მოკლედ მიხეილ სააკაშვილმა ინტერვიუ მისცა Newsweek - ს, სადაც საუბრობს მიტინგებზე, რომელიც ამ დღეებში თბილისში მიმდინარეობს და ოპოზიციის წარმომადგენლებს ბრალს დებს, რომ ისინი ფინანსდებიან რუსი ოლიგარქების ჯიბიდან. ასევე პრეზიდენტი ამბობს, რომ ამ მოვლენებისას იგი დასავლეთმა მიატოვა. იგი რუსეთთან ომის შესაძლებლობებზეც საუბრობს და აშშ - თან ურთიერთობების შესახებაც. სწორედ ასეთი სათაურით არის გამოქვეყნებული სტატია: "სააკაშვილი: სად არიან ჩემი დასავლელი მეგობრები?" სააკაშვილს ჟურნალისტი ანა ნემცოვა ესაუბრება. გირჩევთ წაიკითხოთ.
------------------
ანა ნემცოვა: ვის უნდა თქვენი გადადგომა?მიხეილ სააკაშვილი: ძირითადად უმუშევარ ადამიანებს. ჩვენ რეფორმების შედეგად დაახლოებით 250,000 ადამიანი დავითხოვეთ სამსახურიდან. ამ ადამიანთა დიდმა პროცენტმა ახალ ეკონომიკურ სიტუაციაში საკუთარი ადგილი ვერ იპოვა. კორუფციასთან და კრიმინალთან ბრძოლის გამო, ჩვენ ათასობით ადამიანი ციხეში გავუშვით. მხოლოდ თბილისში 8,000 ადამიანს მივუსაჯეთ პატიმრობა. ყველა მათი ნათესავი ახლა ქუჩაშია და ჩემს გადადგომას ითხოვს.
თქვენს წინააღმდეგ გამოთქმული კრიტიკული შენიშვნებიდან რომელია ყველაზე მტკივნეული?მე სულ არ მწყინს, როდესაც საქართველოში მაკრიტიკებენ, ამას ორი ოპოზიციური სატლევიზიო არხიდან მთელი დღე ვისმენ. მე არ ველოდი, რომ დასავლეთი ჩვენთან ურთიერთობას ამ რევოლუციის მოლოდინში შეაჩერებდა. საფრანგეთის დელეგაციამ გადადო თავისი ვიზიტი. თურქულმა კომპანიებმა დაგეგმილ კონტრაქტეზე ხელმოწერა 9 აპრილამდე გადადეს, ხოლო არაბულმა კომპანიამ 12 აპრილამდე. რა მოუვიდა ამ ხალხს? განა ჩვენ პარიზსა და სტრასბურგში აღარ ჩავდივართ, როდესაც იქ ქუჩის საპროტესტო აქციები მიმდინარეობს? ვინ აფინანსებს ქართულ ოპოზიციას?
ფულის უმეტესობა, მილიონობით დოლარი მათ რუსმა ოლიგარქებმა გადაუხადეს. მე ამისი დოკუმენტური მტკიცებულება მაქვს, რასაც ჯერჯერობით საჯაროდ არ ვახმაურებ. არ ვიცი, რამდენად აკონტროლებს ამ ფულს რუსული ხელისუფლება.
ზოგიერთი ექსპერტი ფიქრობს, რომ სოციალური დესტაბილიზაციის გამო შესაძლოა ახალი სამხედრო კონფლიქტი მოხდეს. რამდენადაა შესაძლებელი, რომ რუსეთსა და საქართველოს შორის ახალი ომი დაიწყოს?რუსული ხელისუფლება, ალბათ, ძალიან ბედნიერი იქნებოდა, მე რომ თანამდებობა დამეტოვებინა. მე ვვარაუდობ, რომ რუსეთის შეიარაღებული ძალების ზოგიერთი ხელმძღვანელი საქართველოზე ახალი თავდასხმის შესაძლებლობას განიხილავს იმისთვის, რომ მერე ყველაფერი მე გადმომაბრალოს და განაცხადოს, რომ მე შევიჭერი რუსეთში, რათა ჩემი ოპოზიციიდან ყურადღება გადავიტანო. ერთი კვირის წინ რუსული ტანკები შევიდა სამხრეთ ოსეთში. ჩვენ გვაქვს ინფორმაცია, რომ სამხრეთ ოსეთის ტერიტორიაზე დაახლოებით 5,000 სამხედროა და დაახლოებით 5,000 აფხაზეთში.
თქვენ ფიქრობთ, რომ პრეზიდენტი მედვედევი საქართველოსთან ახალი ომის იდეას მხარს დაუჭერს?არა მგონია ასეთი იდეა მოსწონდეს, რადგან ვნახე რა ბედნიერი იყო, როდესაც პრეზიდენტმა ობამამ ოდნავ გაუღიმა. რუსეთმა მოისმინა, თუ როგორ დაახასიათა ობამამ აგვისტოს ომი. მან ამ ომს “შეჭრა” უწოდა და ერთი სიტყვით ობამამ საქართველოსა და რუსეთს შორის ზღვარი გაავლო. დღეს ხელახლა ამ ზღვრის გადალახვა არც პუტინსა და არც მედვედევის ინტერესში არ შედის.
როგორ ფიქრობთ, შესაძლებელია, თუ არა რომ რუსეთისა და ამერიკის პრეზიდენტები საქართველოსთან დაკავშირებით გარიგდნენ? როგორ აისახება აშშ-ს პოლიტიკა საქართველოზე ახალი პრეზიდენტის მმართველობის პირობებში?შესაძლოა კრემლი ცდილობს ობამასთან შეთანხმებას - ეუბნება, რომ რუსეთი დაეხმარება აშშ-ს ავღანეთში, ირანში, ცენტრალურ აზიაში, ხოლო აშშ დაეხმარება რუსეთს ამ ტერიტორიაზე თავისი გეოპოლიტიკური ინტერესების განხორცილებაში, დაეხმარება ამ ქვეყნის ხელმძღვანელობის შეცვლაში. ბევრისთვის მე რუსეთთან ურთიერთობაში ჩიხს წარმოვადგენ. წინათ მე უფრო მოხიბლული ვიყავი ამერიკის პოლიტიკით.
ვინ არის დღეს თქვენი მხარდამჭერი აშშ-ში?მე საკმაოდ კარგი კონტაქტები მაქვს. ჩემი საუკეთესო მეგობარი ყოველთვის იყო სენატორი მაკკეინი. თქვენ მეტყვით, რომ ის უკვე ქართველია. ჩვენ ველით, რომ მაკკეინი დაახლოებით ერთ კვირაში ვიზიტით ჩამოვა. მე კარგი ურთიერთობა მაქვს ჰილარი კლინტონთან, ჯოზეფ ბაიდენთან და განსაკუთრებით რიჩარდ ჰოლბრუკთან, ის ჩემი მასწავლებლია. მე მე მისგან ბევრი დიდებული რამ ვისწავლე.
გრძნობთ იმას, რომ დასავლეთი თქვენით იმედგაცურუებულია? გაქვთ კონტაქტი პრეზიდენტ ობამასთან?კი, მე მას ტელეფონით ველაპარაკე. პრობლემა ჩვენში არ არის, პრობლემა მათ საშინაო პოლიტიკაშია. ჩვენ ჩართულნი ვართ აშშ-ს შიდა პოლიტიკაში. ამიტომ ხელისუფლების შეცვლის მომენტში, ამერიკაში ვაკუუმის მსგავსი რამ შეიქმნა. არავინ იცის რა მოიმოქმედოს ჩვენთან დაკავშირებით. ყველა მათ შორის, საფრანგეთიც საქართველოსთან მიმართებაში ამერიკის მითითებებს ელოდება. მე აღფრთოვანებული ვარ ამერიკული იდეებით. მე ამერიკას ბუშის მმართველობის დროს ვაიდეალიზირებდი, მაშინ იდეალები პრაგმატულ პოლიტიკაზე მაღლა იდგა. ახლა სხვა დრო მოვიდა, როდესაც პრაგმატიზმმა პოლიტიკაში იდეები შეცვალა. ეს ამერიკას ზიანს მიაყენებს, მე ეს ვიცი.
დროის შემობრუნება რომ შეგძლებოდათ, შეცვლიდით თქვენს პოლიტიკას რუსეთთან?მოსკოვი იმაში გვდებს ბრალს, რომ ჩვენს დაპირებებს არ ვასრულებდით. რისი გაკეთება შეიძლებოდა, ახლა ამაში დარწმუნებული აღარ ვარ. მე გამიჭირდებოდა სხვანაირად მოქცევა. ღირებულებები, რომლებსაც ჩვენ ვაღიარებთ, რუსეთში მიღებული არ არის. განა კომპრომისებზე უნდა წავსულიყავი? თუ წავიდოდი, მაშინ ყირგიზეთად ვიქცეოდით, ახლა უკვე დაკარგული გვექნებოდა ჩვენი ღირებულებები, ან სომხებივით ღარიბები ვიქნებოდით, რომლის ეკონომიკაც მთლიანად არის დამოკიდებული რუსეთზე. იმის გამო, რომ ჩვენი პოლიტიკა მთელი ეს წლები დამოუკიდებელი იყო კრემლისგან, ჩვენ ისე მოვექცევით დემონსტრაციებს, თითქოს რუსეთის საკითხი არ არსებობს, ხოლო რუსეთი კი ისე თითქოს დემონსტრაციები არ არსებობს.
http://www.newsweek.com/id/193509/page/1-----------------
დააფიქსირეთ თქვენი პოზიცია ამ ინტერვიუსთან დაკავშირებით.
რაც შეეხება ჩემს მოსაზრებას, ვფიქრობ უკვე სააკაშვილმა თავადაც არ იცის თუ რას ამბობს. იგი დასავლეთთან ვითომდა თავს იმართლებს თითქოს ოპოზიცია რუსეთიდან ფინანსდება და ქუჩებში მხოლოდ ის ადამიანები გამოდიან, რომლებიც უმუშევარნი არიან და ისინი ვინც, პატიმრების ნათესავები და ახლობლები არიან. მოკლედ, რომ ვთქვათ მიშამ უკვე აღარ იცის თუ რაზე ისაუბროს და მხოლოდ ასეთი რაღაცები ელანდება.
25.05.2013.
--
13.07.2014.
--
23.08.2020.
--
“I'm so happy, believe me. I'm so happy. Happy new year.”
”ნიუსვიკი” მიხეილ სააკაშვილთან ინტერვიუს აქვეყნებს, "ოპოზიციას ფულს რუსი ოლიგარქები უხდიან"
