რა უნდა გაკეთდეს ქოცების შემდეგ?

როგორც წესი, ამაზე მსჯელობისას ყურადღება პოლიტიკურ პლურალიზმზე და რაღაც კოალიციებზე კეთდება ხოლმე

მაგრამ პირველ რიგში უნდა მოხდეს ეკონომიკის დემონოპოლიზაცია
ბოლო უნდა მოეღოს მთელ ამ კარტელურ გარიგებებს და მაიმუნობებს
და უნდა შეიქმნას ეკონომიკა რომელიც შიგნიდან მაქსიმალურად კონკურენტული იქნება, ხოლო გარედან - პროტექციონისტული ზომებით დაცული

ასევე უნდა მოხდეს საბანკო სისტემის დემონოპოლიზაცია რათა საპროცენტო განაკვეთი ისეთი იყოს რომ ხელი შეეწყოს გრძელვადიან ინვესტიციებს პირველ რიგში წარმოებაში

რეალურად უნდა ამოქმედდეს ანტიმონოპოლიური კანონმდებლობა და მონოპოლისტები უბრალოდ კი არ უნდა ჯარიმდებოდნენ, უნდა დაიშალონ კონკურენციაში მყოფ მცირე კომპანიებად, როგორც ამას აშშ-ს ანტიტრესტული კანონმდებლობა ითვალისწინებს

მხოლოდ ენერგეტიკა და სტრატეგიული წარმოებები უნდა დარჩეს სახელმწიფოს რეგულირების ქვეშ

ხოლო პოლიტიკური პლურალიზმი ამ ყველაფერს თავისთავად მოჰყვება

ეს გეგმა მიახლოებითი მონახაზია და დიდი ალბათობით არასრულყოფილი
მსჯელობის პროცესში დავხვეწოთ და საჭირო დეტალები დავამატოთ

+ რეალურად დამოუკიდებელი სასამართლო.

ამის გარეშე არაფერი არ გამოვა.

ძალაუფლების დეცენტრალიზაცია. ნეპოტიზმის მოსპობა, აი ყველაზე რთული ამოცანაა შეიძლება საქართველოში საერთოდ.

რა უშლიდა იმ ძალას ვინც ქოცებამდე იყო ამის ყველაფრის გაკეთება ?

შემდეგ სახელმწიფო მანქანაში ისეთი მექანიზმები უნდა ჩაიდოს რომ იგივე არასოდეს განმეორდეს.

IronBank

აი ეგაა ზუსტად ქართველობის წართმევა და მეტი არაფერი

furuckssia

კერძოდ რა მექანიზმები?

მთავარი არის დემოკრატია ადგილებზე, ანუ ნამდვილი დემოკრატია.
თუ პირამიდის ძირი არ არსებობს, ზედა ნაწილი არ დააშენდება. თუ ადგილობრივი დემოკრატია არ არის ქვეყანაში, მთლიანობაში დემოკრატია ვერ აშენდება.
არც ერთ მთავრობას არ უნდოდა და არ უნდა ამის გაკეთება.

This post has been edited by griankali on 3 May 2024, 20:23

1. დამოუკიდებელი სასამართლო
2. სრული თავისუფლება მედიას - ვისაც რა უნდა ის აყრანტალოს, მოქალაქე თავად გადაწყვეტს რა დაიჯეროს და თუ უმეტესობას ტყუილი სჯერა, ესე იგი, ეს ქვეყანა ქოცების ღირსია.
3. მინიმალური სახელმწიფო ჩარევა ეკონომიკურ ცხოვრებაში - "მცირე მთავრობის" მოდელი, გადასახადების მინიმუმამდე დაყვანა, ბიზნესის დემონოპოლიზაცია და სრული თავისუფლება ახალ წამოწყებებს.
4. თავდაცვის გაძლიერება უცხოელი პარტნიორების ჩართულობით.
5. ანაკლიის პორტი, ენერგომომწოდებლების დივერსიფიცირება.
6. დოტაციური პროექტების შეწყვეტა სეპარატისტულ რეჟიმებში; დახმარება მხოლოდ მათ, ვისაც აქვს საქ. მოქალაქეობა. ამასთანავე მაქსიმალური სამოქალაქო ჩართულობა აფხაზებთან და ოსებთან ზედმეტი პიარის, ცრემლების მდინარეებისა და მშიბზია-ფანდარასტების გარეშე.

ჩვენ საზოგადოება თუ არ ვიაქტიურებთ და არ დავადგებით ,,კომბალით" ხელისუფლებას არაფერი დიდად არ შეიცვლება .
სასამართლო რეფორმა პირველ რიგში .
სამართლიანი სასამართლო არის სახელმწიფოს საძირკველი.

„ალექსის დე ტოკვილი ჯერ კიდევ 150 წლის წინ წერდა - „სახელმწიფოში ხალხმა შეიძლება თავისუფლად აირჩიოს მთავრობა, მაგრამ თუკი მათ არ აქვთ თვითმმართველობა, ისინი ვერასდროს გაიგებენ თავისუფლების ჭეშმარიტ სულს“.

ეს სიტყვები მან დაწერა აშშ-ში მოგზაურობის შემდეგ, როცა დაასკვნა, რომ ამ ქვეყნის თავისუფლების, სიძლიერისა და დინამიკური განვითარების საიდუმლოების გასაღები არც პრეზიდენტის ძალაუფლებაშია, არც კონგრესისა და არც ჯარის სიძლიერეში.

რომ ამ ყველაფრის ლოკომოტივი ამერიკული თვითმმართველობაა...“

https://www.interpressnews.ge/ka/article/58...zjf6FoXRCRC3eeJ

წაიკითხეთ, ღირს.

ქართველობა
ანუ კლანური სისტემა

„ალექსის დე ტოკვილი ჯერ კიდევ 150 წლის წინ წერდა - „სახელმწიფოში ხალხმა შეიძლება თავისუფლად აირჩიოს მთავრობა, მაგრამ თუკი მათ არ აქვთ თვითმმართველობა, ისინი ვერასდროს გაიგებენ თავისუფლების ჭეშმარიტ სულს“.
ეს სიტყვები მან დაწერა აშშ-ში მოგზაურობის შემდეგ, როცა დაასკვნა, რომ ამ ქვეყნის თავისუფლების, სიძლიერისა და დინამიკური განვითარების საიდუმლოების გასაღები არც პრეზიდენტის ძალაუფლებაშია, არც კონგრესისა და არც ჯარის სიძლიერეში.
რომ ამ ყველაფრის ლოკომოტივი ამერიკული თვითმმართველობაა...“

https://www.interpressnews.ge/ka/article/58...zjf6FoXRCRC3eeJ
...
- სამწუხაროდ, ყველა ხელისუფლება საქართველოში ერთი და იგივე სისტემით მოქმედებს, ისინი განიხილავენ თვითმმართველობას ცენტრალური ხელისუფლების გაგრძელებად და საკუთარი ნების უტყვ აღმსრულებლად.

არც ერთმა მთავრობამ არ დაუტოვა თვითმმართველობას ადგილობრივ გადადასახადები, არ მისცა დამოუკიდებელი ფინასური რესურსები და ქონება მუნიციპალიტეტის განვითარებისათვის, რათა თვითმმართველობას ნებისმიერი პროექტის განხორციელებისათვის მთავრობის დოტაცია, ანუ მისი კეთილგანწყობა არ სჭირდებოდეს.

ეს არის ადმინისტრაციულ-მბრძანებლურ მმართველობის საბჭოური სტილის გაგრძელება, როცა მთავრობას მიაჩნია, რომ თბილისში მსხდომმა მინისტრებმა და ჩინოვნიკებმა ადგილობრივებზე უკეთ იციან თუ რა არის გასაკეთებლი საქართველოს 3500 ქალაქსა თუ სოფელში, თუ რა ჭირდება ნებისმიერ სოფელში თუ ქალაქში მაცხოვრებელს, შესაბამისად, თავად უნდა გადაწყვიტონ რომელი პროექტი უნდა განხორციელდეს, რისთვის შეიძლება იქ თანხები დაიხარჯოს და ასე შემდეგ.

ათწლეულობის განმავლობაში ამ მიდგომას ეწირება ჩვენი რეგიონების და მთლიანად ქვეყნის განვითარება, ჩინოვნიკების გადაწყვეტილებები სულ უფრო მეტად ცდება მოქალაქეების საჭიროებებს, რეგიონებში იზრდება სიღარიბე, მინიმუმ არ იკლებს, სამაგიეროდ არჩევნებზე გაღარიბებული და გაუბედურებული, შენი ხელის შემყურე მოქალაქე ადვილად მოსასყიდია, იოლად ექვემდებარება ზეწოლას და მუშაობს ყველა არჩევნებზე ადმინისტრაციული რესურსი.

ცნობილი ფრანგი განმანათლებელი ალექსის დე ტოკვილის ჯერ კიდევ 150 წლის წინ წერდა - „სახელწმიფოში ხალხმა შეიძლება თავისუფლად აირჩიოს მთავრობა, მაგრამ თუკი მათ არ აქვთ თვითმმართველობა, ისინი ვერასდროს გაიგებენ თავისუფლების ჭეშმარიტ სულს“.

ეს სიტყვები მან დაწერა აშშ-ში მოგზაურობის შემდეგ, როცა დაასკვნა რომ ამ ქვეყნის თავისუფლების, სიძლიერის და დინამიური განვითარების საიდუმლოების გასაღები არც პრეზიდენტის ძალაუფლებაშია, არც კონგრესის და არც ჯარის სიძლიერეში.

რომ ამ ყველაფრის ლოკომოტივი ამერიკული თვითმმართველობაა, რომელიც აძლევს ჩვეულებრივ მოქალაქეს საშუალებას ჩინოვნიკის თუ მთავრობისგან დამოუკიდებლად ჩაერთოს ადგილებზე გადაწყვეტილების მიღების პროცესში, საკუთარი ნიჭი, ცოდნა და ენერგია გამოიყენოს და მიმართოს როგორც საკუთარი თავის, ასევე საკუთარი დასახლების, თემის თუ ადგილობრივი საზოგადოების სასარგებლოდ.

ტოკვილის აზრით, ამერიკული თავისუფლების, მისი საზოგადოების წარმატების საფუძველია სისტემა, სადაც ამერიკის მოქალაქე მთავრობას კი არ უყურებს ხელებში და იმის იმედად კი არ არის, როდის დაეხმარება პრეზიდენტი და მოუგვარებს პრობლემას, არამედ თავად, როგორც თავისუფალი ადამიანი, სხვა მისნაირ მოქალაქელეებთან ერთად წყვეტს, თუ რა ჭირდებათ მათ საკუთარი პრობლემების გადასაჭრელად, თავადვე იღებენ გადაწყვეტილებებს, ამით თავადაც ნახულობენ სარგებელს და ქვეყნისთვისაც მოაქვთ სიკეთე. ამიტომ არიან ისინი თავისუფლები.

ჩვენ კი არასდროს გვექნება თავისუფალი ქვეყანა და სხვათა შორის, ადმინისტრაციული რესურსების გამოყენებისაგან თავისუფალი არჩევნები, სანამ მთავრობის თავმჯდომარიდან დაწყებული სოფელში მერის რწმუნებულით დამთავრებული ერთპარტიული ვერტიკალის წევრი იქნება, სანამ ბიზნესმენის, ფერმერის, მასწავლებლის ექიმის, პენსიონერის თუ შშმ პირის განვითარება, წარმატება, კეთილდღეობა, ჯანმრთელობა თუ სიცოცხლე დამოკიდებული იქნება მთავრობის მიერ გამოყოფილ ფულზე, გადმოცემულ ქონებაზე, განხორციელებულ პროგრამაზე, თუ გაწეულ დახმარებაზე.

სანამ ყველა სოფელსა თუ ქალაქში ეცოდინებათ, რომ გზის გაკეთებაა საჭირო, წყლის თუ გარე განათების, ამის ფული მთავრობამ უნდა მისცეს. ასეთ სისტემაში საზოგადოება და ადამიანი თავისუფალი კი არ არის, არამედ ყველა ამ სოციალური ფენის თუ ინტერესთა ჯგუფის წარმომადგენელს „ესმის“ თუ „აგებინებენ“, რომ თუ სურთ საკუთარი პრობლემის გადაჭრა, ლოიალურები უნდა იყვნენ საკუთარი კეთილისმყოფელების, მთავრობის მიმართ და ყბადაღებულ „ადმინისტრაციულ რესურსს“ უნდა დაუმორჩილონ საკუთარი პოლიტიკური ნება.

ამით მიიღწევა მერების და საკრებულოს სრული მორჩილება და ლოიალურობა. სამაგიეროდ, ასეთი არათავისუფალი თვითმმართველობის ხელმძღვანელობა არის იოლად სამართავი, ყოველთვის მზადაა იქცეს ნებისმიერ არჩევნებზე მმართველი პარტიის ადგილობრივ შტაბად, უხვად გამოიყენოს ადმინისტრაციული რესურსი და გახდეს არჩევნებზე მთავრობის ხმების ყულაბა.

ტრაგედია მხოლოდ ის კი არ არის, რომ ხელისუფლება ასე იქცევა, არანაკლებ ცუდია ისიც რომ ოპოზიციაში მყოფთა უდიდესი ნაწილიც ზუსტად ასევე ხედავს თვითმმართველობის როლსა და ფუნქციას, შესაბამისად, ასევე სურს ქვეყნის მართვის გაგრძელება.

ძალიან ბევრ მათაგანს ვიცნობ, უმრავლესობა მათგანთან მისაუბრია ამ საკითხებზე. ამიტომ ყურმოკვრით ან ვიღაცის მონაყოლით არ ვამბობ ამას. შემთხვევით არაა, რომ თვითმმართველობის რეფორმა პოლიტიკური ოპოზიციის დღის წესრიგში მეორესხარისხოვან საკითხებშიც კი ვერასდროს ხვდება.

ბევრს უბრალოდ სურს სწორედ ასეთ სისტემაში იყოს ხელისუფალი, ნაწილი კი უბრალოდ ვერ ხვდება, რომ მაგალითად იგივე ადმინისტრაციული რესურსის გამოყენების შეზღუდვის და სამართლიანი არჩევნების ჩატარების გზა, ფინანსურად და ეკონომიკურად ძლიერ, მრავალპარტიულ და დამოუკიდებელ თვითმმართველობის ფორმირებაზე გადის და ამ საკითხს საარჩევნო კოდექსით ვერ გადაჭრი.

ამიტომ, საშინაო პოლიტიკის პრობლემები გაგრძელდება მანამ, სანამ ჩვენი პოლიტიკური ელიტის უმეტესი ნაწილისთვის ცენტრალიზებული მმართველობა სახელმწიფო ძალაუფლების განხორციელების ერთადერთი ფორმაა.
...


This post has been edited by griankali on 3 May 2024, 20:34

ოღონდ ეხლა სისხლიანი 12 წელეეე არ დავიწყოთ თავიდან

ქოცები უნდა ჩამოშორდნენ პოლიტიკას, არც ერთ ქოცს, ვინც ამ კანონს ხმა მისცა, არ უნდა ჰქონდეს არჩევნებში მონაწილეობის მიღების უფლება რომელ პარტიაში არ უნდა გაწევრიანდნენ.
უნდა გაიმართოს საჯარო სასამართლო. ყველა ეს 83 თუ 85 ქოცი + ბიძინა უნდა იყვნენ ეჭვმიტანილები სამშობლოს ღალატში. ვისაც დაუმტკიცდება, ციხე კანონის მიხედვით.
უნდა ჩატარდეს მოკვლევა და ყველა კანონის დარღვევით გადაცემული ქონება უნდა დაუბრუნდეს ქართველ ხალხს. დამნაშავეები ციხეში კანონის მიხედვით. იგივე ეხება კორუფციის ფაქტებსაც.
უნდა გაანალიზდეს ყველა ქმედება 1990 წლიდან დღემდ საქართველოს ინტერესებისა და ქართველი ხალხის ნების წინააღმდეგ ჩადენილი ქმედებების შესახებ. დამნაშავეები ციხეში.
უნდა მივიღოთ ლუსტრაციის კანონი.
უნდა გაიწმინდოს პოლიცია და ჩამოყალიბდეს სრულიად აპოლიტიკურ ორგანოდ, რომელიც ემსახურება ხალხს და არა ცალკეულ პარტიებს. მყარად უნდა ჩაიწეროს ეს კანონში და მყარი გარანტიები უნდა ჰქონდეს პოლიციას, რომ ხალხის ნების და კანონის უზენაესობის დაცვის შემთხვევაში ვერავინ შეეხებათ.
კრიმპოლი უნდა დაიშალოს და თავიდან ჩამოყალიბდეს.

და რაც მთავარია, პირველ რიგში ხალხმა, და მერე მთავრობამ, მინისტრებმა, ჩინოვნიკებმა, პოლიციამ, ჯარმა უნდა შეითავისონ და შეიგნონ რომ არიან დაქირავებული მუშაკები, რომელთაც ხალხი უხდის ხელფასს, დელეგირებული აქვთ ქვეყნის მართვა მხოლოდ და მხოლოდ ხალხის ნების მიხედვით და ანგარიშვალდებულნი არიან ხალხის წინაშე ნებისმიერ დროს და ნებისმიერ მოქმედებაზე.

პ.ს. აი ეს ბოლო დიდი ასოებით უნდა ეწეროს ყველგან.

This post has been edited by witcher on 3 May 2024, 20:36

ვაკე, ვერა საბურთალოს ბნელიტა უნდა მოვისროლოთ რუსეთში, 30 წელია ქართულ სახელმწიფოებრიობას უთხრიან პერმანენტულად ძირს!


ამისთანა რუსები გვინდებლარიან ჩუენ


This post has been edited by ჩეკო on 3 May 2024, 20:39

ხო მაგრამ ჩვენ პირობებში დიდია იმის ალბათობა რო ამ სისტემის გადმოღების შემთხვევაში მივიღოთ არა ამერიკული, არამედ "ქართული თვითმმართველობა" - ანუ სრული ანარქია და ფეოდალურ-კლანური უწესრიგობა

ამერიკულ თვითმმართველობას ფესვები ადრეპროტესტანტულ თვითმმართველობაში აქვს

საქართველოში კი ერთადერთი პოლიტიკური ტრადიცია ე.წ. ფეოდალური პლურალიზმია, როგორც ამას ერთი ამერიკელი მკვლევარი ამბობდა (გვარი დამავიწყდა)