"რამდენიმე წუთის წინ ჭიათურაში მიმდინარე აქციას ტყიბულელი მეშახტეები შეუერთდნენ. მათ ჭიათურელ მაღაროელებს სოლიდარობა გამოუცხადეს.
"აქცია სამართლიანია, ვიზიარებთ, მათ მოთხოვნებს. არამარტო ჩვენ, არამედ მთელი საქართველო უნდა დაუდგეს ამ ადამიანებს გვერდით - ამბობს ერთერთი ტყიბულელი მეშახტე „რადიო თავისუფლებასთან“ - „ახლა 50-მდე ვართ ჩამოსულები, მაგრამ როცა საჭირო იქნება ასობით ჩამოვალთ"
შეგახსენებთ, რომ ჭიათურაში 15 მაისს, საღამოს შპს „ჯორჯიან მანგანეზის“ სამთო გამამდიდრებელ კომბინატში ე.წ. ვახტურ რეჟიმზე გაფიცვა დაიწყო. თავდაპირველად ერთი ცვლა - 150 მაღაროელი გაიფიცა, მოგვიანებით კი დანარჩენებიც შეუერთდნენ. ამჟამად ყველა მაღაროელი გაფიცულია და საწარმო გაჩერებული. კომპანიის შენობის ადმინისტრაციიდან მაღაროელებმა ჭიათურის მერიასთან გადაინაცვლეს და იქ განაგრძობენ პროტესტს.
რა სურთ მაღაროელებს?
ხელფასის 50% გაზრდა.
მადნით დათვირთული საბარგო ავტომანქანების ქალაქში გადაადგილების აკრძალვა.
ჯანდაცვის სადაზღვევო პაკეტების გაუმჯობესება.
არავინ დაისაჯოს გაფიცვის გამო.
გაფიცვიდან მეორე დღეს მუშებთან მმართველი პარტიის წარმომადგენლები, „ქართული ოცნების“ პოლიტიკური მდივანი ირაკლი ღარიბაშვილი, პარლამენტის თავმჯდომარე ირაკლი კობახიძე და თბილისის მერი კახა კალაძე მივიდნენ. ისინი კომპანიის წარმომადგენლებთან ერთად მაღაროელებს დაჰპირდნენ, რომ კომპანია იმ დღესვე დაიწყებდა მათი მოთხოვნების შესრულებას.
ამის შემდეგ მაღაროელები კომპანიის წარმომადგენლებს შეხვდნენ, მაგრამ მოლაპარაკება უშედეგოდ დასრულდა. როგორც გაფიცულები ამბობენ, კომპანიის შეთავაზება იყო ხელფასების 10 -15%-იანი ზრდა, ისიც ეტაპობრივად და კომპანიის ხელმძღვანელობასთან შეთანხმების შემდეგ. ამ პირობას მაღაროელები არ დასთანხმდნენ.
ამის შემდეგ 15 მაღაროელმა შიმშილობა დაიწყო. ისინი მე-9 დღეა შიშილობენ.
კომპანიაში ამბობენ, რომ მაღაროელების ქმედება არაკანონიერია და სამართლებრივ ჩარჩოებს სცდება, თუმცა, ვითარების განმუხტვის მიზნით, ხელმძღვანელობამ დასაქმებულებს ხელფასის 25 %-იანი მატება, შპს „ჯორჯიან მანგანეზში“ დაგეგმილი რეორგანიზაციის ხარჯზე, მაინც შესთავაზა. მიუხედავად ამისა, კომპანიის ცნობით, „დასაქმებულებმა აღნიშნულ წინადადებაზე კატეგორიული უარი განაცხადეს და უკანონო გაფიცვა გააგრძელეს“.
„შპს „ჯორჯიან მანგანეზში“ მიიჩნევენ, რომ მაღაროელების მხრიდან ხელფასის 50%-იანი მატების მოთხოვნა არაადეკვატური და რეალობასთან შეუსაბამოა"
წყარო:
http://liberali.ge/news/view/45350/chiatur...7DhCYVcZlAE0pLoაქვე, ვრცელდება ასეთი ინფორმაცია და რამდენად შეესაბამება სიმართლეს? რა ხდება საერთოდ? რატომ არ არის ამაზე თემები?????????
https://2020news.ge/index.php/%E1%83%A1%E1%...Mt92S56IDrRiS7kესეც
https://www.radiotavisupleba.ge/a/%e1%83%9b...L5I0aA7bfXVoe-Eროდემდე უნდა გაგრძელდეს ასე?
This post has been edited by dryade on 26 May 2019, 00:19 
· 
მაღაროელთა ბრძოლა 4 მოთხოვნის დასაკმაყოფილებლად
