#53153369 · 25 Jul 2018, 02:42 · · პროფილი · პირადი მიმოწერა · ჩატი
როცა აღარ არსებობდა
არც ძოწი და არც გიშერი,
სასუფეველს ამშვენებდნენ
შტეკერა და ედიშერი.
ორნივ გახლდათ ქერუბიმი
ბელზებელის ძველი მტერი,
ქრისტეს უხმლო რაინდები
შტეკერა და ედიშერი.
როცა მიწა იყო ბნელი
არსით სჩანდა ნათლის ფერი,
მაშინაც კი ერთად იყვნენ
შტეკერა და ედიშერი.
დასაბამიდან ქართველნი
ძველი კოლხი და იბერი,
წარღვნას გადარჩენილები
შტეკერა და ედიშერი.
იმედი და სასოება
მათით ხარობს ერი-ბერი,
გალაქტიკის ორი მცველი
შტეკერა და ედიშერი.
ხმა დაირხა ივერთ მხარეს
საგონებელშია ერი,
ნუთუ მართლა გაიყარნენ
შტეკერა და ედიშერი.
ნუთუ ბედმა მუხანათმა
სულ იცვალა ზნე და ფერი,
ღმერთო რისთვის უკუაგდე
შტეკერა და ედიშერი.
ნეტავ რისთვის მოიძულე
შვილი რად გაჰხადე გერი,
სად წავიდა რად წავიდა
თმაჭაღარა ედიშერი.
* * *
ლექსის გარეშე შეუხლებლად მივიჩნიე ამათი განშორების გადმოცემა
This post has been edited by Infini on 25 Jul 2018, 02:45
|
გალაქტიკის ორი მცველი შტეკერა და ედიშერი
