შეკრების უფლება, თავისუფლების ქონა შეკრებისა და დემონსტრაციებისთვის ძალიან მნიშვნელოვანი და ფუნდამენტური უფლებაა. ამის, როგორც საყოველთაო უფლების გარანტირება, აუცილებელია. არანაკლებ მნიშვნელოვანია, რომ ეს უფლება ბოროტად არ იყოს გამოყენებული, მაგალითად დემონსტრაციების ძალადობაში გადაყვანის გზით. ძალადობრივი დემონსტრაცია ჰგავს ღვინოს, რომელიც ძმრად იქცევა. იმავე წამს ასეთი დემონსტრაცია საკუთარ მიზანს ცდება და აზიანებს, – ამის შესახებ „პალიტრანიუსთან“ ინტერვიუში საქართველოში გერმანიის ელჩმა ჰუბერტ ქნირშმა განაცხადა.
წამყვანის კითხვაზე, რამდენად ეფექტური და შესაფერისი იყო ხელისუფლების პასუხი მართლმადიდებლობის საპარლამენტთაშორისო ასამბლეაზე განვითარებულ მოვლენებზე, იგულისხმება პარლამენტის თავმჯდომარის გადადგომა, ასევე ერთ-ერთი დეპუტატის ზაქარია ქუცნაშვილის მიერ მანდატის დატოვება, გერმანელი დიპლომატი პასუხობს, რომ ყველაზე მნიშვნელოვანი იყო მზაობის გამოხატვა პროპორციულ საარჩევნო სისტემაზე გადასვლასთან დაკავშირებით.
„ვფიქრობ, ყველაზე მნიშვნელოვანი იყო მზაობის გამოხატვა პროპორციულ საარჩევნო სისტემაზე გადასვლასთან დაკავშირებით. ეს არის ის, რასაც ოპოზიციური პარტიები ითხოვდნენ, მათ მოაგროვეს ხელმოწერები, არასამთავრობო ორგანიზაციებიც იმავეს ითხოვდნენ, დემონსტრანტებიც ამას ითხოვდნენ. ვფიქრობ, ამ განცხადების გაკეთება იყო ძალიან კარგი ნაბიჯი. რაც ამას უნდა მოჰყვეს, არის ამის საფუძველზე დიალოგი პოლიტიკურ ძალებს შორის, დიალოგი იმაზე, თუ როგორ შეიძლება საქართველოს გაძლიერება ამ მიზნის გარშემო გაერთიანება“, – განაცხადა გერმანელმა დიპლომატმა.
კითხვაზე, ხედავს თუ არა დიალოგის პერსპექტივას დღევანდელ პოლიტიკურ ძალებს შორის, გერმანელი დიპლომატი პასუხობს, რომ ეს შესაძლებელია.
„ვფიქრობ, ზოგიერთ პოლიტიკურ ძალებს შორის ეს შესაძლებელია. როგორც ევროპელ ელჩებს, გასულ დღეებში გვქონდა შეხვედრები, რათა პოლიტიკური ძალებს შორის დიალოგისთვის შეგვეწყო ხელი. ზოგიერთ შემთხვევაში, წარმატება გვქონდა, ზოგიერთ შემთხვევაში ნაკლებად წარმატებულები ვიყავით, მაგრამ ნებისმიერ დემოკრატიულ ქვეყანაში მნიშვნელოვანია, რომ არსებობდეს პოლიტიკური კონკურენცია და ასევე ერთობა ფუნდამენტურ საკითხებთან მიმართებით“, – განაცხადა ქნირშმა.
წამყვანმა ელჩს შეახსენა – ზოგიერთი ექსპერტი მიიჩნევს, რომ პროპორციული სისტემა არც ისე კარგია, როგორც ერთი შეხედვით ჩანს.
„ბოლო დრომდე მესმოდა, რომ ყველას უნდოდა პროპორციულ სისტემაზე გადასვლა და „ქართული ოცნება“ იყო ის, ვინც არ თმობდა და არ სურდა ამის გაკეთება. ახლა საპირისპირო კრიტიკა ისმის. რა თქმა უნდა, საკამათო საკითხია უნდა იყოს თუ არა 3%-იანი ან 5%-იანი ბარიერი. 5%-იანი ბარიერი არის ის, რაც გათვალისწინებულია კონსტიტუციით. ეს პოლიტიკურ პარტიებს შორის დებატებით უნდა გადაწყდეს, ამიტომაც არსებობს დიალოგი…პროპორციული საარჩევნო სისტემა უზრუნველყოფს უფრო თანაბარ პირობებს პოლიტიკურ ძალებს შორის. ახლანდელი საარჩევნო სისტემით, რომელიც სხვათა შორის ძალიან ჰგავს საარჩენო სისტემას რუსეთში, ყველაზე ძლიერი პარტია იღებს ძალიან ძლიერ უმრავლესობას პარლამენტში. ეს არ არის ის, რისთვისაც პარლამენტი არსებობს. ვითარება დაბალანსებული უნდა იყოს და გახსნილი, ცოცხალი დებატები უნდა არსებობდეს, რასაც ხელს უშლის ერთი პარტიის ხელში არსებული სამი მეოთხედი უმრავლესობა“, – განაცხადა დიპლომატმა.
https://1tv.ge/news/germaniis-elchi-dzalado...-dzmrad-iqceva/ვფიქრობ, ეს იყო მოვლენები და განვითარება, რომელიც არავის მიერ არ ყოფილა დაგეგმილი და ეს არავისთვის არ არის კარგი. ასეთ ვითარებაში ყველაზე კარგი გამოსავალია, წინ ვიყუროთ და სიტუაცია არ გავართულოთ ერთმანეთის მიმართ ძალიან მკაცრი მოქმედებებით, – ამის შესახებ გერმანიის ელჩმა ჰუბერტ ქნირშმა „პალიტრანიუსთან“ ინტერვიუში მართლმადიდებლობის საპარლამენტთაშორისო ასამბლეაზე და მას შემდეგ განვითარებულ მოვლენებზე საუბრისას განაცხადა.
„ძალიან მიხარია, რომ ბოლო დღეების განმავლობაში დემონსტრაციები ძალადობრივი არ ყოფილა. წინა ხუთშაბათის ღამეს ვნახე დემონსტრაციაზე ძალადობის მაგალითები, მაგრამ ამის შემდეგ ვითარება დამშვიდდა და აქციებმა მიიღო ნამდვილი დემონსტრაციების სახე, სადაც ხალხი გამოხატავს საკუთარ განცდებსა და მოთხოვნებს. რაც შეეხება იმას, თუ როგორ მოვიქცეთ ამ ვითარებაში: არ უნდა შეიცვალოს ის, რაც ყოველთვის ახდენდა ჩემზე შთაბეჭდილებას, თუ როგორი დამოკიდებულება აქვთ ქართველებს, როგორც ერს, ხალხს რუსების მიმართ, იქნებიან ეს რუსი ვიზიტორები თუ სტუმრები. ასევე როგორი დამოკიდებულება აქვთ რუსული კულტურის, მაგალითად ფილმების, წიგნების, ლიტერატურის მიმართ. ქართველები ნათელ ზღვარს ავლებენ რუსებსა და რუსეთის სახელმწიფოს პოლიტიკას შორის. ეს პოლიტიკა არასწორია, როცა საქმე ეხება მეზობლებთან ან საქართველოსგან მოწყვეტილ ტერიტორიებთან ურთიერთობას“, – განაცხადა ელჩმა.
წამყვანის კითხვაზე, როგორ შეაფასებდა ქართული კინოთეატრების გადაწყვეტილებას, რომელთაც შეაჩერეს ფილმების ჩვენება რუსულ ენაზე, გერმანელი დიპლომატი პასუხობს, რომ შესაძლოა, ეს ნაბიჯი არასწორად იყოს ინტერპრეტირებული რუსული პროპაგანდის მიერ.
„ვშიშობ, რომ ეს ნაბიჯი შეიძლება არასწორად იყოს ინტერპრეტირებული რუსული მედიისა და რუსული პროპაგანდის მიერ, როგორც რუსული კულტურის აკრძალვა საქართველოში. მაგალითისთვის, რუსებმა შეიძლება ერთმანეთს უთხრან, რომ ქართველებმა აკრძალეს ისეთი ფილმები, როგორიც არის „მიმინო“ და მათი ყურება აღარ სურთ. ასე შეიძლება მოხდეს ამ ნაბიჯის არასწორად აღქმა. კარგი იქნებოდა მოგვეცადა და გადაწყვეტილებები ცოტა გვიან მიგვეღო“, – განაცხადა ქნირშმა.
https://1tv.ge/news/germaniis-elchi-aset-vi...i-moqmedebebit/ეს ადამიანი ყველაფერია, საქართველოს მოკავშირის და გულშემატკივრის გარდა, – ამის შესახებ „რუსთავი 2“-ის გენერალური დირექტორი ნიკა გვარამია სოციალურ ქსელში წერს და აზიარებს გერმანიის ელჩის, ჰუბერტ ქნირშის ინტერვიუს, რომელშიც ის მართლმადიდებლობის საპარლამენტთაშორისო ასამბლეასა და მას შემდეგ განვითარებულ მოვლენებს აფასებს და აღნიშნავს, რომ „ასეთ ვითარებაში ყველაზე კარგი გამოსავალია, წინ ვიყუროთ და სიტუაცია არ გავართულოთ ერთმანეთის მიმართ ძალიან მკაცრი მოქმედებებით“.
„დიდი ბოდიში, მაგრამ ეს ადამიანი ყველაფერია, საქართველოს მოკავშირის და გულშემატკივრის გარდა. ეს ტექსტი, თუ ის მართლა მისია, არის აბსოლუტური სირცხვილი და საქართველოს ფუნდამენტური ინტერესების მინიმუმ არცოდნა“, – წერს ნიკა გვარამია „ფეისბუქში“.
https://1tv.ge/news/nika-gvaramia-germaniis...atkivris-garda/მე ვიცი ნიკაკიკუშ
პაპასი იყო რუსების ტყვედ
და კადრები აქვთ
მაგით ყავს კაგებეს დაჭერილი
პს. ქართული მარში, ღირსების მარში და თავისუფლების მარში რომ დააჯახო ერთმანეთ
ნასიამოვნები ვინ უფრო დარჩება
გვარამია vs გერმანიის ელჩი
