ეგოს დახასიათება

ეგო:

1. სურს საკუთარ თავსაც და სხვასაც დაუმტკიცოს რაღაცეები.

2. ის დამცინავია

3. მას ეშინია

4. ეგო თავმოყვარეა

5. ეგო სინდისით სპეკულირებს.

6. ეგო ტკბება ყალბი სიკეთით, ალტრუიზმით.

7. ეგო აგრესიულიცაა

8. ის უშიშარი და მამაცია. ქედმაღალი და ამბიციური.

9. ეგო აფასებს გარშემო ყველაფერს (საგნებს, შენობებს, ადამიანებს ცხოველებს და ა.შ.), ადებს თავის იარლიყებს (კარგი, ცუდი, კეთილი, ბოროტი, გულჩვილი და ა.შ.), ხოლო რეალურად ხედვის საშუალებას არ გაძლევს, რომ დაინახო საგნები და არსებები ისეთები, როგორებიც რეალურად არიან.

10. ეგოს სულ რაღაც უნდა


ეს ის მცირე ნუსხაა, რაც ეგოს დასახასიათებლად გამახსენდა.
ეგოს კლანჭები ძალიან მძლავრია და ღრმად აქვს ადამიანის არსებაზე ჩავლებული. ეგო ბავშვობიდან, თქვენთან ერთად იზრდება, ღვინდება და დროსთან ერთად უფრო და უფრო ძლიერი ხდება.
მამაცი ადამიანი, რომელიც გადაწყვეტს მისგან თავის დაღწევას, ეგო უამრავ სურპრიზებს მოუწყობს. ის ზოგჯერ უკან დაიხევს, შეგაცოდებს თავს და შეგაგრძნობინებს ეგოს გარეშე ყოფნის ნეტარებას, მაგრამ ეს უკან დახევა "რაზგონის" აღებაა, რომ ცოტა ხანში უფრო ძლიერად შემოიჭრას თქვენში და დარტყმა მოგაყენოთ. ბევრი წამოეგება მის მახეზე და ისევ ჩაიხუტებს თავის საყვარელ ეგოს. შემდეგ მას თავიდან მოუწევს ყველაფრის დაწყება. ზოგი კი უბრალოდ ფარ-ხმალს დაყრის. მხოლოდ მშვიდი და გონიერი ადამიანი ძლიერი ნებელობით, გაივლის ამ გზას ბოლომდე. დაკარგავს პიროვნებას, იმისათვის რომ იპოვოს ნამდვილი "მე".

გეთანხმები ყველაფერში
თუმცა ამ სამყაროში ეგო ბუნებრივია დამცავი ნაჭუჭია,
იზრდები მწიფდები უამრავ დარტყმებს იღებ ცხოვრებაში, მიდიხარ უკიდურეს ზღვარზე ბოლოს პიკი ან მოკვდები ან მოიცილებ ეგოს

ეგოს გადალახვა საბოლოოდ შესაძლებელია სიცოცხლეში , თქვენი აზრით?

nona22

აი ეგეთი ეშმაკუნაა ეს ეგო. გგონია რომ დამცავია, არადა ეგო იმაზე მეტს აფუჭებს და აზიანებს, ვიდრე იცავს.

საბოლოო ჯამში ალბათ ადამიანის ნება უნდა იყოს თავისი ნამდვილი მეს პოვნა. როდესაც ეს სურვილი გაჩნდება, შემდეგ უკვე ეგო ვერ ვიტყოდი რომ მოცილდება, არამედ გაცნობიერდება და მას პირისპირ შეხედავ.

user117

მე მგონია რომ ყველაფერი შესაძლებელია. "წარმოსახვა ქმნის რეალობას" უთქვამს ერთ ჭკვიან ადამიანს.
მთავარია შენს თავთან დარჩე მარტო რამოდენიმე ხანი. და მარტოდ ყოფნაში ნელნელა საკუთარი თავი თვითონ გეტყვის რა გჭირდება და რა არის შენთვის კარგი.

This post has been edited by brevalo on 18 Oct 2018, 20:55

brevаlo

არ გსურს, ფილოსოფიაში ან ფსიქოლოგიაში გადავიტანოთ? აქ რელიგია გვაქვს უკვე. ეგო რელიგიის კუთხიდან თუ გინდა განიხილო, მაშინ ეგეც თქვი.

ლაბარნა


კი ბატონო, გადაიტანეთ ფილოსოფიაში

brevаlo

მადლობა.

ეგოს როგორ განვიხილავთ თემაში? როგორც ტრიადის, ეგო, სუპერ-ეგო, იდის ერთ-ერთ კომპონენტს თუ უფრო ფართო აზრით, როგორც მთლიან "მეს"?

ლაბარნა


ეგო განვიხილოთ როგორც ცრუ ეგო (აჰამკარა)

ბევრნაირი შეიძლება იყოს ეგო მაგრამ ჩემი აზრით არაადეკვატურად უარყოფით კონტექსტშია აქ შეფუთული.

ჩემი აზრით მეობის გარეშე ადამიანი უბრალოდ ბიომასაა.

Damnoc

კი ბატონო, ამიტომ არსებობს მდაბალი მე ანუ ცრუ მე და არის მაღალი მე. საჭიროა ცრუ მეს გაცნობიერება და თვალებში ჩახედვა. როდესაც ცრუ მე გაცნობიერდება, მაღალი მე გამოჩნდება, როგორც მოწმენდილი ცა.

წარმოიდგინე ერთი ქალაქის მცხოვრებები, რომლებიც სულ იმ ქალაქში არიან და სხვაგან არსად გადიან. ხოლო იმ ქალაქში სულ მოღრუბლულია და ჩამოწოლილია სქელი ღრუბელი. იმ ადამიანებისთვის მოღრუბლული ცა ჩვეულებრივი მოვლენაა, ისინი მიჩვეულები არიან ამას და ვერც კი წარმოუდგენიათ მოწმენდილი ცა. იმდენად მიჩვეულები არიან ამგვარ ცას რომ ღრუბლების გაფანტვის ეშინიათ, ჰგონიათ რომ რაღაც კატაკლიზმა მოხდება და დაიხოცებიან. არადა ღრუბლების გაფანტვით არაფერი დაიკარგება, პირიქით, ნათელი ცა და მზის სხივები გამოჩნდება.

This post has been edited by brevalo on 19 Oct 2018, 16:54

brevаlo

პლატონის გამოქვაბულს გავს ეგ ყველაფერი :D

მგონი კონსტრუქციული იქნებოდა ცრუ და მაღალი მეების დეტალური გამორჩევა.

Damnoc

კი, ზუსტად იგივეა


ცრუ მე მგონია რომ ადამიანს დაბადებიდან აქვს. ზოგს მძაფრად, ზოგს არა. შემდეგ უკვე გააჩნია როგორ იცხოვრებს, გააგრძელებს მის გამოკვებვას და გაძლიერებას თუ პირიქით, გადალახავს ცრუ მეს ხაფანგებს. ცრუ მე ანუ აჰამკარა ყველაზე დიდი მასწავლებელია. მისი წყალობით ვიზრდებით და ვვითარდებით სულიერად. მაღალი მე არის რეალური მე. წმინდა გონი. ბავშავობის ცნობიერებამდე როდესაც მიდიხარ, ოღონდ ეგოს გარეშე.

brevаlo

წარმომავლობა და დანიშნულებაც საინტერესოა მაგრამ უბრალოდ მიჭირს განცალკევება დამახასიათებელი თვისებების გარეშე. თუ თვისებების მაგივრად შედეგებით განისაზღვრება რომელი რომელია?

Damnoc


ადამი და ევადან იღებს ეს ყველაფერი სათავეს. ღვთის ნებით მოხდა ეს ყველაფერი. გამოაგზავნა ეშმაკი რომ შეეცდინათ ადამი და ევა რომ ეგემათ ნაყოფი. ეს ისტორია შეიძლება გადატანითი მნიშვნელობითაა გადმოცემული, შეიძლება არა. მაგრამ მთავარი მომენტი არის ის, რომ მაქედან იწყება იდენტიფიკაცია და დიფერენციაცია შავის და თეთრის, კეთილის და ბოროტის, ანუ პოლუსების. მაქედან იწყება შეფასებითი აზროვნება.

brevаlo

მესმის კი და ძალიან კარგია წარმომავლობის ამბები მაგრამ დახასიათება კარგი იქნებოდათქო.

სპილო არის დიდი ნაცრისფერი ცხოველი, ხორთუმით და ფართხუნა ყურებით.

წყალი არის გამჭვირვალე, უსუნო, უგემო სითხე რომლის მოლეკულაც ორი წყალბადის და ერთი ჟანგბადის ატომისგან შედგება.

მაღალი მე არის . . .

ცრუ მე არის . . .