ინგლისური ენის სპეციალისტი/სტაჟირება, ინგლისური ენის სპეციალისტი/სტაჟირება

აღწერა: კომპანიას აცხადებს ვაკანსიას ინგლისური ენის მთარგმნელის, სტაჟიორის პოზიციაზე (წერილობითი თარგმანის მიმართულებით) შემდგომი სრული დასაქმების პერსპექტივით.

საკვალიფიკაციო მოთხოვნები:

** ბაკალავრის ხარისხი ინგლისურ ფილოლოგიაში;
** სასურველია კანდიდატი იყოს მაგისტრატურის დამამთავრებელი სემესტრის სტუდენტი (ანგლისტიკის ან სხვა მომიჯნავე დარგების მიმართულებით);
** პასუხისმგებლობის მაღალი გრძნობა;
** ოპერატიულობა და დეტალებისადმი (ტერმინები, თარიღები, ციფრები და ა.შ.) ყურადღება;
** რუსული ენის ცოდნა ჩაითვლება დამატებით უპირატესობად.

ანაზღაურება: 400 ლარი.
სამუშაო საათები: სრული სამუშაო განაკვეთი.

დაინტერესების შემთხვევაში, გთხოვთ, გადმოგვიგზავნეთ თქვენი რეზიუმე (ქართულ და ინგლისურ ენებზე) და განათლების დასტურის დოკუმენტაცია - დიპლომი, სერტიფიკატი (აუცილებელია) ელფოსტით, შემდეგ მისამართებზე: to: hr@delta-group.ge cc: DeltaTargmani@gmail.com და გთხოვთ, წერილის თემაში აუცილებლად მიუთითეთ ვაკანსიის დასახელება, წინააღმდეგ შემთხვევაში თქვენი რეზიუმე არ განიხილება.

კანდიდატის შერჩევა მოხდება ორ ეტაპიანი პროცესის გავლის შემდეგ: პირველი ეტაპი გულისხმობს ტესტირებას, მეორე ეტაპი გასაუბრებას.

გისურვებთ წარმატებას!

ეუუF , მადლობა

აბა რა





This post has been edited by Link on 31 Jan 2018, 17:27

4Motivi

400 ლარი რა ამბავია სტაჟიორისათვის?! 100 ლარიც ეყოფა და შაბათ-კვირასაც ამუშავეთ აუცილებლად! ბედნიერი უნდა იყოს რომ აიყვანეს! და შოლტიც არ დაგავიწყდეთ!


დამსაქმებელთა საყურადღებოდ! სანამ ასეთ მარგალიტებს დადებთ ხოლმე, ცოდა დაუფიქრდით და დასაქმებულის გადმოსახედიდანაც სცადეთ იაზროვნოთ. ვიცი რთულია, მაგრამ მაინც სცადეთ ხოლმე.

აი იცი ინგლისური, გაქვს მაგისტრის ხარისხი, კარგად ლაპარაკობ და თარგმანიც შეგიძლია. შენ წინაშე ორი არჩევანია:

ერთგან კვირაში 40 საათი "პახაობ", გაძლევენ ღმერთმა უწყის რამდენ გვერდს სათარგმნად, ზეწოლა არის სერიოზული ზემდგომებისგან, როგორც ყველგან ამ წყალწაღებულ სახელმწიფოს მსგავს წარმონაქმნში, არანაირი განვითარების ან დაწინაურების პერსპექტივა და ანაზღაურება კიდევ მიზერული 400 ლარი......

ან შეგიძლია უბრალოდ აიყვანო ხუთი მოსწავლე თვეში და ყველა ვარიანტში უფრო მეტი გამოიმუშავო, დროც უფრო მეტი დაგრჩება და შენ თვითონ დაადგენ განრიგს. შეგიძლია თავისუფალი დრო გამოიყენო შენთვის, დამატებით თვითდასაქმებული თარჯიმანი გახდე ან სინქრონულიც სცადო. ხოდა ახლა თქვენი აზრით რომელს აირჩევს ინგლისურის თუნდაც ნორმალურ დონეზე მცოდნე?!

კიდევ დარწმუნებული ვარ მაგ 400 ლარში საშემოსავლოც არ შედის და ხელზე სულ 320 ლარი გამოვა. ინგლისურის მცოდნე ექსპერტი თვეში ორი მოსწავლის რეპეტიტორობისგან აიღებს მაგდენს!

ვაგლახ, მთელი ჩემი ცხოვრება ინგლისურს ვსწავლობ, ვამუშავებ და ვხვეწ, რუსულიც ძალიან კარგად ვიცი, ახლა კიდევ გერმანულს ვეჭიდები. რამდენი წელია ვთარგმნი საკმაოდ რთულ ტექსტებს. ნებისმიერ შემთხვევაში გვერდში 10 ლარზე ნაკლების მიცემა თარჯიმნისათვის უკვე არის მონობა! თქვენ კიდევ ფიქსირებულ კაპიკებად გინდათ თარჯიმანი, რომ მერე 100 გვერდი მისცეთ ალბათ კვირაში სათარგმნად და აქეთ დააყვედროთ, სამუშაო ხომ მოგეციო!

და მერე კიდევ წუწუნებთ, არ მოდიან ეს ზარმაცი ქართველები ვაკანსიებზეო.




This post has been edited by Hiksos on 1 Feb 2018, 10:27

ძალიან წინ წავალთ და გაუსწრებთ ბრატისლავას. ვაშა დამსაქმებლებოოო გისურვებთ წარმატებას! 400 ლ ბევრია

Hiksos

მადლობთ გრძელი პოსტისათვის, კარგია რომ ერთი შეხედვით გული შეგტკივათ არარსებულ საკითხებზე, ყოველშემთხვევაში მოცემულ შემთხვევაში არარსებულ რეალობაზე. შესაქებია თქვენი ვირტუალური გამბედაობა.

სტაჟირების პროცესში დახარჯული დროის 40-დან 60%-მდე სწავლებაზე მოდის, გამოცდილი პროფესიონალების გვერდით. სწავლება გულისხმობს იმ ასპექტების სწავლას, რაც ჯერ-ჯერობით არ ისწავლება ქართულ უნივერსიტეტებში: მთარგმნელობითი მეხსიერების პროგრამები და მათი პრაქტიკული გამოყენება.

"ინგლისურის მცოდნე ექსპერტი თვეში ორი მოსწავლის რეპეტიტორობისგან აიღებს მაგდენს! " - ეს არ არის ექსპერტის პოზიცია, განცხადებაში მითითებულია სტუდენტი, რომელსაც ჭირდება სტაჟირების ადგილი.

"ვაგლახ, მთელი ჩემი ცხოვრება ინგლისურს ვსწავლობ, ვამუშავებ და ვხვეწ, რუსულიც ძალიან კარგად ვიცი, ახლა კიდევ გერმანულს ვეჭიდები. რამდენი წელია ვთარგმნი საკმაოდ რთულ ტექსტებს. ნებისმიერ შემთხვევაში გვერდში 10 ლარზე ნაკლების მიცემა თარჯიმნისათვის უკვე არის მონობა! თქვენ კიდევ ფიქსირებულ კაპიკებად გინდათ თარჯიმანი, რომ მერე 100 გვერდი მისცეთ ალბათ კვირაში სათარგმნად და აქეთ დააყვედროთ, სამუშაო ხომ მოგეციო! "

ეს ინფორმაცია საიდან გაქვთ ? რომ ასეთი პრაქტიკაა ჩვენთან. ვწუხვართ, რომ თქვენ გქონდათ ამგავრი გამოცდილება.

გისურვებთ წარმატებებს