თბილისის საკრებულოს "ქრისტიან-დემოკრატების" ფრაქციის წარმომადგენელი ზაზა გაბუნია რუსთაველის გამზ.#42-ში მდებარე ყოფილი "ზარია ვოსტოკას" შენობის სამშენებლო სამუშაოებს აპროტესტებს.
როგორც დღევანდელ პრესკონფერენციაზე ზაზა გაბუნიამ განაცხადა, "ზარია ვოსტოკას" შენობა, რომელსაც 2007 წელს კულტურული მემკვიდრეობის ძეგლის სტატუსი მოეხსნა, ინვესტორებს ბიზნესსაქმიანობის დაწყების საშუალებას აძლევს.
"ეს ფაქტი მეტყველებს იმაზე, რომ კომპანია "კაზმა", რომელიც ახორციელებს საინვესტიციო სამუშაოებს, ხელისუფლების ექსკლუზიური მხარდაჭერით სარგებლობს და შესაბამისად ამ საქმეში მმართველი ჯგუფის ინტერესებიც იკვეთება", - განაცხადა ზაზა გაბუნიამ.
მისივე თქმით, ექსპერტები აღნიშნულ მისამართზე დაწყებული სამუშაოების გამო, შენობის ავთენტურობის დაკარგვის საფრთხეზე საუბრობენ.
როგორც გაბუნია აცხადებს, ექსპერტებისვე მტკიცებით, შენობის გვერდითა ფასადის დანგრევით უკვე დაიკარგა შენობის ერთი თაღი.
"ქრისტიან-დემოკრატები" მოითხოვენ, კომპანია "კაზმამ" არქიტექტორებისა და დაინტერესებული საზოგადოებისთვის გააკეთონ ახსნა-განმარტებები და დაარწმუნონ ხალხი, რომ სამუშაოები საფრთხის შემცველი არ არის შენობისთვის. ასევე, გაბუნია მოითხოვს, რომ ასეთი ტიპის საკითხებთან დაკავშირებით მერიამ არ მიიღოს ერთპიროვნული გადაწყვეტილებები და თბილისის საკრებულო, როგორც წარმომადგენლობითი ორგანო, ჩააყენოს საქმის კურსში. შევიდეს ცვლილებები კანონში ძეგლთა დაცვის შესახებ, რომლითაც უნდა გაჩნდეს მექანიზმი იმის საგარანტიოდ, რომ ისტორიული და ეროვნული მნიშვნელობის ძეგლს პირადი ახირებისა თუ სურვილის შემთხვევაში, ვერავინ შეეხოს.
http://www.interpressnews.ge/ge/sazogadoeb...rotesteben.htmlექსკლუზივი და მხარდაჭერა გამიგია, მაგრამ ეროვნული მნიშვნელობის ძეგლის წინააღმდეგ?! მეტსიმეტია!!!!!!
ხელისუფლება კომპანია "კაზმათი" მანიპულირებს?!
