კავკასიის საერთაშორისო უნივერსიტეტი, .......

კავკასიის საერთაშორისო უნივერსიტეტი 1995 წლიდან ფუნქციონირებს. 2005 და 2007 წლებში უნივერსიტეტმა წარმატებით გაიარა ინსტიტუციური აკრედიტაცია.
განათლების სისტემის რეფორმა სათანადოდ აისახა უნივერსიტეტის სასწავლო და სამეცნიერო-კვლევით სფეროებში. უნივერსიტეტი მიზანმიმართულად წარმართავს თავის საქმიანობას. სტუდენტთა სწავლა-აღზრდისა და მათი პროფესიული დაოსტატების საქმეს სათანადო გამოცდილების მქონე პროფესორ-მასწავლებლები ემსახურებიან. მაღალკვალიფიციური სპეციალისტების მომზადების მიზნით უნივერსიტეტში სისტემატურად იხვეწება სწავლების თანამედროვე მეთოდები; ინერგება სიახლეები: შემუშავდა ახალი საგანმანათლებლო პროგრამები და სასწავლო კურსები. დღეისათვის სწავლა მიმდინარეობს საბაკალავრო, სამაგისტრო, დიპლომირებული მედიკოსისა და დიპლომირებული სტომატოლოგის პროგრამებზე. უნივერსიტეტში იქმნება ინტერდისციპლინური პროგრამები, სასწავლო და კვლევითი ლაბორატორიები. აღნიშნული კი კავკასიის სართაშორისო უნივერსიტეტის საგანმანათლებლო პროგრამების აღიარებისა და ევროსივრცეში მისი სრულად ჩართვის საფუძველია. უნივერსიტეტში არსებული თანამედროვე ტექნოლოგიური მოწყობილობები ვიდეო-კონფერენციების ჩატარების, დისტანციური სწავლების დანერგვის, მსოფლიოს სხვადასხვა სასწავლო და სამეცნიერო ცენტრებთან პირდაპირი დაკავშირების საშუალებას იძლევა.
უნივერსიტეტი სწავლების ხარისხის ასამაღლებლად სათანადო ყურადღებას უთმობს სტუდენტთა მოსაზრებებს, რაც მიიღწევა მათი აქტიური ჩართვით აკადემიური პროცესების შეფასებაში. სტუდენტთა პროფესიულ დაოსტატებას ხელს უწყობს მსოფლიოს თანამედროვე ლიტერატურითა და ელექტრონული ტექნოლოგიებით აღჭურვილი საბიბლიოთეკო ფონდი. უნივერსიტეტს მჭიდრო კონტაქტები აქვს საქართველოში მოქმედ საერთაშორისო ორგანიზაციებთან, სახელმწიფო დაწესებულებებსა და კერძო კომპანიებთან. „მოწვეული სტუმრის” პროგრამის ფარგლებში, სტუდენტებს საშუალება აქვთ კონტაქტები დაამყარონ პოლიტიკის, ბიზნესის და არასამთავრობო სექტორის წარმომადგენლებთან, რაც მნიშვნელოვნად უწყობს ხელს მათ დასაქმებას. სტუდენტებს მინიჭებული აქვთ სრული თავისუფლება სწავლისა და კვლევის სფეროების არჩევანში. მათ შექმნილი აქვთ თვითმმართველობის ორგანო. აკადემიური პერსონალისა და სტუდენტების აქტიური მონაწილეობით უნივერსიტეტი განსაზღვრავს სწავლებისა და კვლევის პრიორიტეტებს.
უნივერსიტეტში გამოიცემა რეფერირებადი სამეცნიერო ჟურნალი “კავკასიის საერთაშორისო უნივერსიტეტის მაცნე.”ასევე გამოიცემა საუნივერსიტეტო სტუდენტური გაზეთი ‘’ სტუდენტური ზონა’’ და საუნივერსიტეტოს ტუდენტური ჟურნალი "ბინული".
უნივერსიტეტი თანამშრომლობს „ოდლარ იურდუს“ (აზერბაიჯანი), ბრნოს ტექნიკურ, კავკასიის უნივერსიტეტსა (აზერბაიჯანი) და სულეიმან დემირელის (თურქეთი) უნივერსიტეტებთან, რომუალდო დელ ბიანკოს ფონდთან (იტალია), რაც იძლევა სწავლებისა და მეცნიერული კვლევების გამოცდილების გაზიარების, სტუდენტთა და პროფესორთა შორის მჭიდრო კონტაქტების დამყარების საშუალებას, სამეცნიერო კონფერენციებში მონაწილეობის შესაძლებლობას - კულტურათაშორის დიალოგისა და ინტეგრაციის საფუძვლებს.

მიმაგრებული სურათი

ჩვენი საქმიანობის ძირითად ამოცანას წარმოადგენს:

მსოფლიოს სხვადასხვა უნივერსიტეტებსა და სამეცნიერო კვლევით დაწესებულებებთან მჭიდრო კონტაქტების დამყარება;
ერთობლივი საგანმანათლებლო პროგრამების მომზადება და მათი განხორციელება, სადაც განსაკუთრებული ყურადღება დაეთმობა აკადემიური პერსონალისა და სტუდენტთა გაცვლით პროგრამებს;
პროფესორ-მასწავლებელთა და ახალგაზრდა მეცნიერთა ხელშეწყობა, ერთობლივი საგანმანათლებლო პროგრამების ფარგლებში ინფორმაციის ურთიერთგაცვლა და გამოცდილების გაზიარება.
2007 წლიდან უნივერსიტეტი მჭიდროდ თანამშრომლობს აზერბაიჯანის რესპუბლიკის ქ. ბაქოს უნივერსიტეტთან ”Odlar Yurdu”. მასთან ურთიერთთანამშრომლობის შესახებ გაფორმებული ხელშეკრულების საფუძველზე მიმდინარეობს აქტიური პროცესები ერთობლივ საბაკალავრო და სამაგისტრო პროგრამებთან დაკავშირებით TEMPUS-ის საგრანტო პროგრამის ფარგლებში.
ამჟამად მიმდინარეობს პარტნიორული თანამშრომლობითი ხელშეკრულების გაფორმება ბრნოს ტექნოლოგიურ უნივერსიტეტთან (ჩეხეთის რესპუბლიკა) და რომუალდო დელ ბიანკოს ფონდთან.
საერთაშორისო სამეცნიერო-კვლევითი საქმიანობის გასაღრმავებლად უნივერსიტეტი გამოსცემს სამენოვან სამეცნიერო ჟურნალს, სადაც იბეჭდება ქართველი და უცხოელი მკვლევარების სამეცნიერო ნაშრომები და სტატიები უახლეს მეცნიერულ მიღწევებზე.


Website
http://www.ciu.edu.ge

მიმაგრებული სურათი (გადიდებისთვის დაუწკაპუნეთ სურათზე)

სამართლის ფაკულტეტი

სამართლის ფაკულტეტზე ხორციელდება:

სამართალმცოდნეობის საბაკალავრო პროგრამა;
სისხლის სამართლის სამაგისტრო პროგრამა;
კერძო სამართლის სამაგისტრო პროგრამა.
სამართლის ფაკულტეტი ამზადებს სამართალმცოდნეებს, რომელთაც ექნებათ საფუძვლიანი თეორიული ცოდნა და იურისტისთვის საჭირო პრაქტიკული უნარ-ჩვევები. ისინი შეძლებენ მუშაობას იურიდიულ ფირმებში, საჯარო სექტორში, სასამართლო სისტემასა და საერთაშორისო ორგანიზაციებში.
სამართალმცოდნეობის საბაკალავრო საგანმანათლებლო პროგრამის მიზანია როგორც საჯარო ისე კერძო სამართლის დარგების დაუფლება; მატერიალური და საპროცესო სამართლის თავისებურებებისა თუ სპეციფიკის გაცნობიერება და გათვალისწინება; შიდა და საერთაშორისო სამართლის პრობლემატიკის გაცნობა და შესწავლა.

სამაგისტრო საგანმანათლებლო პროგრამების მიზანია ბაკალავრის შემდგომი დონის სპეციალისტის მომზადება, რომელიც შეძლებს დამოუკიდებლად განახორციელოს პრაქტიკული საქმიანობა როგორც სისხლის ასევე კერძო სამართლის მიმართულებით. პროგრამის დასასრულს მაგისტრს უნდა შეეძლოს აწარმოოს შესაბამისი სამეცნიერო კვლევა - ძიება.

უნივერსიტეტში ფუნქციონირებს თანამედროვე მოთხოვნებზე ორიენტირებული იურიდიული კლინიკა და იმიტირებული სასამართლო დარბაზი. სტუდენტებს აქვთ შესაძლებლობა სისტემატიურად ჩაატარონ იმიტირებული სასამართლო პროცესები პრაქტიკული მუშაობის უნარ-ჩვევების ჩამოყალიბების მიზნით.

სამართლის ფაკულტეტზე მუშაობენ დარგის აღიარებული პროფესორ-მასწავლებლები. შესაბამისად, ჩვენი სტუდენტები იძენენ ცოდნის პრაქტიკაში გამოყენების, დასკვნის გაკეთებისა და კომუნიკაციის უნარს. სტუდენტებს აქვთ ურთიერთობა ადამიანებთან, რომლებიც მათი პოტენციური დამსაქმებლები არიან.

სა



ჰუმანიტარულ და სოციალურ მეცნიერებათა ფაკულტეტი

თანამედროვე სამყაროში “ცოდნა და ინფორმაცია გადაიქცა კაპიტალად. კავკასიის საერთაშორისო უნივერსიტეტის მისიაა შექმნას ეს კაპიტალი მომავალი საქართველოსთვის”. შესაბამისად, ჰუმანიტარულ და სოციალურ მეცნიერებათა ფაკულტეტის საბაკალავრო და სამაგისტრო პროგრამის მიზანია, მოამზადოს საფუძვლიანი თეორიული ცოდნისა და საჭირო პრაქტიკული უნარჩვევების მქონე, საერთაშორისო შრომით ბაზარზე მოთხოვნადი კადრები. ფაკულტეტზე ამჟამად მოქმედებს შემდეგი პროგრამები:

საბაკალავრო:

1. საერთაშორისო ურთიერთობების საგანმანათლებლო პროგრამა;

2. ჟურნალისტიკის საგანმანათლებლო პროგრამა;

სამაგისტრო:

1. მედიის კვლევების საგანმანათლებლო პროგრამა;

შემოთავაზებული პროგრამებით უზრუნველყოფილია მრავალმხრივი და მრავალფეროვანი ცოდნის მიღება, პროგრამები კურსდამთავრებულებს ფართო არჩევანს მისცემს შემდგომი სპეციალიზაციისათვის და საფუძველს შეუქმნის, შემდგომში, როგორც კავკასიის საერთაშორისო უნივერსიტეტის მიერ შეთავაზებული სამაგისტრო პროგრამის ასარჩევად, ასევე სწავლის გასაგრძელებლად ნებისმიერ სხვა ეროვნულ თუ უცხოურ უნივერსიტეტებში. აღნიშნული საგანმანათლებლო პროგრამის ათვისება შესაძლებლობას მისცემს მიიღოს პროფესიული განათლება, გამოიმუშავოს შესაბამისი პრაქტიკული უნარ-ჩვევები და შეეძლოს მათი დემონსტრირება.

კავკასიის საერთაშორისო უნივერსიტეტში ფუნქციონირებს ბეჭდვითი და ელექტრონული მედიის სასწავლო-შემოქმედებითი ლაბორატორია, სადაც მიმდინარეობს სხვადასხვა ჟანრის საგაზეთო პუბლიკაციების, სატელევიზიო სიუჟეტებისა და გადაცემების, გაზეთების მომზადება-გამოშვების პრაქტიკული სწავლება.

მიმაგრებული სურათი (გადიდებისთვის დაუწკაპუნეთ სურათზე)

ბიზნესის ფაკულტეტი

კავკასიის საერთაშორისო უნივერსიტეტში ბიზნესის ფაკულტეტზე ხორციელდება შემდეგი საგანმანათლებლო პროგრამები:

1. ფინანსების საბაკალავრო საგანმანათლებლო პროგრამა;

2. მენეჯმენტის საბაკალავრო საგანმანათლებლო პროგრამა;

3. ტურიზმის საბაკალავრო საგანმანათლებლო პროგრამა;

4. საერთაშორისო ბიზნესის მენეჯმენტის სამაგისტრო საგანმანათლებლო პროგრამა.

საბაკალავრო საგანმანათლებლო პროგრამების მიზანია ბიზნესის მართვის ბაკალავრის კვალიფიკაციის მქონე კონკურენტუნარიანი სპეციალისტების მომზადება, რომელიც შეძლებს სხვადასხვა სახის ბიზნეს-პროცესებისა და ორგანიზაციების ეფექტიან მართვას, მსოფლიო გამოცდილებისა და ქვეყნის თავისებურებების გათვალისწინებით, მმართველობითი საქმიანობის სფეროში დაგროვილი თეორიულ-პრაქტიკული ცოდნისა და პროფესიული უნარ-ჩვევების საფუძველზე.

ბიზნესის ფაკულტეტის სამაგისტრო პროგრამა 2011 წელს განახლდა, დაემატა ბიზნესის პრაქტიკუმი, რომელიც საშუალებას აძლევს სტუდენტს რეალურ დროში გამოიყენოს თეორიაში მიღებული ცოდნა პრაქტიკაში. აჟამად კავკასიის საერთაშორისო უნივერსიტეტი ანხორციელებს საერთაშორისო ბიზნესის მენეჯმენტის სამაგისტრო საგანმანათლებლო პროგრამას;

ფაკულტეტი მიზნად ისახავს:

1. სტუდენტს გაუღრმავოს კრიტიკული და ანალიტიკური აზროვნების უნარი;

2. გაუძლიეროს ადაპტაციის შესაძლებლობა;

3. ჩამოუყალიბოს პროექტების აღქმის უნარი;

4. გამოუმუშაოს პრაქტიკულ საქმიანობაში ცოდნის გამოყენების ჩვევა;

5. მოამზადოს ისეთი კადრები, რომლებიც შეძლებენ ცოდნაზე დაფუძნებული ადგილობრივი და საერთაშორისო შრომის ბაზრის მოთხოვნების დაკმაყოფილებას. მედიცინის ფაკულტეტი

კავკასიის საერთაშორისო უნივერსიტეტის მედიცინის ფაკულტეტი ფუნქციონირებს 1995 წლიდან.

დღიდან დაარსებისა მედიცინის ფაკულტეტმა არაერთი წარმატებული მედიკოსი აღზარდა და დაასაქმა. 1995-2011წწ ფაკულტეტს ყავს 215 კურსდამთავრებული- სამკურნალო საქმისა და სტომატოლოგიის სპეციალობით.

მედიცინის ფაკულტეტის პროგრამა ერთსაფეხურიანია. სასწავლო პროცესი ემყარება კრედიტების დაგროვებისა და ტრანსფერების ევროპულ სისტემას. სწავლა ხორციელდება შემდეგი პროგრამებით:

დიპლომირებული მედიკოსის ერთსაფეხურიანი საგანმანათლებლო პროგრამა სპეციალობით:

1. მედიცინა (360 ECTS) - მისანიჭებელი აკადემიური ხარისხი: დიპლომირებული მედიკოსი (MD);

2. დიპლომირებული სტომატოლოგის ერთსაფეხურიანი საგანმანათლებლო პროგრამა, სპეციალობით დიპლომირებული სტომატოლოგი (300 ECTS) - მისანიჭებელი აკადემიური ხარისხი: დიპლომირებული სტომატოლოგი (DOCTOR OF DENTAL MEDICINE);

შესაბამისი კრედიტების დაგროვების შედეგად სტუდენტები მოიპოვებენ დიპლომირებული მედიკოსის კვალიფიკაციას და ფლობენ თეორიული და პრაქტიკული მედიცინის საფუძვლებს. გავლილი აქვთ საექთნო და საექიმო პრაქტიკა. შეუძლიათ გაანალიზონ თანამედროვე მედიცინის თეორიული კონცეფციები და მიმართულებანი, გააგრძელონ სწავლა რეზიდენტურასა და დოქტორანტურაში ან/და მიიღონ მონაწილეობა USMLE (United States Medical Licensing Examination) პროგრამით გათვალისწინებულ გამოცდებში.

2010-2011 სასწავლო წლიდან ფაკულტეტზე ამოქმედდა ფარმაციის სპეციალობა. ფარმაციის საბაკალავრო პროგრამა ითვალისწინებს 240 ECTS - მისანიჭებელი აკადემიური ხარისხი: მედიცინის ბაკალავრი ფარმაციაში (Bachelor of Medicine in Farmacy)

მედიცინის ფაკულტეტზე კლინიკური დისციპლინების სწავლება ხორციელდება პარტნიორ სამედიცინო დაწესებულებებში. რაც წარმატებულ სტუდენტებს აძლევთ რეალურ საშუალებას შემჩნეულ და მოწონებულ იქნან კლინიკის მესვეურების მიერ და გააგრძელონ შემდგომი პროფესიული სრულყოფა.

მიმაგრებული სურათი

საერთაშორისო თანამშრომლობა
დაწკაპვა: 1135

კავკასიის საერთაშორისო უნივერსიტეტის პარტნიორები არიან


1. „ოდლარ იურდუს უნივერსიტეტი“ (ბაქო, აზერბაიჯანი).
http://www.oyu.edu.az

ხელშეკრულება ურთიერთთანამშრომლობის შესახებ


2. რომუალდო დელ ბიანკოს ფონდი (ფლორენცია, იტალია).
http://www.fondazione-delbianco.org/

მემორანდუმი ურთიერთთანამშრომლობის შესახებ


3. ბრნოს ტექნოლოგიის უნივერსიტეტი (ჩეხეთის რესპუბლიკა).

www.fbm.vutbr.cz


4. კავკასიის უნივერსიტეტი (ბაქო, აზერბაიჯანი).

www.qu.edu.az/content.php?link=2&lang=az


5. სულეიმან დემირელის უნივერსიტეტი (თურქეთის რესპუბლიკა).

http://w3.sdu.edu.tr/


6. ყირიმის ჰუმანიტარული უნივერსიტეტი (უკრაინა).

http://www.cshi.crimea.edu
* * *
კავკასიის საერთაშორისო უნივერსიტეტი
Caucasus International University
საქართველოს განათლების სექტორის მხარდაჭერისა და სტუდენტთა
წახალისების მიზნით კავკასიის საერთაშორისო უნივერსიტეტში
უპრეცენდენტო შეთავაზებათა პაკეტი ამოქმედდა. ამიერიდან კსუ-ში
მაღალი ხარისხის განათლება საყოველთაოდ ხელმისაწვდომია!
 აბიტურიენტს, რომელიც განაცხადის შევსებისას პირველ ნომრად
115-ს, კავკასიის საერთაშორისო უნივერსიტეტს შემოხაზავს,
სასწავლო წლის განმავლობაში დაენიშნება სტიპენდია.
 აბიტურიენტი, რომელიც ერთიანი ეროვნული გამოცდების
შედეგების საფუძველზე 100% -იან სახელმწიფო გრანტს მოიპოვებს,
სწავლის დარჩენილი გადასახადიდან გათავისუფლდება.
 მაღალი აკადემიური მოსწრების მქონე სტუდენტებს დაენიშნებათ
სტიპენდია 80 ლარის ოდენობით. სტუდენტებს დაბალი შემოსავლის მქონე ოჯახებიდან
უნივერსიტეტი სწავლის საფასურის ეტაპობრივად გადახდის
საშუალებას აძლევს.
 ქვეყნის ტერიტორიული მთლიანობისათვის ომში დაღუპულთა
შვილებს სწავლის საფასური გაუნახევრდებათ.
 სტუდენტები იძულებით გადაადგილებულ პირთა ოჯახებიდან
ისარგებლებენ შეღავათით.
 საბაკალავრო და სამაგისტრო პროგრამით გათვალისწინებული
პერიოდის დასრულებამდე სწავლის საფასური არ გაიზრდება.
 2012-2013 სასწავლო წლიდან კავკასიის საერთაშორისო
უნივერსიტეტი თავისი სტუდენტების სხვადასხვა ტიპის
სადაზღვევო მომსახურებით უზრუნველყოფას განახორციელებს.
გახდე კავკასიის საერთაშორისო უნივერსტეტის სტუდენტი, ნიშნავს
გქონდეს ხარისხიანი განათლება, წარმატებული კარიერა, მუდმივი
განვითარების შესაძლებლობა და დაუვიწყარი სტუდენტური ცხოვრება.
შემოხაზეთ პირველ ნომრად 115, კავკასიის საერთაშორისო
უნივერსიტეტი და შემოგვიერთდით!
კავკასიის საერთაშორისო უნივერსიტეტი გისურვებთ წარმატებას.
ჩვენ ვქმნით თქვენს მომავალს!
თბილისი, ჩარგლის ქ. 73
ტელ: (995 32) 210 52 03, (995 32) 261 12 98, (995 32) 294 59 92
ვებ- გვერდი www.ciu.edu.ge
www.facebook.com/CIUniversity
ელ.ფოსტა: ciu@ciu.edu.ge

კავკასიის საერთაშორისო უნივერსიტეტსა და თბილისის სააპელაციო სასამართლოს შორის მემორანდუმი გაფორმდა


12 ივლისს კავკასიის საერთაშორისო უნივერსიტეტსა და თბილისის სააპელაციო სასამართლოს შორის უთიერთთანამშრომლობის მემორანდუმი გაფორმდა, რომლის მიზანი გახლავთ უნივერსიტეტის სტუდენტების მიერ სასამართლო კლინიკის ფარგლებში პრაქტიკულ-იურიდიული უნარ-ჩვევების გამომუშავება, სასამართლო მოხელეების განგრძობადი განათლების უზრუნველყოფა, სასამართლო მოხელეებისა და უნივერსიტეტის სტუდენტების ეფექტური ინფორმირება სასამართლოსა და უნივერსიტეტის საქმიანობისა და სერვისების შესახებ.

მემორანდუმის თანახმად, სასამართლოს ბაზაზე კავკასიის საერთაშორისო უნვერსიტეტის იურიდიულ ფაკულტეტზე მოქმედი სამაგისტრო პროგრამით გათვალისწინებული სასამართლო კლინიკის ფარგლებში, შერჩეულ სტუდენტებთან იმუშავებენ პრაქტიკულ-იურიდიული უნარ-ჩვევების გამომუშავებაზე, სასამართლოს მიერ შერჩეული მოხელეები კი გაივლიან უნივერსიტეტის უწყვეტი განათლების სამსახურის მიერ ორგანიზებულ კურსებს, ტრენინგებსა და სემინარებს.
კავკასიის საერთაშორისო უნივერსიტეტი და სააპელაციო სასამართლო ერთმანეთის საქმიანობის შესახებ პრეზენტაციებისა და შეხვედრების ორგანიზებას უზრუნველყოფენ. იმედს ვიტოვებთ, რომ პირველი ნაბიჯი ხანგრძლივი და ნაყოფიერი ურთიერთობის საფუძველი გახდება.

რატოა ეს თემა ესე ჩავარდნილი....



მე ახალი ვარ და






უპპპპპპპპპპპპ

მეც აქ მოვხვდიიიიიი )))) სწავლა როდის იწყებააააა??????
* * *
დავიჯერო ესე ცოტა ხალხი სწავლობს აქ რო არც შემოდიააააან??????

სწავლა ამ უნივერსიტეტში 10 სექტემბერს იწყება


...........................

მაინტერესებს ამ სასწავლებელში თუ არის რაიმე შეღავათი იძულებით გადაადგილებულ პირებზე, სწავლის საფასურს ვგულისხმობ.

გმადლობთ.

სამწუხაროდ არ ვიცი ტასო გაგირკვევ და შეგატყობინებ აუცილებლად..... ეს ჩვენი ახალი ტელევიზიაა მალე ახალი კლინიკის სურათებსაც დავდებ

მიმაგრებული სურათი

მაგარი უნივერსიტეტია მარა ტერიტორიულად არ მომწონს

სკილეტა9
კი გეთანხმები ტერიტორიულად არ არის კარგ ადგილას , მაგრამ მთავარია სწავლის დონე საზღვარგარეთ ყველა პრესტიჟული უნივერსიტეტი გარეუბნებშია, ასევე საქართველოშიც რამდენიმე საუკეთესო უნივერსიტეტი შავი ზღვა, თავისუფალი და ა.შ

ჩვენი რადიო სადაც პრაქტიკებს გადიან ჟურნალისტიკის ფაკულტეტის სტუდენტები

მიმაგრებული სურათი (გადიდებისთვის დაუწკაპუნეთ სურათზე)

კარგი უნივერსიტეტია ნამდვილად,უკვე მესამე კურსზე გადავედი და თავიდან ისეთი იყო გადასვლას ვაპირებდი არც შენობა ვარგოდა და არც პირობები იყო,მაგრამ ძალიან სერიოზულად გააკეთეს ბევრი საინტერესო პროგრამა აქვთ და ლექტორებიც ძალიან ძლიერები არიან,კმაყოფილი დარჩებით ვინც მოხვდით,კეთილი იყოს თქვენი მობრძანება,ტერიტორიას ყურადღებას ნუ მიაქცევთ ზამთარში კარგი ჰაერია