გუშინ რ2-ის პირდაპირ ეთერში გვარამიას შეატყობინა ქალბატონმა ელისომ, რომ მოკლული ლევან დადუნაშვილის მამა აქციაზე სუსმა მიიყვანა, აუტვირთა სუსელების ფოტოები და სასწრაფოდ დაადგინეს ვინაობაც (შემდეგ გაირკვა, რომ თურმე არ ყოფილა სუსელი,
სავარაუდოდ აფხაზეთის შსს-ს თანამშრომელიაო), შემდეგ გვარამიამ განავითარა ნარატივი სუსის მიერ ერთი მშობელის მეორეს მიმართ გამოყენებაზე...
ფოტოებზე არ ჩანს დადუნაშვილის მამასთან ამ პირების რაიმე კავშირი, მე ვერ ვხედავ და რავიცი... ვინმემ ტელეფონი წაართვა და მათთან ერთად ვეღარ გადაუღო?
ანუ იმ შვილმკვდარ მშობელს, რომელიც შენგან განსხვავებულად ფიქრობს, შეიძლება ყველაფერი დავაბრალოთ, ტალახში ამოვსვაროთ, სუსის აგენტობა დავაბრალოთ, რადგან შენს ჭკუაზე არ დადის, სხვა აზრები გააჩნია და ვერ ვიყენებთ სათანადოდ..აბა რას ფიქრობთ, სუსი აპირისპირებს მშობლებს თუ ელისო&გვარამია, ვინ უფრო გამოცდილია ამ საქმეში?ახლა ციტატები და წყაროები:
”ხორავას ქუჩაზე მოკლული ლევან დადუნაშვილის მამა, პარლამენტთან სახელმწიფო უსაფრთხოების სამსახურის თანამშრომლებმა მიიყვანეს. ამის შესახებ ინფორმაციას, ჟურნალისტი ელისო კილაძე ავრცელებს.
კილაძე "ფეისბუქის" საკუთარ გვერდზე ფოტო მასალასაც აქვეყნებს და აცხადებს რომ პარლამენტთან სუს-ის 6 წარმომადგენელი იმყოფებოდა. მისივე თქმით, აღნიშნული პირები სხვა საპროტესტო აქციებზეც დადიან.
"სირცხვილია-დადუნაშვილის მშობლები სუსმა მოიყვანა ! ს ი რ ც ხ ვ ი ლ ი ა !!!!!!"-აცხადებს კილაძე.”
http://pirveliradio.ge/?newsid=106302”ჟურნალისტ ელისო კილაძის განცხადებით, ხორავას ქუჩაზე მოკლული ლევან დადუნაშვილის მამა აქციაზე, სუს-ის თანამშრომლებმა მიიყვანეს.
"ქრონიკა პლუსის" რედაქტორი სოციალურ ქსელში საკუთრი განცხადების დამადასტურებელ ფოტოებსაც ავრცელებს.
აქვე კეთდება განცხადება, რომ ამ ფოტოებში ჩანს ერთ-ერთი სუს-ის თანამშრომელი ვატო ლებანიძე.
"დღის ბოლოს სუს-მა გამოიყენა ყველაზე ბინძური პროვოკაცია რაც შეიძლებოდა ყოფილიყო, მოიყვანა მეორე გარდაცვლილის მშობლები აქციაზე იმ განცხადებით, რომ ისინი ენდობიან გამოძიებას და აქცია უნდა დაიშალოს.
ეს არ არის ერთი ადამიანის აქცია, ეს არის სამართლიანობის აღდგენის აქცია, ეს არის აქცია, იმ უსამართლობის წინააღმდეგ, რასაც საზოგადოება წლების განმავლობაში აწყდება,“-განაცხადა ელისო კილაძემ „კურიერის“ პირდაპირ ეთერში საუბრისა.
სუს-მა ოფიციალურად ასევე უარყო ლებანიძის რაიმე კავშირს ამ უწყებასთან. შემდეგ დაზუსტდა, რომ ის სავარაუდოდ აფხაზეთის შინაგან საქმეთა სამინისტროს თანამშრომელია.”
http://rustavi2.ge/ka/news/105660ეს კი დადუნაშვლის პოზიციის შესახებ სტატია:
”ვიღაც-ვიღაცები ტელევიზიით, სახლში შეკეტილები ისმენენ ჩვენს ემოციებს. არ გამოყავთ თავისი შვილები, რომ ჩვენება მისცენ და სწორი გამოძიება წარიმართოს, – განაცხადა ხორავას ქუჩაზე მოკლული ლევან დადუნაშვილის მამამ, დავით დადუნაშვილმა, რომელიც პარლამენტის წინ აქციაზე სიტყვით გამოვიდა. მან ზაზა სარალიძეს მიმართა.
„მე ლევანის მამა ვარ, ყველას დიდ მადლობას გეტყვით თანადგომისთვის, ყველას, ჩემ ზაზას ოჯახის და ჩემი ოჯახის ტრაგედიის გაზიარებისთვის. მე ამ საღამოს ვუსმენდი ტელევიზიით, აქ რაც ხდებოდა, მაგრამ აღმაშფოთა ერთმა ფაქტმა – მე არასდროს გამოვჩენილვარ არც კამერებთან და არც მიტინგზე, აღმაშფოთა ერთმა ფაქტმა, ორი-სამი საათის უკან აქ გამოვიდა ტიპი, რომელმაც ჩემი შვილის ნათლიად გაასაღა თავი. ეს არ შეიძლება. ეს არ უნდა ხდებოდეს, თუ თანადგომაა, თანადგომა იყოს, ავანტურებს და ავანტურისტებს აქ ადგილი არ უნდა ჰქონდეს”, – განაცხადა ლევან დადუნაშვილის მამამ.
როგორც ლევან დადუნაშვილის მამამ აღნიშნა, მიმართავს მშობლებს, გამოიყვანონ თავისი შვილები და მისცენ გამოძიებას სწორი ჩვენება.
„ჩემი სათქმელი ესაა, მე ზაზას თანადგომას ვუცხადებ, ზაზას გვერდში ვარ. ჩემი და ზაზას ტრაგედია ერთია, საქართველოს ტკივილია, მაგრამ დავიღალეთ. გამოძიება არ სრულდება ბევრი გარემოებების გამო. კერძოდ, ვიღაც-ვიღაცები ტელევიზიით, სახლში შეკეტილები ისმენენ ჩვენს ემოციებს.
არ გამოყავთ თავისი შვილები, რომ ჩვენება მისცენ და სწორი გამოძიება წარიმართოს. მე შენ გვერდში ვარ, მთავრობა ჩვენ გვერდშია, დავდგეთ ერთად და გამოვიძიოთ. მივცეთ შანსი, სადაც გინდა, პრეზიდენტი გაწყობს, პრეზიდენთან შევიდეთ, პარლამენტის თავმჯდომარე, იქ შევიდეთ, პრემიერი, იქ შევიდეთ. მე ამ ქვეყანაში ვცხოვრობ, ამ კანონებით ვცხოვრობ, რევოლუცია არ მინდა. მე მინდა, ჩემი შვილის მკვლელი ბოლომდე დაისაჯოს, სამართლით მეც არ ვარ კმაყოფილი, მაგრამ დღეს ეს არის გამოსავალი. სიმართლე უნდა გაირკვეს, თუ ამის შემდეგ კითხვები დარჩება, მე შენს გვერდით ვიქნები. მე არა და ხო არ მაინტერესებს. მე ვამბობ ჩემს პოზიციას, რომელიც მინდა, დავაფიქსირო და რომელიც მინდა, გამოვთქვა წრფელი გულით. მე არ ვარ გამოძიებით ბოლომდე კმაყოფილი.
ამიტომ, თუ კითხვები იქნება, უნდა გამოიძიოს იმ სახელმწიფომ, რომელშიც ვცხოვრობთ. მე ბოლომდე ვენდობოდი გამოძიებას. მე შენს გვერდში ვარ, მაგრამ სადაც გინდა, როგორც გინდა. მე დიდი მადლობას გეტყვით თანადგომისთვის ყველას, მთელი საქართველოს ოჯახებს. ჩემი ლევანი ასე ამბობდა, მთელმა საქართველომ მინდა გამიცნოსო და ზუსტად, რომ გაიცნო. მე ამ ერთხელ გამოვედი და შეიძლება მეტი აღარ გამოვიდე. ის რაც მოხდა, ჩემთვის არ არის მისაღები, გამოვიდა კაცი, რომელმაც ბუნებაში არ იცოდა, ვინ იყო ჩემი შვილი. ამბობს, რომ ნათლიაა, ეს არ უნდა იკადროს არც ერთმა ქართველმა“, – განაცხადა მან.
მას შემდეგ, რაც ლევან დადუნაშვილის მამამ გამოსვლა დაასრულა, ზაზა სარალიძემ წარმოთქვა – „სუსი“.
https://1tv.ge/news/levan-dadunashvilis-mam...a-miscen-video/tv პირველზე
This post has been edited by karoche on 2 Jun 2018, 14:13 
დადუნაშვილის მამა სუსმა მიიყვანა, ელისო კილაძე და გვარამია
