ამერიკის შეერთებული შტატები, რუსეთისა და პუტინის ოლიგარქების მიმართ კიდევ უფრო მკაცრ სანქციებს ამზადებს.
არსებული ინფორმაციით, ახალი სანქციები, შესაძლოა, გაცილებით ფართო სპექტრს შეეხოს, ვიდრე რუსეთის პრეზიდენტის ირგვლივ მოტრიალე ოლიგარქები არიან.
რამდენიმე დღის წინ, აშშ-მა რუსი მილიარდელების ერთი ნაწილი სანქციების ქვეშ მოაქცია. მათ შორის იყვნენ დერიპასკა, აბრამოვიჩი და კერიმოვი.
სანქციებს ექვემდებარება პუტინის გავლენის წყალობით გამდიდრებული რუსული გიგანტებიც - როსნეფტი, გაზპრომი, ლუკოილი, ვითიბი...შედეგად, პუტინის გარემოცვამ უკვე დაკარგა 17 მილიარდ დოლარზე მეტი და როგორც ჩანს, ეს მხოლოდ დასაწყისია.
შეერთებულ შტატებში ფიქრობენ რომ აუცილებელია ისეთი ღონისძიებების შემუშავება, რომელიც პუტინსა და მის ჯიბის ოლიგარქციას უკან დახევას აიძულებს.
რა ხდება საქართველოში?
საქართველოში, 2018 წელი საპრეზიდენტო არჩევნებია. ხელისუფლების შიგნით უკვე ემზადებიან რადიკალური ცვლილებებისათვის, რომელიც დიდი ალბათობით, 2020 წლის საპარლამენტო არჩევნებით დასრულდება.
საქართველოს მეგობარი ქვეყნების მიზანია ჩვენს ქვეყანაში მთავრობა კვლავ არჩევნების გზით შეიცვალოს, როგორც ეს 2012 წელს მოხდა. თუმცა, არსებობს მოსაზრება რომ „ივანიშვილი, ე.ი. ქართული ოცნება, არჩევნების გზით არ წავა“.
უტყუარად შეიძლება ითქვას რომ ამ შემთხვევაში, ქართველი ოლიგარქის მიმართ სანქციები ამოქმედდება და მას საბანკო ანგარიშებსაც დაუყადაღებენ.
თუმცა, გამორიცხული არც ისაა რომ ყოფილ პრემიერს, საერთაშორისო დონის პრობლემები მანამდეც შეექმნას, რაც ცხადია, რუსეთსა და ცივილიზებულ მსოფლიოს შორის მოვლენების განვითარებაზეცაა დამოკიდებული.
მსოფლიო იცვლება. იცვლება მსოფლიოს მიდგომა ოკუპანტი რუსეთის მიმართაც, რომელსაც საქართველოში, უკრაინასა და სიარიაში ხელები სისხლში აქვს გასვრილი.
პუტინის რეჟიმი ეჭვმიტანილია ბრიტანეთში ორმაგი აგენტის მოწამვლის საქმეშიც, რომელსაც შედეგად, სხვადასხვა ქვეყნებიდან, 120 რუსი დიპლომატის სამარცხვინოდ გაძევება მოჰყვა.
„რუსულ ქეისში“ მოიაზრება ბატონი ბიძინა ივანიშვილიც. საბოლოოდ, სწორედ მისი გადასაწყვეტია, ბოლო მომენტში, კვლავ კრემლის მხარეს დადგება თუ, დასავლეთისა და ამომრჩევლის ზეწოლით, ხელისუფლებას არჩევნების გზით გადააბარებს.
http://presa.ge/new/?m=politics&AID=64894ხო... ნაცები იასნია ამ სცენარზე ოცნებობენ
მაგრამ გაუგებარია რატომ ასაღებენ თავიანთ ფანტაზიებს ამერიკის გეგმებად?
გაუყინავენ თუ არა, ივანიშვილს საბანკო ანგარიშებს?
