ბექა გონაშვილი რუსეთიდან ფრენების აკრძალვაზე: მჯიღის მირტყმა, რომ არ გვეშინია, არ იქნება სწორი
June 22, 2019 515 Views
ფერმერი ბექა გონაშვილი რუსეთის ფედერაციის პრეზიდენტის ვლადიმერ პუტინის გადაწყვეტილებას Facebookze დაწერილი პოსტის საშუალებით აფასებს, რომლის თანახმად რუსულ ავიაკომპანიებს 8 ივლისიდან, დროებით, საქართველოსა და რუსეთს შორის ავიამიმოსვლა აეკრძალებათ.
“ამის მოლოდინი, გულში, მაგრამ მაინც ხომ არსებობდა? ტურიზმი ერთია, ამას მოჰყვება ბევრი სხვა პრობლემა რუსეთის მხრიდან, ესაა მათი ბაზრით მანიპულირების საუკეთესო შესაძლებლობა.
პრაგმატულად ვიფიქროთ ახლა, ტურიზმზე ხელის შეშლა ჩვენისთანა ქვეყნისთვის უმნიშვნელო დარტყმა როდია? საკმაოდ სერიოზულია!
აქვე ის დაშვებაც არ უნდა გამოგვრჩეს, სადაც ბორჯომი ახსენეს ჯიგრებმა, რომ ღვინის შეტანასაც აგვიკრძალავენ, ეს ძალიან ცუდი ტენდენციაა, ბევრი ღვინის მწარმოებელი და ვენახის გამშენებელი სწორედ მაგაზე იყო ორიენტირებული… ნუ სხვა რაღაცეების ექსპორტზე რომ არაფერი ვთქვათ.
ისიც გავითვალისწინოთ, რომ ჩვენ რამდენიმე წელია ჩამოკიდებულები ვართ რუსულ ხორბალზე, წელიწადში დაახლოებით 300 მილიონამდე შიშხათები გადის ჩრდილოეთში პურის საყიდლად, მათ შეუძლია ესეც გაგვიპრობლემონ, იმას თუ გავითვალისწინებთ, რომ ახლა ჩვენთან მოსავლის აღებები უკვე იწყება, ხორბალი ქვეყანაში იქნება, მაგრამ მაქსიმუმ 2 თვის მარაგია ეგეც, ხარისხზე რომ აქცენტი არ გვქონდეს…
ამიტომ უბრალოდ მჯიღის მირტყმა რომ არიქა, ჩელენჯი მივიღეთ და ჩვენ არ გვეშინია, არ იქნება სწორი. სამტრედიის რკინიგზის გადაკეტვით რუსეთისთვის ბლოკადის გამოცხადების ამბისა არ იყოს, ახლა მეტად გააზრებულად არის მოქმედება საჭირო ჩემი აზრით.
საჭიროა ყველა: ერი, ბერი, მთავრობა, ოპოზიცია და ყველა, გავერთიანდეთ ამ კუთხით აზროვნებაში, მივანიჭოთ უპირატესობა ქართულს, ვეცადოთ ადგილობრივი წარმოების წახალისებას, არაა სუბსიდირებით, რადგან ეგაა სწორედ მათი მიზანი, რადგან ვერ შევძლებთ სუბსიდირებას ყველაფრისას, თავად მოსახლეობაში უნდა გაჩნდეს მეტი შეგნება. ტურიზმთან დაკავშირებით მშვენიერი ინიციატივაა, რომ მაქსიმალურად ვეცადოთ ჩვენი შვებულებისთვის თანხები საქართველოშივე, ჩვენი მეზობლისთვის, ნათესავისთვის, ახლობლისთვის გადავდოთ! მათაც თავის მხრივ უნდა გაუკეთონ მხარდაჭერა სხვა დარგებს…
საჭიროა ქვეყნის სასურსათო უსაფრთხოებაზეც ერთობლივად ვიზრუნოთ ყველამ, ფერმერებმა და სახელმწიფომ თუ ვხვდებით ეს რამხელა გამოწვევაა… უბრალოდ იდიოტობა იქნება, რომ ახლა რასაც ვწერ ეს არ გავითვალისიწნოთ და ამაზე არ ვიფიქროთ ყველამ ერთად.
მოკლედ: რაც არ გვკლავს გვაძლიერებს. მინდა მოხდეს, მჯიღის ცემის, გაუაზრებელი მოქმედებების გარეშე… ჩვენ თუ ახლა მაინც შევძლებთ ცივი გონებით, საქმის კეთებით გაერთიანებას, მაშინ ჩავთვლი, რომ ტყუილად არ მომხდარა ეს ყველაფერი რაც მოხდა… თუნდაც იმ დაშავებული ხალხის სისხლი…
(( იმედი მაქვს რომ შევძლებთ ამჯერად მაინც ერთობას, ძალიან დიდი იმედი მაქვს ჩვენი თაობის!
ღმერთმა მოგვცეს მშვიდობა და გონიერება”, – წერს ბექა გონაშვილი.
კრედიტით მაქ ტურისტული მარა მაინც fuck russia
