2017-05-24 13:20:11 7054
სოციალურ ქსელში დღეს ვიდეო გავრცელდა, რომელზეც ოკუპირებული აფხაზეთის დე ფაქტო პარლამენტის წევრი ბეჟან უბირია დე ფაქტო უშიშროების საბჭოს ყოფილ მდივან (2011-2013 წწ.) სტანისლავ ლაკობას გალის რაიონის მოსახლეობის სტატუსსა და ე.წ. მოქალაქეობის საკითხზე ესაუბრება. რა მიზნით შედგა კადრებში ასახული შეხვედრა, არ არის დაკონკრეტებული, თუმცა საუბრის დროს გაჟღერდა ფრაზა: „პრეზიდენტიდან უბრალო მოქალაქემდე ყველანი საქართველოს მოქალაქეები ვართ".
სტანისლავ ლაკობას კითხვა:
- აი, მაგალითად, თქვენ სად ცხოვრობთ?
ბეჟან უბირიას პასუხი:
- გალის რაიონში, სოფელ ზემო ბარღებში.
- საქართველოს რამდენი მოქალაქე გყავთ, სიმართლე რომ ვთქვათ?
- ყველა აქ მყოფი თავს თვლის მოქალაქეებად. ყველა აქ მყოფი, დაწყებული პრეზიდენტიდან, დასრულებული, აგერ, მაგალითად ოპერატორით, ყველანი საქართველოს მოქალაქეები არიან. მე მივმართე ოფიციალურად, ინტერნეტით საქართველოს იუსტიციის მინისტრს საქართველოს მოქალაქეობაზე უარის თქმის მოთხოვნით. მაგრამ მათგან მივიღე პასუხი, რომ საქართველოს ტერიტორიულ საზღვრებში (რადგან აფხაზეთს დღემდე თავის ტერიტორიად თვლიან) არ არსებობს გაუქმების რაიმე მექანიზმი. ჩვენ ოფიციალურად საქართველოსგან უარი ამ მოთხოვნაზე ვერ გვექნება, რადგან არ არსებობს ამის პრაქტიკა და წესები.
ადამიანები თვლიან, რომ აფხაზეთი მათი სამშობლოა, იხდიან გადასახადებს 1994 წლიდან, შვილებს უშვებენ ჯარში, მათი შვილები აქ მუშაობენ...
ჩვენ ყველანი საქართველოს მოქალაქეები გამოვდივართ, თუ ამ საკითხს ისე შევხედავთ, როგორც ქართველები ფიქრობენ. მაგრამ ეს ადამიანები არიან აფხაზეთის მცხოვრებლები, რომლებიც დააბრუნა პირველმა პრეზიდენტმა და რომლებიც აქ იმყოფებიან 1994 წლიდან.
მე ვფიქრობ, რომ მათ უნდა მივცეთ საშუალება, იგრძნონ თავი ამ ქვეყნის მოქალაქეებად. ან ვუთხრათ "დაბრუნდით", მაგრამ სად?
- ანუ, თქვენ ამბობთ, რომ გალელები თავს საქართველოს და აფხაზეთის მოქალაქეებად აღიქვამენ, თუ მარტო აფხაზეთის?
- აფხაზეთის მოქალაქეებად თვლიან თავს ადამიანები, რომლებიც აქ უკვე 20 წლის განმავლობაში ცხოვრობენ.
http://accent.com.ge/ge/news/details/34523ვიდეო ლინკზეა
აფხაზური პარლამენტის დეპუტატი:"პრეზიდენტიდან რიგით, მოქალაქემდე, ყველანი საქართველოს მოქალაქეები ვართ"
