ივანიშვილი პრეზიდენტობის კანდიდატად ლეო ნაფტას ასახელებს
Posted on April 14, 2013 by iatukas
Image
დღეს დაანონსებულ ბრიფინგზე, რომელსაც მხოლოდ ბეჭდური მედიის წარმომადგენლები ესწრებოდნენ პრემიერმა ბიძინა ივანიშვილმა პრეზიდენტობის კანდიდატი დაასახელა. ეს არის 30 წლის ლეო ნაფტა. პრემიერის განცხადებას სიტყვა სიტყვით გთავაზობთ:
,, მოგესალმებით ქალბატონებო და ბატონებო. მადლობას გიხდით მობრძანებისათვის. როგორც დაგპირდით დღეს უნდა დამესახელებინა პრეზიდენტობის კანდიდატი – ეს არის 30 წლის ლეო ნაფტა. ჩვენ გვჯერა რომ ის არის ღირსეული კანდიდატი და მზადაა მოერგოს ამ პოსტს. ის შეძლებს ამ თანამდებობას ღირსეულად გაართვას თავი. რომ არა ეს ფაქტორი მე ამ გადაწყვეტილებას არ მივიღებდი. ასევე მინდა დავძინო, რომ ლეო ნაფტას პრეზიდენტობას ითხოვს საზოგადოების უდიდესი ნაწილი, დაწყებული კატალონიური ბარსელონას ქომაგებიდან, გაგრძელებული ,,ცხელი ძაღლის” გადამღები ჯგუფით და დასრულებული ფეისბუქის საზოგადოებით. არსებობს გვერდი ფეისბუქზე, სადაც ითხოვენ ლეო ნაფტას პრეზიდენტობას (ბმული იხილეთ ქვემოთ.ავტ.). მადლობთ ყურადღებისა და მობრძანებისთვის.” – განაცხადა პრემიერმა და დაუყოვნებლივ დატოვა სათათბირო დარბაზი.
შეხვედრაზე არ იყო არც ერთი ტელევიზია მოწვეული. მიზეზები არ დაუსახელებინათ.
ეს კი არის საქართველოს მომავალი პრეზიდენტი (დიდი ალბათობით) ლეო ნაფტა. ამ ფოტოს დიდი ისტორია აქვს, კლუბ დივანში ის მღეროდა საბჭოთა კავშირის ჰიმნს, რადგან ხაზი გაესვა მოვლენისათვის ,,რა ქვეყანა დაანგრიეს ამათი დედა #####ან, გადაფრინდებოდი მოსკოვში 37 მანეთად”…
მისი წინასაარჩევნო კამპანია როდის დაიწყება ჯერ არ არის ცნობილი. ასევე არ არის ცნობილი თუ ვინ იქნება მისი პიარით დაკავებული. ყველაფერს უახლოეს მომავალში გავიგებთ.
http://iatukas.wordpress.com/2013/04/14/laftaprezidentad/ 
პრეზიდენტობის კანდიდატად ლეო ნაფტას ასახელებს
