ჰიდრავლიკაში(შეიძლება არცაა აუცილებელი) გარკვეული ხალხის რჩევა მჭირდება ტუმბოს მონტაჟთან დაკავშირებით.

სოფელში სახლისთვის მინდა წყალმომარაგება გავაკეთო, რომელიც 30 ლიტრ/წთ პიკურ მოხმარებაზე იქნება გათვლილი.
სოფელში გვაქვს ცენტრალური წყალმომარაგება, რომელშიც წნევა ძალიან დაბალია და წნევის ამწევად და წყლის მეტი რაოდენობის(წუთში) მისაღებად
ზედაპირული ტუმბო ვიყიდე (50 ლიტრი/წთ 5ბარი მაქს, 32 ანი შემსვლელით), მაღაზიაში მითხრეს, რომ აუცილებლად 200-300 ლიტრიანი ავზი უნდა იყოს შუაშიო(ბუფერად), პირდაპირ მაგისტრალზე არ დააერთო, თუ გინდა რომ სტაბილურად იმუშაოს და მალევე არ დაზიანდეს შიგნით ნაწილებიო(ფრთა).
არგუმენტი ის იყო, რომ მაგისტრალიდან ტუმბო ვერ მიიღებს იმ რაოდენობით წყალს, რამდენის გაცემაც შეუძლია და შიგნით ვაკუუმს ვერ შექმნის, რის გამოც ფრთა(რაც წყალს ატრიალებს) მალევე დაზიანდებაო.

მაგისტრალიდან ეზომდე წყალი შემოდის 32(გარე დიამეტრი) ანი მილით, ეზოში შემოსვლისას წნევა 0,2 ბარზე მეტი არ მგონია იყოს, რადგან 1.5 მეტრ სიმაღლეზე წყალი წყდება და აღარ მოდის თავისი დინებით და გარდა მაგისა, მილი რომ დააგდო ძირს და 2 მა მეზობელმა თავისი ტუმბო ჩართოს, აქ წყდება წყალი.

ერთ რამეს დავაკვირდი, ახლობელმა შეცვალა ტუმბო, 370 ვატიანი, უბრალო, ჩინური და რომ ჩართო, საერთოდ არ ხმაურობს, ვერ გაიგებ რომ მუშაობს, წინა ტუმბო კი ძაან ყვიროდა.
მეზობლების ტუმბოებსაც დიდი ხმა აქვთ, ჩემი ძველი ტუმბოც ხმაურობდა და წნევასაც ვერ ქმნიდა და რომ დავშალე ფრთა სულ დამტვრეული ჰქონდა.
იმასაც ვფიქრობ, ვითომ მაგ ტუმბოებს ის დაემართათ, რაზეც გამაფრთხილეს მაღაზიაში?

და თქვენ რას იტვით, ფიქრობთ რომ შუამდგომელი რეზერვუარი, სადაც დაგროვდება წყალი მუდმივად, მჭირდება?!

პ.ს მთლიანობაში მინდა რომ დამაკვალიანოთ მონტაჟთან დაკავშირებით, მაქვს კიდევ კითხვები, მაგრამ ძაან დიდი პოსტი რომ არ გამოვიდეს და არ ჩაიკარგოს კითხვები ტექსტი, დაველოდები აქტივობას და თანდათან ჩაგეკითხებით.