გაუნათლებელი უსაქმურო საზოგადოების გავლენა, პოლიტიკოსის ქმედებაზე=დაშვებული შეცდომები

წეღან გადავხედე ბათუმის თემას, ვიღაც ქიოფოღლუ რომ ჩამოდის და ცოტა არ იყოს დამაფიქრა ერთ რამეზე. აი შეიძლება ამის გამო თითის გაშვერა დავიწყოთ კვირიკაშვილისკენ. ან მთავრობისკენ, რაღაც კუდები გამოვაბათ ამ ვიზიტს, რატომ ხვდება ჩვენს მოქალაქეებს, ჩვენს მოსახლეობას უცხო ქვეყნის პოლიტიკური პირი და ასე შემდეგ. ნუ რა უფლება აქვს რაიმე თავყრილობის ჩატარების ეგ მართლა ვერ გავიგე მაგრამ ნუ შეიძლება ეგეც არასწორად ვიცი. მოკლედ სხვა რამეზე მინდა ვილაპარაკო, არა ამ შემთხვევაზე მარტო, არამედ ზოგადად.


აი არ დაფიქრებულხართ რომ ზედმეტად ცხვირს ყოფს საზოგადოება პოლიტიკოსების საქმიანობაში? ნუ გასაგებია რომ ბოსელია პოლიტიკოსი კი არაა კოლექციონერია და ფულის კოლექციას აგროვებს მაგრამ მაინც. აი როგორი ხელისუფლებაც არ უნდა გვყავდეს ამ ეტაპზე და რაც არ უნდა მოიომქმედონ, საზოგადოების რაღაც ნაწილიდან მაინც ხორციელდება ზეწოლა. ეს ხომ რა თქმა უნდა მოქმედებს პოლიტიკოსის გადაწყვეტილებაზე? მითუმეტეს ჩვენი მენტალობის ერის შვილზე რომლისთვისაც "ხათრი" "ჰა იყოს რაც არის ოღონდ ესენი გაჩუმდნენ და ხმა მომცენ მერე" უცხო არ არის. არ გიფიქრიათ რომ პოლიტიკოსების მიერ დაშვებული შეცდომების გარკვეული პროცენტი ხალხის ზეწოლის ბრალია?

არცერთი დღევანდელი ძლიერი ქვეყანა არ აშენებულა ისე
როგორც დღეს საქართველოში წარმოუდგენიათ
ყველაფრის კირკიტი ანგრევს ამ ქვეყანას
ქართველი კი უკვე ისეთი გაუნათლებელი გახდა, რომ მხოლოდ კირკიტი იცის და არა საქმე
დღეს კირკიტში ბღავილში და ჩასაფრებაში კეთდება მაყუთი
რას მოიგებთ ამასაც ვნახავ

dega
ხო მაგრამ უბრალოდ არის საფრთხე იმისა რომ სიჩუმეც არ მოიტანს კარგს. აი ესაა თორემ, მე უკვე დავფიქრდი ამაზე და აი ეს კირკიტი სერიოზულად ღერძავს ტვინს უკვე. ნუ მე არ მიშავებს არაფერს, მაგრამ პოლიტიკოსის გადაწყვეტილებაზე შეიძლება იმოქმედოს. აქ პოლიტიკოსის კარიერისტობის რაღაც დოზაც უნდა დავუშვათ და აქედან გამომდინარე; სახელმწიფოს ამოცანაზე -კი არა, საზოგადოების მოთხოვნაზე უფრო ხშირად ფიქრობენ (ლოლ წარმოვიდგინოთ რომ საზოგადოების მოთხოვნაზე მაინც ფიქრობენ თორემ სახელმწიფო რა ამოცანების წინაშეცაა, ესენი ასი წელი ვერ ამოხსნიან. ). ხო და იცის კი საზოგადოებამ რა უფრო მომგებიანია ქვეყნისთვის? გვაქვს შესაბამისი ზოგადი ცოდნა მაინც? როგორც ჩანს გამოცდილებიდან ვერაფერს ვერ ვიმახსოვრებთ, გაკვეთილები გვავიწყდება, ვიზეპირებთ მიტინგიდან მიტინგამდე, არჩევნებიდან არჩევნებამდე, როგორც სახლიდან სკოლამდე ვიზეპირებდით და მერე გვავიწყდებოდა.

aca baca banci bunca
არასტაბილურობის ბრალია ეგ...ქვეყანაში არ არსებობს სტაბილურად საშუალო შემოსავლიანი ფენა, რომელიც ჩემი აზრით სადღაც 50 60 % უნდა იყოს მოსახლეობის.აღნიშნული მასა უნდა იყოს ნეიტრალური და მათი სტაბილურობა არ უნდა იყოს დამოკიდებული არჩევნების შედეგებზე. შესაბამისად, ისინი იქნებიან თავისუფალი არჩევანში,გააკეთებენ თავიანთ საქმეს, არ იქნებიან პოლიტიზირებულები და ვერ იქნებიან გამოყენებული სხვადასხვა პოლიტიკური პარტიების მიერ.ხოლო, თავიანთ არჩევანს დააფიქსირებენ საარჩევნო ყუთთან სრულიად თავისუფლები.
ეგ არცერთ მთავრობას არ აწყობს.ჩვენთან ხო არჩევნების შედეგები წინასწარ არის ხოლმე ცნობილი, ერთი ერთში აჯენენ პროცენტსაც
რეალობა კი ასეთია: 20 პროცენტი არის სულით ნაცი და 20 სულით ქოცი, რომელთა კეთილდღეობა პირდაპირ არის დამოკიდებული იმაზე, თუ ვინ იქნება სათავეში. აღნიშნული 20 20 % თავის ჭკუაზე ატრიალებს ზემოთ აღნიშნულ უკიდურეს გაჭივრებაში მყოფ 60%ს და გამოდის, რომ ქვეყანაში ყველაფერი კეთდება ან ერთი პარტიის სასარგებლოდ, ან მეორესი...