ვაზისუბანი, საფეხბურთო სკოლა

ვაზისუბანში ნამდვილი საფეხბურთო ოაზისი გაჩნდა - საფეხბურთო სკოლაში, რომელმაც ფუნქციონირება ახლახან დაიწყო, 120-ზე მეტი მოზარდი ვარჯიშობს. ახლო მომავალში მათი რაოდენობა მკვეთრად გაიზრდება.

92-ე საჯარო სკოლის ტერიტორიაზე საქართველოს ფეხბურთის ფედერაციისა და ადგილობრივი თვითმმართველობის ხელშეწყობით ევროპული სტანდარტის საფეხბურთო სკოლა "ვაზისუბნის" მშენებლობა მიმდინარეობს.

საფეხბურთო სკოლის ჩამოყალიბების იდეის ავტორი გახლავთ ფეხბურთის დიდი ქომაგი დავით გრიშიკიანი, სკოლის დირექტორი კი ბოლო დროის ერთ-ერთი გამორჩეული ქართველი ფორვარდი ჯაბა დვალია. უნდა აღინიშნოს, რომ დვალი ამასთან ერთად საფეხბურთო კლუბ "ზესტაფონის" გენერალური დირექტორიცაა.

სკოლას ჰყავს როგორც გოგონათა, ისე რეგიონულ ლიგაში მოასპარეზე და ასაკობრივი გუნდები. აღსანიშნავია, რომ გოგონებისთვის საფეხბურთო სკოლაში სწავლა სრულიად უფასოა.

ახალშექმნილ სკოლას საპატიო სტუმრები ჰყავდა - ფეხბურთის ფედერაციის პრეზიდენტი ლევან კობიაშვილი, პირველი ვიცე-პრეზიდენტი კახა ჭუმბურიძე და ვიცე-პრეზიდენტი აკაკი ალადაშვილი. სკოლაში ასევე სტუმრად იმყოფებოდნენ ისნის რაიონის საკრებულოს მაჟორიტარი დეპუტატი და გამგებელი.

პროექტის დეტალები სტუმრებს ჯაბა დვალმა გააცნო. პროექტის ფარგლებში უკვე დასრულებულია ორი ხელოვნურსაფარიანი მოედნის მშენებლობა, მაისის თვეში კი ბუნებრივსაფარიანი სტადიონის მშენებლობა იგეგმება.

ახალაშენებულ სტადიონზე ფეხბურთის ფედერაციის პროექტის "სახალისო საფეხბურთო სკოლების" ფარგლებში საწვრთნელი ვარჯიშებიც გაიმართა, რომელშიც საფეხბურთო სკოლა "ვაზისუბნის" ფეხბურთელებმა მიიღეს მონაწილეობა.

როგორც აღვნიშნეთ, საფეხბურთო სკოლის გუნდი რეგიონული ლიგის გათამაშებაში ჩაება. სტარტი წარმატებული გამოდგა - "ვაზისუბანმა" არსებობის ისტორიაში პირველი შეხვედრა გასვლაზე წალკის "ეძანს" მოუგო.

საინტერესოა, რომ "ვაზისუბანს" ახალგაზრდა, პერსპექტიული სპეციალისტი გიორგი მელიქიშვილი წვრთნის, ხოლო სამწვრთნელო შტაბში, სხვა სპეციალისტებთან ერთად, საქართველოს ეროვნული ნაკრების ყოფილი მცველი ზაალ ელიავა მუშაობს.

https://gff.ge/ge/media/news/22564
http://lelo.ge/article/%E1%83%95%E1%83%90%...%E1%83%97-35832

მიმაგრებული სურათი (გადიდებისთვის დაუწკაპუნეთ სურათზე)

საფეხბურთო სკოლა "ვაზისუბნის" ფბ-გვერდი:
https://www.facebook.com/FSVazisubani



This post has been edited by sergo_38_fcz on 17 Apr 2022, 16:04

აქაც წარმატებებს ვუსურვებთ ჩვენს მეგობრებსა და თანამოაზრეებს!

https://www.facebook.com/fczesta/posts/5325192500846848

მიმაგრებული სურათი (გადიდებისთვის დაუწკაპუნეთ სურათზე)

sergo_38_fcz
ესენიც ზღვის ბაზაზე არ თამაშობენ? თუ მარტო ჭაბუკები?

levani-dinamo
არა, ესენი, ასე ვთქვათ, ცალკე წავიდნენ. ვაზისუბანში არიან 92 სკოლაში და შენდება იქ საინტერესო რაღაცეები...
ჯაბა აქაცაა და იქაც...

This post has been edited by sergo_38_fcz on 17 Apr 2022, 23:46

sergo_38_fcz
ეს თბილისის ზღვის ბაზა რამდენ გუნდს იტევს? დინამოს დუბლებიც მანდ თამაშობს

ფოტოდან როგორც ჩანს კარგი სტადიონი უნდა გააკეთონ და ტურის მატჩები მანდ ჩატარდება ხო? დაახლოებით როდისთვის დასრულდება?

levani-dinamo

პატარა სავარჯიშო სტადიონები აშენებულია, დიდის მშენებლობას მაისშვი დავიწყებთო. საშინაო თამაშები ჯერ გლდანშიო, ამერის სტადიონზე. როგორც კი დიდი მორჩება ვაზისუბანში ვითამაშებთო.
იქვე ვცხოვრობ და ყოველი საღამოს გასეირნებისას 10-15 წუთი ვჩერდები და ვარჯიშს ვუყურებ. მაგარი ხოშიანი და სასიამოვნო პროექტია

levani-dinamo
დინამო-2-ს ნაქირავები აქვს, კი და კიდეც ვარჯიშობენ, კიდეც თამაშობენ...


* * *

ხო, მალევე დაიწყება ბალახის დაგება. სხვათაშორის, აგერ გუშინწინ სტუმრობისას ფედერაციის მენეჯმენტმა დახმარების პირობა დადო...
ვნახოთ აგერ, მალე იქნება ყველაფერი

Menzoorqa

მეც მანდვე ახლოს ვცხოვრობ და ერთ დღესაც ვნახავ. იმედია განათება და ტაბლოც ექნებათ

მორიგ შეხვედრას ეროვნული ჩემპიონატის რეგიონული ლიგის "ბ" ჯგუფში მოასპარეზე "ვაზისუბანი" 27 აპრილს გამართავს - მიმდინარე ტურნირის მესამე ტურის შეხვედრაში ჩვენი გუნდი საფეხბურთო კლუბ "თელავის" მეორე გუნდს ესტუმრება.

ეს მატჩი გივი ჩოხელის სახელობის თელავის სტადიონზე გაიმართება და 16:00 საათზე დაიწყება...

This post has been edited by sergo_38_fcz on 23 Apr 2022, 22:35

მიმაგრებული სურათი

მიმდინარე წლის 27 აპრილს საფეხბურთო სკოლა "ვაზისუბნის" წარმომადგენელმა პირველმა გუნდმა რეგიონული ლიგის ტურნირში მორიგი შეხვედრა გამართა - "ბ" ჯგუფის მიმდინარე გათამაშების მესამე ტურის მატჩში ჩვენი გუნდი თელავს ესტუმრა და ადგილობრივი საფეხბურთო კლუბის მეორე გუნდს გივი ჩოხელის სახელობის სტადიონზე დაუპირისპირდა.
დღევანდელი კახურ-დედაქალაქური დაპირისპირების პირველი ნახევარი თანაბარ ბრძოლაში კი წარიმართა, მაგრამ საქართველოს საფეხბურთო ჩემპიონატის უმაღლეს ლიგაში მოასპარეზე მასპინძელთა დუბლიორთა გუნდმა შექმნილი მომენტების უკეთ რეალიზება და შესაბამისად, ანგარიშში მინიმალური უპირატესობით დაწინაურება მოახერხა.
თელავური "ვოიაჟის" დათმობა და ქულების დაკარგვა ნამდვილად არ შედიოდა ვაზისუბნელთა გუნდის გეგმებში. ჩვენმა ბიჭებმა "ფარ-ხმალი არ დაყარეს", ბოლომდე იბრძოლეს და მატჩის მიწურულს ანგარიშის გათანაბრებაც მოახერხეს - ზუსტი დარტყმა გიორგი სეხნიაშვილის ანგარიშზეა. საბოლოოდ, თელაველებთან მატჩი ფრედ, ანგარიშით 1-1 დასრულდა.
ჩვენი გუნდის შემადგენლობა ასე გამოიყურებოდა: იმერლიშვილი, მამაცაშვილი, ფარტენაძე, ბორაშვილი, სეხნიაშვილი, ნონიაშვილი, ბოჭორიშვილი, წითელაური, ონიანი, მეშველაშვილი, აბაკელია.
სათადარიგოები: ნიკოლაიშვილი, ხვისტანი, ვაჩეიშვილი, გუგეშაშვილი, შუკაკიძე, კლდიაშვილი, გრძელიძე, დადუნაშვილი.
მწვრთნელები: გიორგი მელიქიშვილი, ზაალ ელიავა.

sergo_38_fcz
ცუდია თასზე რომ არ არიან

თასის მონაწილეები, ხომ იცი, წინა სეზონის შედეგების მიხედვით რომ ირკვევა...
ვაზისუბანი კიდევ ახლა შეიქმნა და წელს სადებიუტო სეზონს ატარებს...

sergo_38_fcz
ხოდა ეგ წესიც შეიცვალოს და თასზე ყველამ ითამაშოს

8 ტურის შემდეგ -
https://gff.ge/ge/championships/regional-league/group-b