32 წლის ასაკში, ახალგაზრდა ქართველი მწერალი ანა ლაშხელი-ონიანი გარდაიცვალა.
ანამ სოციალურ ქსელში სულ რამდენიმე დღის წინ ეს წერილი გამოაქვეყნა:
"არასოდეს არავინ თქვას არასოდეს...
უკვე მჯერა რომ შეიძლება გაიღვიძო და არსად იყოს ცა,არც მიწა...და მით უმეტეს ადრინდელი ცხოვრება.
20 დღიანი შოკის,ელდის თუ ტანჯვის შემდეგ დღეს დიაგნოზი დამისვეს.არ ვიტყვი რა.იმიტომ რომ არავისგან არაფერს ველოდები,არც სიბრალულს არც თანადგომას.ეს მე უნდა ავაკეთო.დღეიდან მე ვარ მთავარი ჩემი თავისვის,ჩემი ჯანმრთელობისთვის და ჩემი სიცოცხლისთვის.დღეიდან ვიწყებ იმ წიგნის წერას,რომელიც ბევრი ადამიანისთვის სახელმძღვანელო გახდება და გპირდებით,ამ წიგნის პრეზენტაციას მეც დავესწრები.ეს გადამატანინებს რთულ გზას რომელიც წინ მელოდება.მე არაფრის მეშინია.პირიქით,ვიღებ ამ გამოწვევას ცხოვრებისგან,დავუმტკიცებ ყველას რომ ერთი გალეული გოგოს უკან,ძალიან ძლიერი ადამიანი იმალება.მოვრჩი წუწუნს.
ახლა მადლობების სერია.
1.მადლობა ღუდუშაურის შინაგან სნეულებათა მთელს განყოფილებას. ექიმებს, მედ პერსონალსაც კი, ამდენი სითბოსთვის და ყურადღებისთვის. მადლობა უსაყვარლეს Tiko Kuchukhidze-ს, რომელიც ადამიანობის ეტალონია. ბატონ კახა ვაჭრიძეს, რომელიც სიტყვითაც კურნავს ადამიანებს. #თოდუას მთელ კოლექტივს,რომლებსაც მთელი გულით ვიყავი მინდობილი ეს დღეები.მე დღეს ვიცი რომ საქართველოში გაწირული არ ხარ, რომ ჩვენც გვყავს ნორმალური და ღირსეული ექიმები.მიუხედავად იმისა რომ მეც გერმანიაში ვაპირებ მკურნალობას, ქართველი ექიმების უზომოდ მადლიერი ვარ. ვიცი ბევრი კარგი ადამიანი შემხვდება ამ რთულ გზაზე,ბევრი გამომიწვდის სიკეთის ხელს და დამანახებს ღმერთს.მადლობა უფალს რომ მომცა შანსი ბრძოლის,იმედის...
მადლობა ჩემს ოქროს დაიკოს,რომელმაც შეუძლებელი შეძლო და ჩემთან ერთად გადაიტანა ეს დღეები,რომელიც ჩემთან არის და სულ ჩემს გვერდით იქნება ვიცი.
მადლობა ყველას ვინც მწერთ და გულწრფელად გაინტერესებთ ჩემ ამბები,ამისთვის მოვიკრიბე ძალა და შემოვედი აქ,რომ თქვენთვის მეთქვა, მე არაფრის მეშინია. ყველაფერი არის და იქნება კარგად.
მე დავწერ წიგნს- მე დავამარცხე კიბო," - დაწერა ანამ 28 სექტემბერს, თუმცა, დღეს ცნობილი გახდა რომ ახალგაზრდა მწერალი გარდაიცვალა.
დღეს გარდაცვლილი ახალგაზრდა ქართველი მწერლის, ანა ლაშხელი-ონიანის რამდენიმე დღის წინანდელი ჩანაწერი სოციალურ ქსელში:
"ჯერ არც დამიძინია და გაღვიძებაზე ვფიქრობ...
ავდგები დილას და ყველაფერი იგივე იქნება.
იგივე ოთახი.ადამიანები.გარემო.სამუშაო მუსიკა.მანქანა.ლოგინი.ფარდა.დილის ფინჯანი ყავა.ჭურჭლის დარეცხვა.ზარი მშობლებთან.წუწუნი დაქალთან.იგივე ისტორიები face სამყაროდან.
და უცებ წარმოვიდგინე როგორ მიყვარს ეს ერთფეროვნებაც.
წარმოვიდგინე რომ ერთ დღეს ჩემ ოთახში ვერ გავიღვიძო.
რომ ჩემი ლოგინი არსად იყოს.რომ ვერ ავადუღო ყავა და მთელი დღე მისი სურნელი მელანდებოდეს.რომ ვერ დავურეკო დედას და არ მპასუხობდეს მამაც.რომ აღმოვაჩინო რომ ისინი უბრალოდ ვერასოდეს გიპასუხებენ.რომ გავიდე აივანზე და ვერსად დავინახო ჩემი სახლი.
რომ უსახლო აივანზე ვდგავარ...
წარმოვიდგინე ერთ დღესაც რომ ვერ გა ვიღვიძო.
სანამ დავიძინებ...მინდა გითხრა შენ უფალო,ყველაფერი მჭირდება ხვალისთვის.ყველაფერი მინდა იგივე,თუნდაც სიზმრების გზაზე დავარდნილი გამხმარი ყვავილი..."
This post has been edited by Domenic_Fereira on 9 Oct 2018, 03:09 
ანა ლაშხელი-ონიანი გარდაიცვალა
