ეკა ბესელიამ შეწყალების კომისიას 600-ზე მეტჯერ მიმართა
საქართველოს პარლამენტის წევრმა საპარლამენტო უმრავლესობიდან, ეკა ბესელიამ საქართველოს პრეზიდენტის ადმინისტრაციას მსჯავრდებულთა შეწყალებასთან დაკავშირებით ყველაზე მეტჯერ, 609-ჯერ მიმართა. წერილები 2012-2016 წლებშია გაგზავნილი. ეს ინფორმაცია On.ge-მ პრეზიდენტის ადმინისტრაციიდან საჯარო ინფორმაციის სახით მიიღო.
მიღებული საჯარო ინფორმაციიდან ირკვევა, რომ ბესელიას მიერ მიწერილი 608 წერილი ინდივიდუალური იყო, ერთი კი - ზაზა პაპუაშვილთან და გედევან ფოფხაძესთან ერთად.
2012 წლიდან 2018 წლის მარტის ჩათვლით შეწყალების კომისიას 20-ზე მეტჯერ შეწყალებასთან დაკავშირებით დეპუტატებმა მანანა კობახიძემ (38), გედევან ფოფხაძემ (27), ლაშა თორდიამ (26), ჯონდი ბაღათურიამ (23) და დიმიტრი ლორთქიფანიძემ (22) მიმართეს.
იმ დეპუტატებს შორის, რომელბმაც მსგავსი შინაარსის წერილები გააგზავნეს პრეზიდენტის ადმინისტრაციაში მოხვდნენ მოქმედი პარლამენტიდან ყველა პარტიის წარმომადგენლები.
"პერსონალური მომართვებიც იყო, შეხვედრებიც იყო. იქედან რამდენს ფულის გამო გზავნიდა და რამდენს არა - ამას ზუსტად ვერ გეტყვით. ზოგ შემთხვევაში იყო დასკვნები, ზოგან იყო "გთხოვთ, მიაქციოთ ყურადღება", - აღნიშნა ალეკო ელისაშვილმა On.ge-სთან საუბრისას.
წყარო:
http://go.on.ge/og9
ბესელია 600-ზე მეტჯერ მიმართ შეწყალების კომისიას, შევიწყალებ - არც ისე იაფად 
