სკოლის მოსწავლის სარისკო ბიზნესი ზღვის დონიდან 2050 მეტრზე სახლი, რომლის კარიც მხოლოდ ზაფხულში იხსნებოდა, ერთ კვირაში არტ-კაფედ იქცა და ზღვის დონიდან 2050 მეტრზე დამსვენებლებისა და ადგილობრივების საერთო მასპინძელი გახდა.
ბახმაროში პირველი არტ-კაფე 17 წლის მარიამ ეჯიბიამ გახსნა.
არდადეგების დადგომისას, მარიამი დასასვენებლად ყოველთვის ბახმაროში ადის. აქ, მამა-პაპისეულ სახლში, თავს ყველაზე კარგად გრძნობს.
წლების განმავლობაში იმ ადგილზე ფიქრობდა, სადაც მთაში სიარულით დაღლილი, მეგობრებთან ერთად გემრიელ საკვებს მიირთმევდა, მუსიკას მოუსმენდა და საღამოს საინტერესოდ გაატარებდა.
ასე გაჩნდა არტ-კაფის იდეა.
დედა დაეხმარა და დაახლოებით ერთ კვირაში, ოდა ხელოვნების კერად იქცა. ინტერიერისა და ექსტერიერის გაფორმებაზე, თავად მარიამმა იზრუნა - მეზობლებმა ძველ ალბომებში შემონახული უნიკალური ფოტოები აჩუქეს, ფოტოხელოვანმა გიორგი ისაკაძემ და ფერმწერმა თათია კობრეიძემ კი არტ-კაფეში საკუთარი ნამუშევრები გამოფინეს.
„რატომ დავარქვი არტ-კაფე? იმიტომ, რომ მინდა ხელოვან ადამიანებს საკუთარი შემოქმედების გაზიარების საშუალება ჰქონდეთ. მთის მაცხოვრებლებს, ტურისტებს, დამსვენებლებს, ყველას, ვისაც ამის სურვილი ექნება“ - ამბობს მარიამი.
არტ-კაფის გახსნას მოსახლეობა სიხარულით შეხვდა. კაფეში 4 ადამიანია დასაქმებული, რომელთაგანაც ორი ადგილობრივია.
ხაჭაპურს აქ ახლომდებარე სოფელის ყველით ამზადებენ, საფირმო ჩაის კი მოცვით, რომელიც გურიის მთებში მოდის. კაფე, ადგილობრივების პროდუქციით მარაგდება.
მარიამის არტ-კაფე, ბახმაროში, შეკრებისა და ურთიერთობის მთავარ სივრცედ იქცა. სხვადასხვა თემას აქ ადგილობრივები, ტურისტები და დამსვენებლები ერთად განიხილავენ.
15 სექტმბერს, მარიამი არტ-კაფის კარს გამოხურავს და ბარში დაბრუნდება, ბახმარო კი 6 თვით თოვლში ჩაეფლობა. მომავალ ზაფხულამდე მარიამმა სკოლის დასრულება და ეროვნული გამოცდების ჩაბარება უნდა მოასწროს.
შემდეგ კი ისევ მთა, ახალი იდეებითა და სამომვალო გეგმებით...
http://mtisambebi.ge/news/business/item/51...an-2050-metrshiყოჩაღ
ღმერთმა ხელი მოუმართოს
This post has been edited by ფორცხოლი on 26 Jul 2017, 18:43
. .
სკოლის მოსწავლის სარისკო ბიზნესი, ზღვის დონიდან 2050 მეტრზე 
