სომხებს მაინც ვერ ვაჯობებთ
1999 წლის 27 ოქტომბერს მთელი მსოფლიო მედიის ყურადღება სომხეთზე იყო მიპყრობილი. 10 წლის წინ სომხეთის პარლამენტში შეჭრილმა შეიარაღებულმა ჯგუფმა სიცოცხლეს გამოასალმა რვა ადამიანი, მათ შორის - ქვეყნის პრემიერ-მინისტრი ვაზგენ სარქისიანი და პარლამენტის თავმჯდომარე კარენ დემირჭიანი. თავდამსხმელები შეიპყრეს და სამუდამო პატიმრობა მიუსაჯეს. თუმცა სისხლიანმა დრამამ მნიშვნელოვნად შეცვალა ქვეყნის პოლიტიკური ცხოვრება და მისი უსაფრთხოების ინსტიტუტები.
10 წლის წინ სომხეთის საკანონმდებლო სხდომა, რომელზეც მთავრობის საათი მიმდინარეობდა, ავტომატის სროლამ და გინებამ ჩაახშო.
ხუთი მძიმედ შეიარაღებული კაცი სროლით აიჭრა თავმჯდომარის ტრიბუნაზე, სასიკვდილოდ დაჭრა პარლამენტის სპიკერი, მთავრობის თავმჯდომარე და რამდენიმე წამყვანი სომეხი პოლიტიკოსი. რადიო თავისუფლების სომხური სამსახურის კორესპონდენტი რუზანა ხაჩატრიანი 10 წლის წინ ინციდენტის ადგილზე იმყოფებოდა და მსმენელებს საშინელ სანახაობაზე უამბობდა:
“შეიარაღებული ახალგაზრდების ჯგუფმა ცეცხლი გაუხსნა პრემიერ-მინისტრსა და დეპუტატებს. ჩვენ სავარძლებს ქვემოთ ვართ დამალულები, ხოლო სროლა კვლავ გრძელდება. შეიარაღებული კაცები ყვირიან, რომ ისინი ესვრიან ყველას, ვინც პარლამენტის შენობას მიუახლოვდება. ისვრიან უსაფრთხოების სამსახურის ოფისიდან. ერთ-ერთი დაჭრილი დეპუტატი გარეთ გაიყვანეს. ერთ-ერთი თავდამსხმელი ყვირის, რომ ‘მთავრობამ ხალხს სისხლი გაუშრო’. ”
#სირცხვილია-მ პარლამენტში... სუნი დააყენა, რის გამოც ენძელა ცუდად გახდა
