იმის მიხედვით გავაკეთებ სტრატეგიას და შევეცდებით, რომ ყველა მხარე კმაყოფილი იყოს.
ცვლილებები კომპანიაში არ არის მარტივი პროცესი. გუნდი იქ არსებობს, მაგ გუნდთან დაკავშირებით საწინააღმდეგო არაფერი მაქვს. დამოკიდებულია იმაზე, ვისთვის ვიქნებით მისაღები და ვინ დარჩება. ასე რომ, არ ვფიქრობ, რომ დიდი ცვლილებები მოსალოდნელი იქნება. შესაბამისად, სიტუაციის ანალიზის შემდეგ შესაძლებლობა გვექნება ვიფიქროთ და მაქსიმალურად მინიმალურ დროში მივიღოთ მისაღები გადაწყვეტილება კომპანიისთვის. თუ დანაშაული არ აქვთ ჩადენილი, „რუსთავი 2“-დან არავის გაშვებას არ ვაპირებთ.
კომპანია კომერციული ორგანიზაციაა და თუ რაღაც არ აქვს გაკეთებული, რომელიც საზარალოა ქვეყნისთვის ან კომპანიის ინტერესებიდან გამომდინარე მოქმედებდა თუ საწინააღმდეგოდ, ამის მიხედვით ვიმოქმედებთ. აუცილებელია აუდიტის სამსახურის ჩარევაც, რადგან ახალი მენეჯმენტი სხვის დანაშაულს ვერ მიიღებს”, -განაცხადა ქიბარ ხალვაშმა.
http://www.interpressnews.ge/ge/samartali/...-vapirebth.html= = =
ქიბარ ხალვაში - ნიკა გვარამია ვალდებულია კანონის აღსრულებას დაეხმაროს
22:49 02-03-2017
როდესაც ჩვენს წინააღმდეგ უკანონო გადაწყვეტილებებს იღებდნენ, ჩვენ იმას ვემორჩილებოდით, ხოლო ისინი სამართლიან გადაწყვეტილებას არ ემორჩილებიან, - ამის შესახებ ბიზნესმენმა ქიბარ ხალვაშმა ”რუსთავი 2“-ის ირგვლივ მიმდინარე პროცესების შეფასებისას PALITRANEWS-ის გადაცემაში ”360 გრადუსი” განაცხადა.
მისი თქმით, დღეს ტელეკომპანიის მხარდასაჭერად გამოდიან ”ნაციონალური მოძრაობის” აქტივისტები. ხალვაშის განცხადებით, ნიკა გვარამია ვალდებულია კანონის აღსრულებას დაეხმაროს.
”გენერალური დირექტორი ვალდებულია კანონის აღსრულებას მიეხმაროს, ისე, როგორც ჩვენ გავაკეთეთ ეს და უკანონოდ დაყადაღებული ქონება გადავაბარეთ სახელმწიფოს. თუ არ გააკეთებს ამას, ალბათ რაღაც პასუხისმგებლობა დაეკისრება.
ეს არის „ნაციონალური მოძრაობის“ აქტივისტების აქცია. იმ ხალხის, რომლებიც გვებრძოდნენ და ებრძოდნენ სამართლიანობას პირადი გამდიდრების მიზნით და ეს არის ძალიან პატარა რაოდენობა. მე ვფირქობ, ეს პროტესტი უმნიშვნელოა.
დააკვირდით, ვინ იღებს იქ მონაწილეობას, რომელიც ნაცების ხელმძღვანელობისგან იმართება. როდესაც ჩვენს წინააღმდეგ უკანონო გადაწყვეტილებებს იღებდნენ, ჩვენ იმას ვემორჩილებოდით, ხოლო ისინი სამართლიან გადაწყვეტილებას არ ემორჩილებიან”, - განაცხადა ქიბარ ხალვაშმა.
რაც შეეხება კითხვას, თუ ვის მოიაზრებს ის არხის ახალ გენერალურ დირექტორად და ხომ არ განიხილება ნიკა გვარამიას დარჩენის საკითხიც, ქიბარ ხალვაშმა აღნიშნა, რომ ნიკა გვარამაის მასთან მუშაობა არ სურს და ის თავად დატოვებს პოსტს. ”ჰკითხეთ გენერალურ დირექტორს, თუ უნდა თანამშრომლობა და თუ უნდა რომ გამოსწორდეს და პროტესტებს არ მოაწყობს კანონის წინააღმდეგ. მე არ ვფიქრობ, რომ გვარამია თვითონ დარჩეს”, - განაცხადა ქიბარ ხალვაშმა.
http://www.interpressnews.ge/ge/samartali/...daekhmaros.html= = =
ქიბარ ხალვაში - „რუსთავი2“-ზე ამჟამად ბევრი პროფესიონალი მუშაობს და ამ ადამიანებმა სამსახური არ უნდა დაკარგონ
22:55 02-03-2017
თუ კოლექტივი თანახმაა, ხვალვე მივალ და დაველაპარაკები, - ამის შესახებ ბიზნესმენმა ქიბარ ხალვაშმა საზოგადოებრივი მაუწყებლის ეთერში სატელეფონო საუბრისას განაცხადა.
ქიბარ ხალვაშის განმარტებით, მას არ ჰგონია, რომ კოლექტივი უკმაყოფილო დარჩეს მათთან ურთიერთობით. ხალვაშის თქმით, არხზე ამჟამად ბევრი პროფესიონალი მუშაობს და ამ ადამიანებმა სამსახური არ უნდა დაკარგონ.
”შევეცდებით ყველა მხარე კმაყოფილი იყოს. არ მგონია, რომ კოლექტივი უკმაყოფილო დარჩეს ჩვენთან ურთიერთობით. ძალიან ბევრი კარგი პროფესიონალი ადამიანი მუშაობს და ვთვლი, რომ ამ ადამიანებმა სამსახური არ უნდა დაკარგონ.
”რუსთავი 2“ იქნება ნამდვილად ხალხის სამსახურში და არ იქნება ტენდენციური, მიკერძოებული რომელიმე პარტიის ინტერესების გამტარებელი.
როდესაც ამის შესაძლებლობა იქნება, მივალ ტელევიზიაში. როდესაც მხარეები არ იქნებიან აღელვებული, როდესაც სიტუაცია დაწყნარდება, შევეცდებით მოლაპარაკებით მოხდეს ყველაფერი. ხალხს გავაგებინებთ, რომ ამით უკეთესობისკენ შეიცვლება ყველაფერი.
თუ კოლექტივი თანახმაა, ხვალვე დაველაპარაკები, თუ არა და შევეცდებით, რომ დაწყნარდნენ და გავაგებინოთ რა არის საჭირო. ეს ყველაფერი კანონის ფარგლებში მოხდება“, - განაცხადა ქიბარ ხალვაშმა.
http://www.interpressnews.ge/ge/samartali/...a-dakargon.html= = =
ქიბარ ხალვაში - დავით დვალსა და ჯარჯი აქიმიძეს გადავუფორმებ იმდენს, რამდენზეც მოლაპარაკებული ვიყავით
23:06 02-03-2017
მე ისე არ მოვიქცევი, რომ ტელევიზია სხვისი კონტროლის ქვეშ მოექცეს, - ამის შესახებ ბიზნესმენმა ქიბარ ხალვაშმა ტელეკომპანია ”რუსთავი2“-ის წილების განაწილების საკითხის კომენტირებისას საზოგადოებრივი მაუწყებლის ეთერში საუბრისას განაცხადა.
მისივე თქმით, შეეცდება, რომ ტელევიზია ”ხალხის სამსახურში” იყოს. ”დავით დვალსა და ჯარჯი აქიმიძეს გადავუფორმებ იმდენს, რამდენზეც მოლაპარაკებული ვიყავით. მე მათ გარეშე არ ვაპირებ განცხადების გაკეთებას.
მე ისე არ მოვიქცევი, რომ ტელევიზია სხვისი კონტროლის ქვეშ მოექცეს და სხვამ გააკონტროლოს. აქედან გამომდინარე, შევეცდები, ის ისეთი იყოს, როგორც წარმომიდგენია და ის იყოს ხალხის სამსახურში”, - განაცხადა ქიბარ ხალვაშმა.
http://www.interpressnews.ge/ge/sazogadoeb...i-viyavith.html This post has been edited by მაწო:)) on 2 Mar 2017, 23:33 რუსეთს რა . . .
. . . ჩლენის კვრა
· 
ქიბარ ხალვაში განცხადებებს აკეთებს უკვე
