თბილისი ემზადება მარშრუტკებისთვის უარის სათქმელად, ბასლაინები და მათი ჯანი...

მოკლედ, დიდი რევოლუციური ძვრები და გარდაქმნები იგეგმება დედაქალაქის სატრანსპორტო ინფრასტრუქტურაში:

https://www.autobild.ge/index.php?option=co...&lang=ka-GE



და ძაანაც კაი, თუ გააუქმებენ ამ კორუფციულ სამარშრუტო მიკროავტობუსებს, საცობებს მეტწილად ეგენი ქმნიან და მათი მძღოლებიც ხშირად ნაგლობენ, ქმნიან ავარიულ სიტუაციებს, თანაც ძვირია და ფეხზეც ხშირად გიწევს დგომა მათში, ძლიერი სიცხეებისას კი კონდიციენერის ჩასართავად ომი უწევთ მგზავრებს...

ოღონდ მანამდე უნდა გამოსწორდეს, კარდინალურად უნდა გაუმჯობესდეს ავტობუსების მუშაობა, ეს ბასლაინები კი ნამდვილი მისწრება იქნება _ ამ ხაზებით ისე ჩაუქროლებენ ავტობუსები ყოველგვარ საცობებს, როგორც მიშიზმისას ჩაგვიქროლა დემოკრატიამ... ისე კი, სამართლიანობა მოითხოვს აღინიშნოს, რომ ახლაც ის ძაან შორსაა ჩვენგან, სადღაც ძაან მაღლა, ჩვენ კი, მთელი ქვეყანა, ფარცხალაძის ბიძსარდაფში ვზივართ გასუსულნი...

This post has been edited by kodeqsi on 26 Oct 2018, 05:45

ბულაჩაურზე უზზზაააარმაზარი ველო ბილიკი გაკეთდა

ეხლა კიდო ბუას ლაინი და პრობკები მერე ნახეთ.

გაიგუდებიან ბულაჩაურზე ვინც ცხოვრობს.

kodeqsi
ნაცების დადებულია ეგ ინფო, რომ ყვითელი მარშუტკის მძღოლები აუჯანყოს ქოცებს და ქალაქის პარალიზება მოახდინონ :-D :-D :-D

ITSystems

არაა გამორიცხული

ზედმეტად ახლოსაა ერთმანეთთან გაჩერებები ჩემი აზრით
1.5 ჯერ რომ გაიზარდოს კაი იქნება :დ

ნაკლები გაჩერება მოუწევს

This post has been edited by execution on 26 Oct 2018, 03:29

თუ მასთეა, ეს ტერორისტული სატრანსპორტო აქტი ყოფილა, მიმართული ბიძხელისუფლების ხელოვნურ-ეშმაკურად დამხობისკენ... იმედია, მალე მიხუინას და მაგი პრეს-სააგენტოს დირექტორის შეთქმულებითი საუბრის ფერადი ვიდეოჩანაწერიც დაიდება HD ხარისხში, თუ არადა მადმუაზელ ძიალოგა ვერ გაპრეზიდენტდება, ქვეყანა კი გაულვაშდება...

This post has been edited by kodeqsi on 26 Oct 2018, 05:53

თბილისს უნდა მეტროს სადგურების დამატება: ვაკეში, დიდ დიღომში, მუხიანში, ვაზისუბანში და აეროპორტში.

ამის გარდა აუცილებულია იზოლირებულ ლიანდაგიანი ტრამვაის ხაზების დამატება იმ მიმართულებებზე, სადაც მეტროს გაყვანა ვერ ხერხდება. სხვანაირად ვერ გავექცევით საცობებს. თბილისი იმხელა ქალაქია, რომ თუ ყველა ადამიანმა საკუთარი მანქანით იმოძრავა ვერასოდეს ვერ გავექცევით საცობებს, პრაქტიკულად ვერასოდეს, არ არის თბილისის გეგმარება გასული საუკუნეებიდან მოყოლებული, ისეთი რომ 1.5 მლნ მანქანა დაიტიოს. სამოქალაქო ტრანსპორტი იმ დონეზე უნდა დაიხვეწოს, რომ ბევრმა უნდა ამჯობინოს მანქანის დაყენება და მეტროთი ან ტრამვაით მოძრაობა. ბასლაინები რაღაც მონაკვეთებში კარგია, მაგრამ ვერ მოვა მეტროსთან და ტრამვაისთან მგზავრთბრუნვით.

იგივე ითქმის საქალაქთაშორისო ტრანსპორტზე, საკვანძო ქალაქები უნდა დაკავშირდეს რკინიგზით დღეში რამდენიმე მატარებლით. ეს ქალაქებია:

თბილისი
ქუთაისი
ბათუმი
რუსთავი
ზუგდიდი
ფოთი
გორი
სამტრედია

ყველა ამ ქალაქიდან 4-5 მატარებელი უნდა გადიოდეს ყოველ დღე ერთმანეთთან დასაკავშირებლად. ეს არც ისე ძნელია თუნდაც არსებული ინფრასტრუქტურით.

რატომ არ უშვებენ ჩქარ მატარებელს თბილისი - ქუთაისზე, რომელიც დაახლოებით 3სთ 30წთ-ში ჩავიდოდა?
რატომ არ არის ინტენსიური სარკინიგზო მიმოსვლა თბილისსა და რუსთავს შორის?
რატომ არ არის ქუთაისის საერთაშორისო აეროპორტი რკინიგზით დაკავშირებული დანარჩენ საქართველოსთან?
რატომ არ გადის ქუთაისიდან ჩქარი მატარებლები ბათუმის, ფოთის და ზუგდიდის მიმართულებით?

აი, ეს პრობლემები უნდა გადავჭრათ და სულ უფრო და უფრო მეტმა ადამიანმა უნდა თქვას ავტომანქანაზე უარი, როგორც ევროპაშია.

This post has been edited by გ ი ო რ გ ი on 26 Oct 2018, 06:36

გ ი ო რ გ ი
არ გეგონოს ამოგიჩემე მარა უნდა შეგეკამათო

რატომ?

არ ჯობია ამერიკული მოდელი სადაც არჩევანის საშუალება აქვს მოქალაქეს? ტილიან ევროპელებს რატომ უნდა მივბაძოთ? ვინ გადაწყვეტს მანქანა ვინ უნდა დააყენოს და ვინ არა? დიდი პარკინგის გადასახადები ავტომატურად მარტო მდიდრებისთვის დატოვებს მანქანებს ხელმისაწვდომს.

იმიტომ რომ ამ ხარჯს ვერასდროს ამოიღებ, მანქანით მგზავრობა ურჩევნია ყველას. რატომ არის interstate სისტემა ამერიკაში?
თავისუფლებაში მცხოვრებ ადამიანს ურჩევნია ავტომობილი და იმიტომ, ყველას ურჩევნია თავისი დრო და მგზავრობა თვითონ განსაზღვროს და არა ვიღაც ჰალსტუხიანმა ჩინოვნიკმა.
აეროპორტის მეტრო არის კარგი მაგალითი

აი ეს მართალია 100%. ცუდი მმართველი მთავრობების ბრალია რომ ქალაქი კი არ გაშენდა, არამედ ჩაშენდა. უბრალოდ მაგ ყველაფრის ავტორი არქიტექტორების ხელში არ უნდა მოხვდეს ეხლა უფრო დიდი ძალა რომ მათ გადაწვიტონ მე ფიტით ვივლი, ყვითელი მარშუტკით, ლურჯი ავტობუსით თუ მეტროთი.
ხალხი ვინც დამნაშავეა ქალაქის გაფუჭებაში უფრო მეტ ძალაუფბელას არ იმსახურებს, იმსახურებს უფრო ნაკლებს

This post has been edited by პეტრუჩი on 26 Oct 2018, 06:46

1. ასათიანის ქუჩიდან / ყაზბეგის კვეთა / კარტოზია - დაკეტილია, გაზაფხულზე დაიწყეს ესტაკადის მშენებლობა იპოდრომთან, 3 თვეში მოვრჩებითო, ჯერაც არაა გაკეთებული.

2. საბურთალოდან, დაწყებული ვაჟა-ფშაველას პირველი ნომრებიდან და ზევით რომ მოხვდე დავუშვათ მერიასთან/შარტავას ქუჩაზე, უნდა დაარტყა საშინელი წრე - ან გაგარინი / სანაპირო / დიდუბის ხიდი, ან პეკინის გავლით აჭარასთან წრე, ყველა გადატვირთული და პრობკები...
იგივე თუ ნუცუბიძიდან მოძრაობ, ბუდაპეშტი 1 საათიანი შუქნიშნით, იოსებიძე / ბულაჩაურამდე და მერე ისევ პეკინზე უნდა გამოხვიდე...
ზოგადად შარტავას ქუჩა მოაქციეს რაღაც ცალმხრივ რეზერვაციაში, ძალიან ძნელია მისვლა.

3. პლიუს პეკინის მსგავსად, შარტავაზე და ბულაჩაურზე ბასლაინის გარდა, დაამატეს არაფრისმომცემი ველობილიკი - ყოველდღე დავდივარ პეკინზე და მაქსიმუმ 1-2 ველოსიპედისტს თუ დაინახავ.

4. ყაზბეგი-პეკინის კვეთა - კუტუზოვიდან გაგარინისკენ მიმავალი ტრანსპორტი ხვდება ყაზბეგის ქუჩაზე მიმავალ ტრანსპორტს, მაგას ემატება ვაჟადან ყაზბეგზე შემოსული ტრანსპორტი რომელსაც კუტუზოვზე უნდა გასვლა - 3 ნაკადი სხვადასხვა მიმართულებით მოძრავი ეჯახება ერთმანეთს და არის საშინელი საცობი.
ყაზბეგზე კუტუზოვამდე და ასევე კუტუზოვზე ყაზბეგზე გამოსასვლელთან უნდა დადგეს შუქნიშნები რომ ეს მოძრაობა დარეგულირდეს

5. პეკინზე ზედმეტი შუქნიშანია და ფეხით გადასასვლელი - ადრე ელექტრონიკა რომ იყო იქ, იქვეა მიწისქვეშა გადასასვლელი, დაგინებულია მიწისქვეშათი სარგებლობა თუ რა?

This post has been edited by IG2006 on 26 Oct 2018, 07:40

პეტრუჩი
გეხვეწები გაფარჩაკებულ ამერიკის სატრანსპორტო სისტემაზე არაფერი მითხრა.
325 მილიონიან მოსახლიან და 9.5 მილიონ კვადრატულ კილომეტრზე გადაჭიმულ ქვეყანას აქვს 700 კილომეტრი ელექტროფიცირებული საქალაქთაშორისო რკინიგზა, საქართველოზე 2-ჯერ ნაკლები. და დანარჩენი, რაც დიზელია ანუ თბომამავლების რკინიგზის ქსელის სიგრძე არის საფრანგეთის და გერმანიის ტოლი.
ამერიკის მასშტაბებიდან გამომდინარე შეიძლება ითქვას, რომ ამერიკა არის ერთადერთი ქვეყანა I და II მსოფლიოში, რომელსაც უბრალოდ საქალაქთაშორისო რკინიგზა არ გააჩნია.

ძველი, კონსერვატორების მიზეზი არ მითხრა ოღონდ რომ ამერიკის სამგზავრო რკინიგზას მოგება არ მოაქვს და რომ მოსახლეობის სიმჭიდროვე არ არის საკმარისი და მსგავსი რაღაცეები. ისეთი ქვის ხანის რკინიგზა, როგორც ამერიკაშია, არც მოგებას მოიტანს, არც მგზავრს მოიზიდავს და არც არაფერი.

უამრავი გამოთვლა მაქვს ჩატარებული, მგზავრი*მილი, კორიდორების მოსახლეობის საშუალო იმჭიდროვე და ა.შ. ამერიკაში უამრავი შტატი და მარშრუტი არსებობს, სადაც ევროპაზე დიდი მოსახლეობის სიმჭიდროვე მოდის კვადრატულ მილზე/კილომეტრზე, მაგრამ მაინც ნაგავი რკინიგზაა ან სულ არ არის რკინიგზა.
როდესაც მატარებლის მაქსიმალური სიჩქარე 100 კმ/სთ-ს არ აღემატება, საშუალო სიჩქარე 60 კმ/სთ-ის ფარგლებშია, უზარმაზარ ქალაქებს შორის დღეში ერთი მატარებელი მოძრაობს და ა.შ. ის რკინიგზა არ არის. რატომ ჩაჯდება ადამიანი მატარებელში როდესაც მანქანით შეუძლია გაცილებით სწრაფად და იაფად წავიდეს სადაც უნდა? .

...მაგრამ ეს არ ხდება ჯანსაღი კონკურენციის პირობებში. რაც ამერიკის საქალაქთაშორისო რკინიგზაში ხდება ეგ არის აბსურდი.

1. ამერიკამ რომ interstate გააკეთა 1950-იან წლებში, იმაში გადაიხადა 450 მილიარდი დოლარი გადასახადის გადამხდელი ფული. ეს არ იყო კონკურენცია. ეს იყო სახელმწიფოს პირდაპირი სუფსიდირება საავტომობილო გზებზე. კი, ბატონო, ცუდი არ არის. მე არ ვებრძვი მანქანებს, მაგრამ არანაირი სუბსიდირება არ მომხდარა რკინიგზის მოდერნიზების. გარდა ამისა, ყოველ წელს, ამერიკის საავტომობილო გზები სუფსიდირდება 40 მილიარდი დოლარით (გადასახადის გადამხდელის თანხები), რაც არის მთლიანი ფედერალური სატრანსპორტო ბიუჯეტის ნახევარი. Amtrak-ის საქალაქთაშორისო რკინიგზა სუფსიდირდება 2 მილიარდი დოლარით ანუ 20-ჯერ ნაკლებად აწევს ის გადასახადის გადამხდელს. ეს არის კაპიტალიზმი და ჯანსაღი კონკურენცია?

2. არის უამრავი კორიდორი, სადაც შეიძლება ევროპული ტიპის ჩქაროსნული რკინიგზის მოწყობა და ამისთვის მოსახლეობაც და სხვა სასტარტო პირობებიც საკმარისია გარდა ერთისა. ევროპამ მეთოდურად, თითქმის 60-70 წლის მანძილზე, მეორე მსოფლიო ომის შემდეგ შექმნა მოდერნიზებული რკინიგზა, როგორც კერძო, ასევე სახელმწიფო ფულით. ამერიკა მთელი დეკადების განმავლობაში იგნორირებას უწევდა რკინიგზას და დღეს მთელი ამერიკის რკინიგზის ევროპულის დონემდე მოდერნიზაციას 1 ტრილიონი დოლარი სჭირდება, რისი გადახდაც შეუძლებელია. მარტივ ენაზე რომ ვთქვათ ამერიკა ჩამორჩა და ვეღარ ეწევა ევროპას.

"ტილიან" ევროპელებს იმიტომ უნდა მიბაძოთ, რომ თითქმის 30 წლით არიან ამერიკაზე წინ. ამას თვითონ ამერიკული სატრანსპორტო ინჟინერიის ასოციაციები ამბობენ.
რეალური არჩევანი არის ევროპაში და არა ამერიკაში. ეგეც მცდარი დამოკიდებულებაა.
გერმანიაში, საფრანგეთში, იტალიაში თუ გინდა ჩაჯდები ჩქაროსნულ მატარებელში, რომელიც 250-300კმ/სთ სიჩქარით წაგიყვანს მეზობელ დიდ ქალაქში ან თუ ეს არ გინდა ჩაჯდები ავტომანქანაში და ისარგებლებ ავტობანებით, რომელთა ხარისხიც გაცილებით მაღალია ვიდრე ამერიკის interstate-ის. ამერიკულ ექსპრესვეის ვერც შევადარებ გერმანულ ავტობანებს და იტალიურ ავტოსტრადებს, სადაც ორმოებიც ნაკლებია, განათებულობა და საგზაო ნიშნებიც უკეთესი და ტარებაც უფრო სასიამოვნოა, რადგან ხალხის ნახევარი რკინიგზით მოძრაობს და ნაკლებია საცობები.

ამერიკაში ევროპასთან მიახლოებული ტრანსპორტი არის ნიუ-ორკსა და ვაშინგტონს შორის. სხვაგან საქალაქთაშორისო რკინიგზა არ არსებობს.

ამოიღებ და მოგებასაც ნახავ როგორც TGV, Italo და კიდევ მრავალი სხვა კერძო ჩქაროსნული რკინიგზის ოპერატორი რომელიც ათწლეულობით ნაშენებ ინფრასტრუქტურას დაეფუძნა და ამერიკის მსგავსი სავალალაო სიტუაცია არ აქვს. იცი რამდენ კერძო სარკინიგზო ოპერატორს აქვს მოგება ევროპაში?
ხარისხი უნდა მიაწოდო მომხმარებელს.
და ისეთი საუკუნოვანი იგნორი არ უნდა გაუკეთო რკინიგზას, რომ ერთ მშვენიერ დღეს აღმოაჩინო რომ მომხმარებლისთვის მიწოდებული ხარისხიანი რკინიგზის მიწოდება 1 ტრილიონ დოლარს ნიშნავს და შეუძლებელია მრავალათწლეულიანი იგნორის გამო არ არსებული ინფრასტრუქტურის პირობებში.

აეროპორტის მეტრო არაფრის მაგალითი არ არის.
ჩვენი აეროპორტის მეტრო საერთოდაც არ არის აეროპორტის მეტრო, იმიტომ რომ არ დადის აეროპორტში იმ საათებში, როდესაც ფრენების 90% ხორციელდება.
აეროპორტის ვითომ მეტრო, გათვლილია აეროპორტის დასახლებაში მყოფი ადამიანებისთვის ვაგზალზე ჩამოსასვლელად.
წარმატებული აეროპორტის მეტროები რამდენიც გინდა იმდენი შეგიძლია ნახო ევროპაში.

This post has been edited by გ ი ო რ გ ი on 26 Oct 2018, 07:24

გ ი ო რ გ ი
ხოდა საქმეც მაგაშია, მთავრობის გაკეთებულია ეგ სისტემა და მაგიტომაა ფარჩაკი, ისტორიულად ეგრე იყო, სადაც აქ მთავრობა ერევა იმ საქმეს დედა ედღვნის, რკინიგზის საწყისი ისტორია კარგი მაგალითია.
იგივე ამტრაკი, საშინელებაა. 2 მილიარდს ამტრაკისას ვერ შეადრი 40 მილიარდს, interstate დიდია უფრო. ინტერსტეიტის ზომის რკინიგზას რომ მართავდეს მთავრობა დაჯდებოდა 400 მილიარდი. რაც შეეხება კაპიტალიზმს, საერთოდ არაფერ შუაშია ეს, სუფთა მთავრობის ხარჯების მაგალითია, კაპიტალიზმი და კონკურენცია რა შუაშია? თუ ამტრაკსაც 40 მილიარდი უნდა დაახარჯონ? ნეტა სულ დახურონ ეგ სამარცხვინო რაღაც და მარტო ნიუ იორკის მხარეს დატოვონ სადაც საჭიროა.
აგერ ამერიკული ლეგენდარული დემოკრატები 77 მილიარდს ხარჯავენ კალიფორნიაში, ვნახავთ მეც და შენც რა გამოუვათ თუ ოდესმე დასრულდა, ეგ მარტო კალიფორნიაში თან.
დისიში ტრამვაის ისტორია ნახე? იდიოტები სადაც მეტ ფულს ხარჯავენ მით უფრო იდიოტობას იღებენ. მაგიტომ არ მგონია გეოში გამოსავალი ის რომ მერიას რომელმაც ქალაქს დედა უტირა უფრო მეტი ძალაუფლება უნდა მივცეთ რომ ვითომ დაალაგოს ეხლა.

მენტალიტეტი სხვაა უსაში, ის რაც ევროპაში ან იაპონიაში მუშაობს ამერიკაში არ იმუშავებს.
რომ არ აქვს ამერიკას ევროპის დონის რკინიგზა რა მაგით? არანაირ აუცილებლობას არ წარმოადგენს აგერ ფაქტია. + საწვავი აქ უფრო იაფია, თან შიდა ფრენები არც თუ ისე ძვირია თუ მანქანით სიარული არ გინდა. ამერიკის მენტალიტეტი გათვლილია ინდივიდუალურ თავისუფლებაზე რასთანაც ავტომობილი უფრო ახლოსაა. ჯგუფური კეთილდღეობაა ევროპული მენტალიტეტი და საზ ტრანსპორტი. მე მანქანა მირჩევნია მატარებელს.

კერძო კომპანიას აქვს მოგება, ადგეს და ჩადოს ფული, ოღონდ მთავრობას მერე ნუ მოსთხოვს მანქანების აკრძალვას და ვისაც უნდა იაროს მატარებლით, ნებაყოფლობითი არჩევანის წინააღმდეგი არ ვარ, უბრალოდ მანქანის დაყენება არ უნდა მაიძულოს მე არავინ მაგას ვამბობ. იყოს ორივე და აიღოს პასუხისმგებლობა კერძო სექტორმა რკინიგზაზე, რატომაც არა, მე მთავრობის ჩარევას ვეწინააღმდეგები. მთელი ჩემი არგუმენტი არის ეს, მეტი არაფერი.

ევროპის ექსპრეს ჰაივეი იმით ჯობია რომ სიჩქარის ლიმიტები აქვთ ნაკლები, ეს კი ჩემთვის პარადოქსია

This post has been edited by პეტრუჩი on 26 Oct 2018, 07:44

პეტრუჩი
კარგი რა... რკინიგზა და ინფრასტრუქტურა მაინც მესმის სხვა თუ არაფერი.

interstate-იც მთავრობის არის თავიდან ბოლომდე.
450 მილიარდი საწყისი სუფსიდირება + 40 მლიარდი ყოველ წელს.
ხომ მუშაობს? მუშაობს.
ე.ი. რა გამოვიდა მთავრობა რკინიგზას თუ დააფინანსებს არ იმუშავებს, მაგრამ იგივე მთავრობას აქვს უფლება დააფინანსოს საავტომობილო გზები?

საშინელება არის, საშინელება, მაგრამ იმიტომ კი არა რომ მთავრობა აფინანსებს, არამედ იმიტომ რომ ადეკვატურად არ აფინანსებს interstate-ისგან განსხავევბით.
რა არის 2 მილიარდი? თამაშობა...
ბელგია (მოსახლეობა 10 მილიონი) აფინანსებს თავის რკინიგზას 10 მილიარდი დოლარით. ჰო, ნუ რა თქმა უნდა, თუ გამოაცხადებ რომ interstate და Amtrak სახელმწიფოს საქმეაო და ამის შემდეგ მარტო interstate-ს დააფინანსებ და რკინიგზას საერთოდ არა (2 მილიარდს არც ვთვლი დაფინანსებად.) მერე არ უნდა გაგიკვირდეს რომ რკინიგზა არ მუშაობს. არც ის უნდა თქვა რომ სახელმწიფოს ხელშია და იმიტომ არ მუშაობსო, interstate მშვენივრად მუშაობს სახელმწიფოს ხელში.
ყველაფერი იმის ბრალია რომ დაიკიდა ამერიკამ რკინიგზა და შედეგიც შესაბამისი აქვს. რატომ არ ააგო თანამედროვე რკინიგზის ქსელი 1950-იან წლებში და რატომ არ გადაიხადა 200-300 მილიარდი? არც ერთი არ იყო კაპიტალიზმი. ორივე გადასახადის გადამხდელის სუფსიდირება იყო. იგნორი გაუკეთა და ჩამორჩა. მაშინ შეეძლო დაეფინანსებინა სახელმწიფოს, დღეს 1 ტრილიონს ვეღარ გადაიხდის. დღეს ვერც interstate-ის გაკეთებას შეძლებდა, რომ არ არსებობდეს.
ყველა ერთხმად აღიარებს რომ ამერიკას სარკინიგზო ტრანსპორტს კოლაფსის მდგომარეობა აქვს.

იგნორის ბრალია ეგ.
დღეს არავინ არ აშენებს თავიდან რკინიგზას მესამე მსოფლიოს ქვეყნების გარდა. იმიტომ ჯდება 77 მილიარდი რომ ყველაფერი თავიდან არის გასაკეთებელი, უამრავ ადგილას უნდა გაიაროს რკინიგზამ, ადგილმდებარეობის მესაკუთრეთა უფლებები და ა.შ.
77 მილიარდი რომ უჯდება კალიფორნიას რკინიგზა, ეს არის ტრაგედია და ჩამორჩენილობა ზუსტად. ამერიკას უკვე უნდა ჰქონოდა ეგეთი რკინიგზა.
დღეს რომ სან-ფრანცისკოდან ლოს-ანჯელესამდე თავიდან იყოს გასაყვანი თანამედროვე interstate ეგეც ასტრონომიული თანხა დაჯდებოდა. თავისი დრო აქვს ყველაფერს. რამდენ კონსერვატორ ამერიკელს მოუხარებია რომ ნახე რა ფარჩაკობაა რკინიგზა, 77 მილიარდი ჯდება მარტო კალიფორნიაო. სასაცილოა სატირალი რომ არ იყოს. რკინიგზა კი არ არის ფარჩაკობა, ამერიკის მდგომარეობაა ფარჩაკობა რომ 2028 წლისთვის აპირებს ისეთი რკინიგზის შექმნას, რაც ევროპამ 1980-იანებში შექმნა და დღევანდელი ფასებიდან და რეალობებიდან გამომდინარე ვეღარ ახერხებენ ფინანსურად იმის განხორციელებას, რაც აუცილებელია, რადგან ამ მრავალწლიანი იგნორის გამო 10-ჯერ ძვირი უჯდებათ.

ესეც მცდარი აზრია.
ჯერ ერთი ყველამ არ უნდა იმგზავროს მატარებლით. არჩევანი უნდა იყოს როგორც ევროპაშია. ამერიკაში არ არის არჩევანი, მანაქანით უნდა იარო. ამერიკაში საკმარისია იმ ადამიანების რაოდენობა, ვინც რკინიგზაზე მოთხოვნას შექმნიდა. უამრავ ამერიკელს შევხვედრივარ ევროპაში, ჩქაროსნულ მატარებლებში და დანანებით უთქვამთ რომ ნეტავ ამის მსგავსი რაიმე იყოს ამერიკაშიო. დიდი ქალაქების მოსახლეობას უნდა რკინიგზით სიარული, მაგრამ მათი შექმნილი მოთხოვნის შესაბამისი მიწოდებით დაკმაყოფილება შეუძლებელია იმდენად სხვა განზომილებამდე ჩამორჩა ამერიკა ათწლეულებში. აი, ხომ ხედავ კალიფორნია ჯდება 77 მილიარდი. მთელს ამერიკას 1 ტრილიონი სჭირდება და შეუძლებელია.

ეს ერთი. ახლა ყველაზე მთავარი. ეს კონსერვატორები რომ აწვებიან ამ ავტომობილებს და ინდივიდუალურ თავისუფლებას, როდის მერე გახდა ეს ავტოთავისუფლება ამერიკელი ერის სახე? 60-იანი წლების მეორე ნახევრიდან?

მთელი ამერიკა დადიოდა რკინიგზით. ამერიკის საქალაქთაშორისო რკინიგზის სიგრძეც და ხარისხიც კოლოსალურად აღემატებოდა ევროპულს პრაქტიკულად მეორე მსოფლიო ომამდე. შემდეგ თვითმფრინავების და ავტომობილების გამოჩენისას, სათანადო სუფსიდირება მოხდა მხოლოდ ინტერსტეიტის და ავიაციის. რაღაც 20 წლიანი ჩავარდნა მოუვიდა რკინიგზას 1950-1970 წლებში, როდესაც არ არსებობდა ჩქაროსნული მატარებლები, ერთხელ რომ მოწყდა ამერიკული ჩამორჩენა და წავიდა იგნორი და დაუფინანსებლობა, შემდეგ ვეღარ მოხდა ამოქაჩვა, თანაბარი კონკურენცია და ჩამორჩა და ჩამორჩა და დაემსგავსა ქვის ხანისას. არსებობს უამრავი დასკვნა თუ როგორ დაეშვა ამერიკული რკინიგზა ასეთ სამარცხვინო დონემდე და მიზეზები მთლიანად სუბიექტურია.

უფრო ჩამორჩენილი ქვეყნის შთაბეჭდილებას ტოვებს ინფრასტრუქტურის თვალსაზრისით.
ტოვებს კი არა ნუ ასეც არის. ეგ არის რეალობა.
და სხვათაშორის მარტო რკინიგზაში არ არის ჩამორჩენილი, ევროპული ავტობანებიც უფრო მაღალი დონეა, მაგრამ ევროპულ ავტობანებსა და ამერიკულ ექსპრესვეის შორის არ არის ისეთი ასტრონომიული სხვაობა რა დონეზეც რკინიგზაში აქვს ამერიკას ჩამორჩენა.

1. ჯერ ერთი უფრო ჩამორჩენილია ინფრასტრუქტურულად და ეგრევე ჩანს.
2. საზიზღრობაა საშუალო მანძილზე სიარული (300-400 მილი) - მანქანით ამ მანძილის დაფარვას უნდა 5-7 საათი დაახლოებით, ევროპული მატარებლით დასჭირდებოდა 2-3 საათი ანუ ნახევარზე უფრო ნაკლები. თვითმფრინავით ასე ახლო ქალაქებს შორის ან ფრენა არ იქნება, ან თუ იქნება 4-ჯერ ძვირი ეღირება მატარებელზე და საბოლოო დრო თავისი აეროპორტში მისვლით, უსაფრთხოების გავლით და ა.შ. 4 საათზე მეტი გამოვა.
საოცრად შეკავშირებულია ევროპა უმაღლესი დონის ტრანსპორტით და ამერიკა არა.
თან ევროპაში ავტობანებიც უკეთესია. მეტი რა უნდა იყოს.

არავინ არ უნდა აკრძალოს მანქანები, ეს მე არ მითქვამს.
კერძო კომპანია ვეღარაფერს ვეღარ ჩადების ამერიკის რკინიგზაში. დავწერე მიზეზი. უკიდურესად არის ჩამორჩენილი, იმდენად ჩამორჩენილი რომ სარკინიგზო კოლაფსია ამერიკაში. ვერანაირი კომპანია ვერ ჩადებს 1 ტრილიონ დოლარს რკინიგზის ქსელის მოსაწყობად. ცალ-ცალკე სეგმენტებად კიდევ უფრო წამგებიანი იქნება, რადგან 2-ჯერ მეტი მოსახლეობა სიტყვაზე, ნიშნავს 4-ჯერ მეტ მგზავრს, კვადრატის კანონით იცვლება. ძალიან ჩამორჩა ამერიკა იმ შეცდომებით, რაც 50-იანებიდან 70-იან წლებამდე დაუშვა. ვერც ევროპა და ვერც იაპონია ვერ შეძლებდა დღეს იმ მასშტაბების რკინიგზის აშენებას, რაც გააჩნიათ. კაპიტალიზმი ძალიან დროში ცვალებადი რამ არის, რადგან მიდის მუდმივი ინფლაცია, ფულის რეალური მსყიდველობითი უნარის ცვლილება და ა.შ. ის რაც ევროპას და იაპონიას 5-ჯერ იაფი დაუჯდა თავის დროზე, დღეს ძალიან ძნელია რომ გააკეთო, გინდა კერძო და გინდა სახელმწიფო ფულით. ამიტომ ძალიან გაუჭირდება ამერიკას რკინიგზის მოდერნიზება, მაგრამ არა იმიტომ რომ ხალხის კრიტიკული მასა არ ჰყავს ვისაც უნდა, უბრალოდ იმდენად ძვირია ეს ყველაფერი დღეს რომ აღარ შეუძლია დააფინანსოს ის რაც ევროპამ შეძლო 70-იანებში და 80-იანებში.

საბოლოო შედეგი არის ის რომ ზუსტადაც ამერიკაში არ არის არჩევანი ევროპისგან განსხავევბით. მიჯაჭვული ხარ მანქანას. თუ კონსერვატორი ხარ და გიყვარს მანქანა არ გრძნობ თავს ცუდად, რადგან არის ინტერსტეიტი და დადიხარ, სადაც გინდა, მაგრამ თუ ხარ ტრანსპორტის მოყვარული, უფრო დემოკრატების მენტალობის ადამიანი, გრძნობ რომ ქვის ხანაში ხარ. ასევე ნებისმიერი განვითარებული ქვეყნიდან რომ ჩადიხარ ამერიკაში, მაშინვე გრძნობ რომ სატრანსპორტო პრობლემებია... უცბად შეიძლება აღმოაჩინო რომ მილიონიან ქალაქს არ აქვს რკინიგზის სადგური საერთოდ ან აქვს და მეორე მილიონიან ქალაქამდე, რომელიც არც თუ ძალიან შორს არის (ვთქვათ 300 მილი) დღეში მიდის ერთი მატარებელი (ნაცვლად 30-სა) და მგზავრობის დრო არის 7 საათი, ორი საათით მეტი მანქანაზე. სხვა რეისები არც არსებობს.

P.S. ამერიკის დონის ტრანსპორტი ნამდვილად არ მინდა რომ იყოს საქართველოში. უკვე გვაქვს მთელს ამერიკის შეერთებულ შტატებზე უფრო გრძელი ელექტროფიცირებული საქალაქთაშორისო რკინიგზა.

P.P.S. ოკ. ე.ი. კონსერვატიული კაპიტალისტი ხარ და ეწინააღმდეგები სახელმწიფოს ჩარევას, ყველაფერი კონკურენციამ და კერძო ბიზნესმა უნდა შექმნას ხომ? მაშინ ჯერ ფედერალურმა მთავრობამ ააშენოს National Network of HSR, პარიტეტი და თანაბარი პირობები ხომ უნდა აღდგეს? სახელმწიფომ თუ ააგო საავტომობილო გზების ქსელი, ააგოს რკინიგზის ქსელიც ერთჯერადად, რომ აღდგეს წონასწორობა. მერე შეწყვიტოს სახელმწიფომ სოციალისტებივით ექსპრესვეის 40 მილიარდით დაფინანსება ყოველს წელს, გაყიდოს, გადასცეს კერძო ბიზნესს, რომელიც დააწესებს გადასახადს გზებზე. ამის შემდეგ უკვე ინტერსტეიტის მსგავსად აგებული მთელი ჩქაროსნული რკინიგზის ინფრასტრუქტურა გავყიდოთ და მივყიდოთ კერძო ოპერატორებს, ვინც გაყიდიან ბილეთებს/ ეს იქნება ჯანსაღი კონკურენცია, ეს იქნება თანაბარი შესაძლებლობები. იცი რამდენ მგზავრს წაართმევს რკინიგზა საავტომობილო გზებს თანაბარი კონკურენციის პირობებში? რაც ამერიკის რკინიგზას უქნეს ორივე პარტიამ, ეგ არის საზიზღობა და ანტი-კაპიტალიზმი. თავიდან ბოლომდე დაასუფსიდირეს ინტერსტეიტი, თავისი მშენებლობით და ოპერირებით, რკინიგზის მოდერნიზაცია საერთოდ არ მოახდინეს, სასაცილო 2 მილიარდი მიუგდეს Amtrak-ს და თან ეუბნებიან მიდი თუ მაგარი ხარ კონკურენციაში შედი ამერიკის ერთ-ერთ ყველაზე დიდ სოციალისტურ პროექტთან - ინტერსტეიტთანო. ეს არის ორმაგი სტანდარტი და შედეგიც სახეზეა.

This post has been edited by გ ი ო რ გ ი on 26 Oct 2018, 09:35

IG2006

ხოდა, გადაჯექი ველოზე და 3-ნი იქნებით

თან მარჯვნივ 50 მეტრშია გადასასვლელი, მარცხნივ 70 მეტრში.
ამ გადასასვლელებს შორის ბატები მაინც მიწისქვეშას თავზე გადადიან.
100 ლარიანი ჯარიმები ქვეითებს!!!!!!

ისე, ამ შუქნიშნების დაყენება მგონია რაღაც პათოლოგიაა.
ბულაჩაურზე ორი დღე გამორთული იყო და საცობებიც არ იყო.

ავტომანქანების მფლობელები უნდა იხდიდნენ მინიმუმ იმაზე 2-ჯერ მეტს ვიდრე საწვავში ხარჯავენ. ჯერ ხო ჰაერს გვიბინძურებენ ყველას, მერე პრობკებს ქმნიან და საზოგადოებრივ ტრანსპორტსაც არ აცდიან ნორმალურად სიარულს. მთელ ქალაქში რო მიმოფენილია ბორდიურებზე და ა.შ. ამაზე რო აღარაფერი ვთქვა. მანქანის ყოლის გამო უკვე უნდა იხდიდეს თანხას ნებისმიერი!

ქალაქში კიდე პატარა ადგილას მაინც უნდა იყოს აკრძალული ტრანსპორტის მოძრაობა, მხოლოდ ველოსიპედები და ა.შ. უმატორო ტრანსპორტით უნდა შეიძლებოდეს გადაადგილება ასე 2 კვ. კმ. საკმარისი ფართობია. უნდა გაკეთდეს ეგ ავტობუსის ხაზები და არ უნდა შეეძლოს მანქანას მანდ გადასვლა უნდა იყოს დიდი ჯარიმა. ყვითელი მარშუტკები რომ გასაუქმებელია ფაქტია. ზოგი მძღოლი ისე ნაგლია და ისე ნაგლურად ესაუბრება ხოლმე ძირითადად ქალებს. დადიან როგორც მოეპრიანებათ. სამსახურიდან რო გამოვდივარ 8 საათი თუ უწევს არ დგანან მარშუტკები საიდანაც იწყებე ხოლმე 30-40 წუთი უნდა ველოდო. იმ დღეს მოხუცი ქალიც იყო და მძღოლს 20 წუთი უყვიროდა ბოლოს დავრეკავო და ალბათ დარეკა იმიტომ რომ მას მერე 3 დღე სულ იყვნენ მასე გვიანადაც გაჩერებაზე.

რაც მალე ჩანაცვლდება სამარშუტოები სხვა სატრანსპორტო საშუალებებით მით უკეთესი იქნება მთელი ქალაქისათვის.
მეტრო ძალიან ძვირია. ერთი მეტროს სადგურის აშენების ფასით ათეულობით ახალ ავტობუსს შემოიყვან ქალაქში. ის კი არა მეტროზე თუა საუბარი მიწისზედა მეტრო (იგივე ს-ბანი რაც გერმანია-ავსტრიაშია), ბევრად უფრო იაფი დაჯდება, ვიდრე მეტრო.