დღეს აშშ-ში გასკდა ძალიან სერიოზული ამბავი და დაიწყება ოფიციალური გამოძიება, თუ როგორ ახდენდნენ ტრამპის წინააღმდეგ არჩევნებში ჩარევის მიზნით აშშ-ის სახელმწიფო უწყებები კოორდინირებულად და ხელოვნურად ტრამპის წინააღმდეგ პრორუსულობის ბრალდებისა თუ აშშ-ის არჩევნებში რუსეთის ჩარევის ბრალდების შეთითხვნას, რასაც წარმატებული შედეგიც ჰქონდა - დამეთანხმებით. ამ კოორდინაციის შედეგები საკუთარ თავშიც კი დღესაც ბევრს აქვს ღრმად გამჯდარი - თქვენს შორისაც კი (ტრამპი დღემდე პრურუსი ვისაც ჰგონია).
მოგეხსენებათ, რუსეთი, როგორც საქართველოს ტერიტორიების ნაწილის ოკუპანტი და მოძალადე სახელმწიფო განსაკუთრებით ჩვენთან არავის გვიყვარს და აბსოლუტურ უმრავლესობას სხვადასხვა ხარისხის სიძულვილი თუ ფობია გაგვაჩნია.
თუმცა ისიც ნათელი ხდება ნელნელა, რომ ამ ფობიას ჩვენივე საზიანოდ იყენებდნენ და განსაკუთრებით აქტიურად შეიმჩნეოდა რუსეთ-უკრაინის ომის დაწყების შედმეგ - ამ შემთხვევაში იარლიყი "რუსულ-ი, მა, ს, ის ით ად ო" თუ ვინმეზე და რამეზე შეიძლებოდა - ყველას მიაკერეს (მეც კი არაერთხელ დამადანაშაულეს ხოლმე აბსოლუტურად უსაფუძვლოდ).
აშშ-ის ეროვნული დაზვერვის ხელმძვანელის უსერიოზულესი განცხადება, რაც გარდამტეხ როლს შეიტანს სწორედ ზემოხსენებულ საკითხში არამხოლოდ აშშ-ის, არამედ დარწმუნებული ვარ - გლობალურ დონეზეც და რა თქმა უნდა - საქართველოშიც!
ეს კი განცხადების ტექსტი:
"
პრეზიდენტ ობამასა და მისი ეროვნული უსაფრთხოების გუნდის მაღალჩინოსნების მოქმედების შედეგი იყო ამერიკელი ხალხის ნების ჩახშობა, ჩვენი დემოკრატიული რესპუბლიკისთვის ძირის გამოთხრა და იმის განხორციელება, რაც პრეზიდენტ ტრამპის წინააღმდეგ მრავალწლიანი გადატრიალება გახდებოდა, რომელიც ამერიკელმა ხალხმა კანონიერად აირჩია, – ამის შესახებ აშშ-ის ეროვნული დაზვერვის ხელმძღვანელმა, ტულსი გაბარდმა „ფოქს ნიუსთან“ ინტერვიუში განაცხადა.
გაბარდი ბარაკ ობამასა და აშშ-ის ეროვნული უსაფრთხოების ყოფილი მაღალჩინოსნების მიმართ გამოძიების დაწყებას ითხოვს. აშშ-ის ეროვნული დაზვერვის ხელმძღვანელი მათ შეთქმულებაში ადანაშაულებს, რომელიც, მისი თქმით, მიზნად ისახავდა ეჩვენებინა, რომ დონალდ ტრამპის 2016 წლის საპრეზიდენტო არჩევნებში გამარჯვება რუსეთის ჩარევის შედეგი იყო. გაბარდმა მტკიცებულებები იუსტიციის სამინისტროს გადაუგზავნა.
„შედეგები, გულწრფელად რომ ვთქვათ, ისტორიულია. პარასკევს გამოქვეყნებული ასზე მეტი დოკუმენტი დეტალურად აღწერს და მტკიცებულებას იძლევა იმის შესახებ, თუ როგორ იყო ორგანიზებული ეს მოღალატეობრივი შეთქმულება პრეზიდენტ ობამას მიერ თანამდებობიდან გადადგომამდე რამდენიმე კვირით ადრე, როდესაც პრეზიდენტ ტრამპი უკვე არჩეული იყო. ეს არ არის დემოკრატების ან რესპუბლიკელების საკითხი. ეს იმდენად სერიოზული საკითხია, რომ თითოეულ ამერიკელს უნდა ადარდებდეს, რადგან ეს დაკავშირებულია ჩვენი დემოკრატიული რესპუბლიკის მთლიანობასთან. როგორც ჩვენ მიერ გამოქვეყნებულ დოკუმენტებში დეტალურადაა აღწერილი, ჩვენ ვნახეთ, რომ შეერთებული შტატების მოქმედი პრეზიდენტი, მისი კაბინეტი და ხელმძღვანელობა, გულწრფელად რომ ვთქვათ, არ იყვნენ კმაყოფილი არჩევნებში პრეზიდენტ ტრამპის გამარჯვებით და იმით, რომ ამერიკელმა ხალხმა მომდევნო პრეზიდენტად და მთავარსარდლად დონალდ ტრამპი აირჩია.
ამიტომ მათ გადაწყვიტეს, გაეკეთებინათ ყველაფერი, რომ ხელი შეეშალათ ტრამპისთვის, განეხორციელებინა ის, რაც პრეზიდენტ ტრამპის ამომრჩევლებმა მას დააკისრეს და გამოიგონეს ეს გაყალბებული სადაზვერვო ინფორმაცია, რომელიც ირწმუნებოდა, რომ რუსეთი დაეხმარა დონალდ ტრამპს არჩევაში და უპირისპირდებოდა ყველა სხვა შეფასებას, რომელიც არჩევნებამდე თვეებით ადრე გაკეთდა და რომელშიც საუბარი იყო საპირისპიროზე, რომ რუსეთს არ ჰქონია განზრახვა, არც შესაძლებლობა ეცადა, ვციტირებ – დაეჰაკა აშშ-ს საპრეზიდენტო არჩევნები.
საქმე იმაშია, რომ როდესაც მომზადებულ შეფასებებს უყურებ, და არა მხოლოდ ერთი რომელიმე ქვედანაყოფის, არამედ მე, როგორც ეროვნული დაზვერვის დირექტორი, გავეცანი 18 სხვადასხვა სადაზვერვო ქვედანაყოფის შეფასებებს, რომლებიც 2016 წლის ნოემბრის არჩევნებამდე თვეებით ადრე მომზადდა. დაზვერვის უწყება თანხმდებოდა, რომ არავითარი სადაზვერვი ინფორმაცია არ არსებობდა, რომელიც ასახავდა, რომ რუსეთი ცდილობდა, დაეჰაკა არჩევნები მისთვის ხელსაყრელი კანდიდატის სასარგებლოდ“, – აღნიშნა გაბარდმა.
მისივე თქმით, დაზვერვის ინფორმაცია აჩვენებდა, რომ რუსეთს არ ჰქონდა არც განზრახვა და არც შესაძლებლობა, გავლენა მოეხდინა აშშ-ის არჩევნების შედეგებზე.
„როდესაც ჩვენ ვუყურებთ ამ დოკუმენტებს, რომლებსაც მე საიდუმლო გრიფი მოვხსენი და გამოვაქვეყნე, აჩვენებს, რომ დეკემბრის პირველ კვირაში იყო ცვლილება. კიდევ ერთი დოკუმენტი იყო წარმოდგენილი დაზვერვის უწყებიდან, პრეზიდენტისთვის ყოველდღიურად მიწოდებული ცნობები, რომელიც შეესაბამებოდა წინა შეფასებებს, რომლებიც არჩევნებამდე გაკეთდა, რომ რუსეთს არ უცდია, გავლენა ექონია ამერიკული არჩევნების შედეგებზე და ეს უკვე არჩევნების შემდეგ ხდება [დოკუმენტი უკვე არჩევნების შემდეგ მომზადებულია]. თუმცა ის რამდენიმე საათით ადრე არ გამოქვეყნებულა. ის უნდა მოხვედრილიყო პრეზიდენტ ობამასთვის მომზადებულ ყოველდღიურ სიახლეებში, მაგრამ ამოიღო დაზვერვის მაღალჩინოსანმა, რომელმაც განაცხადა, რომ უკან გაიწვიეს, რადგან ახალი მითითებები „მიიღეს“. მომდევნო დღეს ეროვნული უშიშროების საბჭოს შეხვედრა იქნა მოწვეული, რომელსაც ესწრებოდა პრეზიდენტ ობამას კაბინეტის ყველა მაღალჩინოსანი და რომლის თემაც იყო „დელიკატური“. დავალებები, რომლებიც ამ შეხვედრაზე დაისახა პრეზიდენტ ობამასგან მოდიოდა და დირექტივებს აძლევდა დაზვერვის საზოგადოებას, ობამას მაშინდელ ეროვნული დაზვერვის დირექტორს, კლეპერს, მოემზადებინა დაზვერვის შეფასება, სადაც დეტალურად იქნებოდა აღწერილი არა ის, იქონია თუ არა გავლენა მოსკოვმა, არამედ როგორ იქონია გავლენა მოსკოვმა არჩევნების შედეგებზე, რომელიც უკვე ჩატარდა და დონალდ ტრამპი პრეზიდენტად აირჩიეს. 2017 წლის იანვარში გამოქვეყნებული ეს დოკუმენტი გახდა საფუძველი, რომელსაც ისინი ეყრდნობოდნენ კვლავ და კვლავ, რათა განეხორციელებინათ მრავალწლიანი გადატრიალება პრეზიდენტ ტრამპის წინააღმდეგ“,- განაცხადა გაბარდმა.
გადაცემის წამყვანი მარ-ა-ლაგოს თემით დაინტერესდა.
„მარ-ა-ლაგოში ჩატარებული რეიდის დეტალები არ მაქვს. ეს ინფორმაცია FBI-ს განკარგულებაშია. თუმცა, ეჭვი არ მეპარება, რომ პრეზიდენტ ობამას ბრძანებით გამოქვეყნებული სადაზვერვო საზოგადოების შეფასება შეიცავდა შეთხზულ სადაზვერვო დოკუმენტს. ეს უარესია, ვიდრე დაზვერვის პოლიტიზება. ეს იყო გაყალბებული სადაზვერვო მონაცემები, რომლებიც მიმართული იყო პრეზიდენტ ობამასა და მისი გუნდის მიზნების მიღწევაზე და რომლებიც ძირს უთხრიდა პრეზიდენტ ტრამპის პრეზიდენტობას და ახშობდა ამერიკელი ხალხის ნებას. ასე რომ, დიახ. მომავალ კვირას ჩვენ უფრო დეტალურ ინფორმაციას გამოვაქვეყნებთ იმის შესახებ, თუ ზუსტად როგორ მოხდა ეს და რამდენად ცდილობდნენ ამ ინფორმაციის დამალვას ამერიკელი ხალხისა და იმ ოფიციალური პირებისთვის, რომლებსაც შეეძლოთ რაიმეს გაკეთება. და რაც ყველაზე მნიშვნელოვანია და თქვენს შესავალ სიტყვაშიც ახსენეთ, რომ აუცილებელია პასუხისმგებლობის აღება, ამ ქვეყნის მომავლისთვის, ამერიკელი ხალხისთვის, რათა ჰქონდეთ ნდობა ჩვენი დემოკრატიული რესპუბლიკის მთლიანობის მიმართ. პასუხისმგებლიანობა, მოქმედება, სამართლებრივი დევნა და ბრალდების წარდგენა მათთვის, ვინც პასუხისმგებელია ჩვენი დემოკრატიის მოპარვის მცდელობაში, აუცილებელია, უზრუნველვყოთ, რომ ეს აღარასდროს მოხდეს ჩვენს ქვეყანაში.
ჩვენ ვეყრდნობით ყველა იმ დოკუმენტს, რომელიც მივაწოდეთ იუსტიციის დეპარტამენტსა და FBI-ს სისხლის სამართლებრივი დევნისთვის. ყველაფერს გავაკეთებ, რაც შემიძლია. ამ დოკუმენტების გამოქვეყნების შემდეგ გამოჩნდნენ ინფორმატორები, რომლებიც იმ დროს სადაზვერვო სამსახურში მუშაობდნენ და ძალიან აღშფოთებულები იყვნენ მომხდარით. ჩვენ ვხედავთ, რომ ზოგიერთი მათგანი გამოდის ჩრდილიდან, რადგან მათაც, როგორც მე და თქვენ და ამერიკელ ხალხს, სურთ სამართლიანობის აღდგენა. ამიტომ ჩვენ იუსტიციის დეპარტამენტს მივაწვდით ყველაფერს, რაც გვაქვს, ყველაფერს, რასაც შევაგროვებთ. აუცილებელია პასუხისმგებელი პირებისთვის ბრალდებების წარდგენა, როგორი გავლენიანებიც არ უნდა იყვნენ ან ყოფილიყვნენ იმ დროს. არ აქვს მნიშვნელობა, ვინ იყო ჩართული ამერიკელი ხალხის წინააღმდეგ ამ მოღალატეობრივი შეთქმულების შექმნაში, ყველამ უნდა აგოს პასუხი“, – განაცხადა აშშ-ის ეროვნული დაზვერვის ხელმძღვანელმა, ტულსი გაბარდმა.
მისივე თქმით, მათ აქვთ მტკიცებულებები, რომელიც სამართლიანობის აღდგენის შესაძლებლობას აძლევთ, რომ პასუხისმგებელ პირებს ბრალი წარედგინოთ.
„ეს იმდენად ისტორიული მნიშვნელობისაა, რომ არ შეიძლება შემოიფარგლოს ერთი, ორი ან სამი სხვადასხვა ადამიანით. თქვენ ახლახან აღწერეთ რეალურად მომხდარის შედეგები. მე ვფიქრობ, რომ თქვენ ნამდვილად ნათლად წარმოაჩენთ, თუ რას ვგულისხმობთ, როდესაც Deep State-ზე ვსაუბრობთ. ეს ძალიან შორს მიმავალია. ესენი არიან ადამიანები, რომლებიც მიზნად ისახავენ ამერიკელი ხალხის ნების შელახვას და საბოლოოდ ცდილობენ, საკუთარი თავი ჩვენს დემოკრატიაზე მაღლა დააყენონ. და სწორედ ამიტომ არის ასე მნიშვნელოვანი, რომ ჩვენ გავაგრძელოთ ამ გზით სიარული. მეც იმავე საკითხებს ვაყენებ კითხვის ნიშნის ქვეშ, რასაც თქვენ მეკითხებით. დიახ, ჩემი გუნდს დავავალე და ამაზე, ბოლო თვეებია, ვმუშაობთ. ამ თანამდებობაზე, ეროვნული დაზვერვის დირექტორის თანამდებობაზე, დაახლოებით, ექვსი თვეა, ვარ და არ ვიცი, გამართლება აქვთ მათ, ვინც თითქოს მანამდე გამოიძია ეს, იქნება ეს დარემი თუ სხვები, რომ ვერ შეძლეს წერტილების ერთმანეთთან დაკავშირება და საბოლოოდ სიმართლის ჩვენება ამერიკელი ხალხისთვის. პრეზიდენტმა ტრამპმა მაქსიმალური გამჭვირვალობის მანდატი მოგვცა და ზუსტად ამას ვაკეთებთ. ამერიკელმა ხალხმა სიმართლე უნდა დაინახოს და ჩვენ ამას ყოველდღე გავაგრძელებთ, ვიდრე აქ ვარ.
ნამდვილად ვერ ვხვდები, არ არსებობს რაციონალური ან ლოგიკური ახსნა, თუ რატომ განიცადეს წარუმატებლობა. ერთადერთი ლოგიკური დასკვნა, რაც შემიძლია გამოვიტანო აქედან, არის ის, რომ არსებობდა განზრახვა, დამალულიყო სიმართლე იმის შესახებ, თუ რა მოხდა და ვინ იყო პასუხისმგებელი, და როგორ იყო ჩაფიქრებული ამ ამბოხების სქემა და ვის ეკისრება პასუხისმგებლობა მის განხორციელებაზე.
გენერალური პროკურორი პემ ბონდი, გამოძიების ფედერალური ბიურო, დირექტორი კეშ პატელი – მათი პასუხისმგებლობაა, შეაგროვონ ყველა მტკიცებულება, როგორც ჩვენ მიერ გამოქვეყნებული, ასევე ის ფაქტები, რომლებიც მანამდე უკვე ცნობილი იყო. ინფორმაცია, რომელიც მომავალში გამოქვეყნდება, ხელს შეუწყობს ამ სამართლებრივ დევნასა და ბრალის წარდგენას“, – განაცხადა „ფოქს ნიუსთან“ ინტერვიუში ტულსი გაბარდმა.
"
https://1tv.ge/news/tulsi-gabardi-obamasa-d...ogori-gavlenia/ This post has been edited by შავლეგა on 21 Jul 2025, 18:35 
"რუსულ-ი" (-მა, -ს, -ის...) ცილისწამება, აშშ-ისა და ქართულ პოლიტიკაში
