"ანაკლიის განვითარების კონსორციუმი" განცხადებას ავრცელებს

"ხელისუფლებას ორი მსხვილი საერთაშორისო ინვესტორი წარუდგინეთ" - "ანაკლიის განვითარების კონსორციუმი" განცხადებას ავრცელებს
12:53 2019-09-17

"ანაკლიის განვითარების კონსორციუმის" ინფორმაციით, ხელისუფლებას ორი მსხვილი საერთაშორისო ინვესტორი წარუდგინა - ამის შესახებ განცხადებაშია აღნიშნული.

"ანაკლიის განვითარების კონსორციუმი“ თავს შეიკავებს მხარეთა შორის ჩვეულებრივი ორმხრივი კომუნიკაციის ფარგლებში სამინისტროსთან გამართული, კონფიდენციალური განხილვების თაობაზე კომენტირებისგან; ასევე განხილვებთან დაკავშირებით სხვა პირების მიერ გამოთქმულ მოსაზრებებზე კომენტირებისგან. კონსორციუმი აგრძელებს ინტენსიურ რეჟიმში მუშაობას პროექტთან დაკავშირებულ ყველა მხარესთან, მათ შორის სამინისტროსთან, სახელშეკრულებო ვალდებულებების შესასრულებლად.

აღნიშნულთან დაკავშირებით, კონსორციუმმა ცოტა ხნის წინ წარუდგინა სამინისტროს ორი მსხვილი საერთაშორისო ინვესტორი, რომელთაც, უკვე გაცხადებულ ინვესტორებთან – ამერიკულ SSA Marine-თან და ქართულ „თიბისიეიჩ ანაკლიასთან“ ერთად, პოტენციურად შეუძლიათ მნიშვნელოვანი წვლილის შეტანა კონსორციუმის გაძლიერებაში.

კონსორციუმი ფიქრობს, რომ ამ მიმართულებით დაწყებული კომუნიკაციის ლოგიკური გაგრძელება იქნება, თუ სამინისტრო ოფიციალური წერილებით დაუდასტურებს ზემოხსენებულ პოტენციურ ინვესტორებს, რომ მათ მიესალმებიან პროექტში და ექნებათ სახელმწიფოს სრული მხარდაჭერა.

უკვე დროა, ყველა დაინტერესებულმა და ჩართულმა მხარემ გააერთიანოს ძალები, რათა ეს სტრატეგიული პროექტი წარმატებით განხორციელდეს. კონსორციუმი მიესალმება სახელმწიფოს მხრიდან გადადგმულ ყველა პოზიტიურ ნაბიჯს, რამაც შეიძლება ბიძგი მისცეს პროექტის შემდგომ სწრაფ განვითარებას – საქართველოს ზოგადი საერთო წარმატებისთვის" - აღნიშნულია განცხადებაში.
http://www.newposts.ge/?l=G&id=214441-%E1%...90,%20%E1%83%A1

გული მიგრძნობს ამ ინვერსტორებსაც მიბლოკავს ბიბი
ტყუილად კი არ გააპარტახა ზოგადად ანაკლია რომ ეს თემა არ წამოწეულიყო მაგრამ წამოიწია მაინც...
ხოდა ეხლა ხან ვის ბლოკავენ და ხან ვის.. პუწინას არ აწყობს ეს პორტი

ვინ არიან?

როსნეფტი და ვითიბი ბანკი.

ევროპა შემოდის და უარს რატომ ეუბნებიან?

SNYPI
Mateo Falcone

ნეტა წარმოდგენა მაინც თუ გაქვთ ანაკლიის პორტის ინვესტირებაზე მაგრად მაინტერესებს.

ყველა ინვესტორი იფიქრებს თავის სასარგებლოდ და არა ქვეყნის.

ასე რომ დაზოგეთ ნერვები.

bouma

:ბრძნული აზრები:

ვითომ ამათზეა საუბარიო?

https://bm.ge/ka/article/anakliis-portis-pa...-i-gaxdes/40486


Meridian Capital Limited-ის საინვესტიციო პროექტების შესახებ:

Meridian Capital Limited-ი ყაზახეთის ერთ-ერთი ყველაზე მდიდარი პირების, ასკარ ალშინბაევისა და ევგენი ფელდის მიერ 2002 წელს დაფუძნებულ საინვესტიციო ჰოლდინგს წარმოადგენს, რომლის აქტივებიც სატრანსპორტო ინფრასტრუქტურის, ტურიზმის, ვაჭრობის, უძრავი ქონების, საფინანსო, ბუნებრივი რესურსების, კვების მრეწველობისა და სხვა სფეროებში მოღვაწე კომპანიებს მოიცავს.

კომპანიის ვებგვერდის მიხედვით, Meridian- ფლობს კომპანია Novaport-ს, რომელიც რუსეთის ფედერაციაში აეროპორტების ერთ-ერთი უმსხვილესი ოპერატორია. კომპანიის საკუთრებას 14 ქალაქში, მათ შორის ნოვოსიბირსკში, ტომსკში, ჩელიაბინსკში, კალინინგრადში, სტავროპოლსა და სხვა ქალაქებში მდებარე აეროპორტები წარმოადგენენ. 2018 წელს კომპანია 21 მილიონ მგზავრს მოემსახურა.

ჰოლდინგი ფლობს ლუქს კლასის სასტუმროებს რუსეთში, ყაზახეთში, ინდონეზიაში, ფრანგულ პოლინეზიასა და სხვა ქვეყნებში. კონკრეტული ობიექტების ჩამონათვალი კი ასეთია - სასტუმრო Ritz Carlton-ი მოსკოვსა და ალმაატაში, სასტუმრო და კურორტი Four Seasons-ი ბორა ბორაზე და სხვა ობიექტები.

2005-2010 წლებში, Meridian-ი სხვადასხვა სახის მხარდაჭერას უწევდა რუსული რძის პროდუქტების კომპანია Unimilk-ს, რომელიც რუსული ბაზრის მეორე, ხოლო უკრაინული ბაზრის უმსხვილესი მოთამაშე იყო. 2010 წლიდან კი კომპანია Danone-ის რუსულ წარმომადგემლობას შეუერთდა.

2015 წელს Meridian-მა მიანმარში მიკროსაფინანსო ორგანიზაცია Easy Microfinance-ი დააფუძნა.

კომპანია სხვა უძრავ ქონებასაც ფლობს, მათ შორისაა სავაჭრო ცენტრები მოსკოვსა და ალმაატაში. 2012 წელს, Meridian Capital-მა სანკტ-პეტერბურგში აშენებული სავაჭრო ცენტრი „გალერეა“, კომპანია Morgan Stanley Real Estate Fund-ს 1.1 მილიარდ აშშ დოლარად მიჰყიდა. იმ დროისთვის, ეს გარიგება აღმოსავლეთ ევროპასა და ყოფილი საბჭოთა კავშირის სივრცეში ერთ-ერთ უდიდეს ტრანზაქციას წარმოადგენდა.

მერე რუსეთი რომ გაღიზიანდეს ამ პორტის მშენებლობით და კინზმარაულის ექსპორტი აკრძალოს?

ბატონო ბიძინა, ხედავთ? კიდე არ გადაუფიქრებიათ... ისევ აქვთ პროექტის განვითარების იმედი ამ სულელებს...
უფრო მკვეთრი ზომებია მისაღები

This post has been edited by konformist on 17 Sep 2019, 20:05

რაიყო სავორნე ვერაფერი ნახე და ასე გადაწყვიტე გამიგეხატა შენი უკამყოფილება?