საქართველოს ოთხი ყოფილი ელჩი ევროკავშირისა და ნატოს წევრ ქვეყნებში: ბულგარეთში, ლიეტუვაში, ნიდერლანდების სამეფოსა და ჩეხეთში რადიო თავისუფლებას უყვება გადადგომის შესახებ გადაწყვეტილების მიზეზებზე.

ირაყლი კობახიძის 28 ნოემბრის განცხადების შემდეგ, მათ ჩათვალეს, რომ სახელმწიფოსთვის ელჩის სტატუსში მსახურების სივრცე სრულად გაქრა და ვეღარ შეძლებდნენ ისეთი კონსტიტუციური მიზნების ხელშეწყობას, როგორებიც ქვეყნის ევროპული და ევროატლანტიკური ინტეგრაცია, სუვერენიტეტი და ტერიტორიული მთლიანობაა.

კიდევ ერთი, რაც ოთარ ბერძენიშვილს, სალომე შაფაქიძეს, დავით სოლომონიასა და თეა მაისურაძეს აერთიანებთ, არის მათი შეუგუებლობა მოქალაქეების მიმართ სახელმწიფოს ძალადობასთან. გასული წლის ნოემბრის ბოლოსა და დეკემბრის დასაწყისში გადაწყვეტილება თითოეულმა მათგანმა ინდივიდუალურად მიიღო.

რადიო თავისუფლების სტუდიაში გამართული დისკუსიის დროს თქვეს, რომ იმსახურეს ელჩებად, ვიდრე მცირე შესაძლებლობას მაინც ხედავდნენ - დადებითი ზეგავლენა მოეხდინათ საქართველოს ევროპული და ევროატლანტიკური ინტეგრაციის პროცესზე, რომ „ქართული ოცნების“ 28 ნოემბრის განცხადების შემდეგ მათთვის „სივრცე ამოიწურა“ და შექმნილ რეალობაში „თავს ვერ მოიტყუებ“.

დღეს მომიტინგეებს შორის დგანან და იზიარებენ პროტესტის სულისკვეთებას, გამოსავლადაც ხელახალ არჩევნებს ხედავენ.


* * *
ბიზნესი ივანიშივლის რეჟიმის წინააღმდეგ. კომპანიები რომელთა ბრუნვა 10 მილიარდს აჭარებებს, გაფიცვის შემდეგ ახალ სამოქმედო ნაბიჯებს გეგმავენ



ბიძინას ლიკვიდაციის შიშები აქვს, რუსეთის ბევრად უფრო ეშინია, ვიდრე ჩვენი- გია ხუხაშვილი



ეკონომიკის ექსპერტი აკაკი ცომაია ივანიშვილის დასანქცირებაზე