საპროცესო გარიგება თანხის სანაცვლოდ, და ჯარიმები

მაინტერესებს, მიგაჩნიათ თუ არა, რომ საპროცესო გარიგება იმ სახით, რაც დღეს გვაქვს პრაქტიკაში, ზღუდავს კონსტიტუციის უმთავრეს პრინციპს, საქართველოს მოქალაქეების თანაბარუფლებიანობის შესახებ და ადამიანი, რომელსაც არ აქვს შესაძლებლობა გადაიხადოს პირობითად 3000 ლარი საპროცესო გარიგებაში, ვერ იქნება თანაბარუფლებიანი მოქალაქესთან, რომელიც თავისუფლად გადაიხდის 300 000?

და მეორე, ჯარიმებს რაც შეეხება, ზუსტად არ მახსოვს, რომელ ქვეყანაში, თუ არ ვცდები ფინეთში, ჯარიმებს თუნდაც უწყინარი ავტოსაგზაო დარღვევის შემთხვევაში, განსაზღვრავენ მოქალაქის ყოველწლიური შემოსავლის მიხედვით, ანუ, პირობითად მაკდონალდსის მუშას. რომელსაც აქვს თვეში 1500 ევრო შემოსავალი, ეწერება მინიმალური ჯარიმა, 20 ევროს ოდენობით, მაშინ როდესაც ექიმს დავუშვათ, ან ბანკის მაღალი დონის მენეჯერისთვის, წლიური შემოსავლით დავუშვათ 400 000, იგივე დარღვევისთვის შეიძლება 10 000-იანი ჯარიმა დაეკისროს.
ავტოსაგზაო დარღვევები ვახსენე და შემიმჩნევია, ძვირადღირებული მანქანები უფრო არ ერიდებიან თუნდაც კამერების და რადარების წინაშე დარღვევას. ეს იმიტომ. რომ მათთვის 50 ლარიანი ჯარიმა ამინდს არ ქმნის.

აქვს ამ მოსაზრებას არსებობის უფლება...............