ვინ თქვა რომ საქართველოს ფოსტა არ ვარგა?, მომსახურების ხარისხით მსოფლიოში 2 ადგილზეა

„საქართველოს ფოსტა“ EMS-ის მომსახურების ხარისხის კუთხით, მსოფლიო რეიტინგში - მეორე, ევროპის მასშტაბით კი, პირველ ადგილს იკავებს

2018 წლის პირველი კვარტლის შეფასების მიხედვით, „საქართველოს ფოსტა“ EMS-ის მომსახურების ხარისხის კუთხით მსოფლიო რეიტინგში - მეორე, ხოლო ევროპის მასშტაბით პირველ ადგილს იკავებს.

როგორც „ინტერპრესნიუსს“ „საქართველოს ფოსტიდან“ აცნობეს, საფოსტო ოპერატორებს დამოუკიდებელი საერთაშორისო აუდიტორიული კომპანია PWC მსოფლიო საფოსტო კავშირის EMS გაერთიანების მიერ დადგენილი სპეციალური საოპერაციო და ხარისხის სტანდარტების შესაბამისად აფასებს.

„ჩვენთვის მეტად საამაყო შედეგია მსოფლიოს 180 საფოსტო ოპერატორს შორის დაიკავო მეორე ადგილი, ხოლო ევროპაში იყო პირველი. ამისთვის მსურს, მადლობა გადავუხადო „საქართველოს ფოსტის“ გუნდს, რომელმაც დიდი შრომა გასწია ასეთი შედეგების მისაღწევად. მართალია ეს მხოლოდ პირველი კვარტლის შედეგია, თუმცა დარწმუნებული ვარ, ჩვენ სულ მცირე შევძლებთ ამ შედეგის შენარჩუნებას, თუ გაუმჯობესებას არა. მსოფლიო საფოსტო კავშირის და პოსტევროპის ექსპერტების რეკომენდაციების გათვალისწინებით „საქართველოს ფოსტამ“ EMS მომსახურებისთვის განახორციელა სერვისის სრული მოდერნიზაცია და საერთაშორისო სტანდარტების გათვალისწინებით შეიმუშავა ახალი საოპერაციო მოდელი, რომელიც ორიენტირებულია მომხმარებელზე და სრულად პასუხობს პრემიუმ კლასის მომსახურების ყველა სტანდარტს“, - აცხადებს „საქართველოს ფოსტის“ გენერალური დირექტორი ლევან ჩიკვაიძე.

მსოფლიო საფოსტო კავშირის EMS გაერთიანება 1999 წელს შეიქმნა. ორგანიზაცია მსოფლიოში ყველაზე დიდი საოპერაციო ქსელით არის წარმოდგენილი და მოიცავს 180 საფოსტო ოპერატორს პრემიუმ კატეგორიის საერთაშორისო საფოსტო მომსახურების მიმართულებით. „საქართველოს ფოსტა“ EMS გაერთიანებაში 2001 წელს გაწევრიანდა.

http://www.interpressnews.ge/ge/sazogadoeb...avebs.html?ar=A

რავიცი ბოლო დროს 2 ჯერ მქონდა შეხება და ორივეჯერ კამპოტში ჩაადჟვეს და მე ვერ ვუწოდებ 2 ადგილიან კომპანიას
ჯერ ფასები?

სითიპარკის ჯარიმების დიტრიბუცია ამოიღონ და მერე ვილაპარაკოთ.