მორცხვობის/მორიდებულობის დაძლევა

ვინც მორიდებული ანდა ძალიან მორცხვი იყავით, როგორ შეწყვიტეთ ესე ყოფნა?
ძაან მაინტერესებს, იმიტო, რო მე თვითონაც საშინლად მორცხვი და მორიდებული ადამიანი ვარ და არ ვიცი თავს რითი ვუშველო, არადა ყველა მაკრიტიკებს ჩემი მორცხვობის გამო. ძალიან მერიდება ხალხთან ლაპარაკი, მათ თვალებში ჩახედვა ა.შ, და თუ ვინმესთან ლაპარაკი დავიწყე, ყოველთვის მეწურება სასაუბრო თემები და არ ვიცი რაზე ვილაპარაკო, თანაც სულ მაწუხებს იმაზე ფიქრი, რომ ყველა ცუდად იფიქრებს ჩემზე ამ ყველაფრის გამო, ამ პოსტის დაწერაც მაგრა მერიდებოდა.

ძაღლი კვერნა ბაყაყის თუ არ მოგერიდება რამე, ადამიანის რა უნდა მოგერიდოს? ადამიანიც იგივენაირი ცხოველი არ არის მაგალითად როგორც ბუზი?

ნუ ერთადერთი უნდა მოგერიდოს კანონსაწინააღმდეგო, რადგანაც შემდეგ შენ წინააღმდეგ ამხედრდებიან და წავა მასიური ჩაგვრა შენ წინააღმდეგ რომელსაც ვერ შეაჩერებ თუნდაც მილიარდელი იყო.

არა კანონსაწინააღმდეგო კი მოსარიდებელი ისაა მხოლოდ რასაც ან შენ წყვეტ რომ არის ან სხვები წყვეტენ და მათ უჯერებ

სხვებს თუ უჯერებ კი ანუ არ იცნობ კარგად სამყაროს რომ მხოლოდ შენ თავში მოყრილი ინფორმაცია იყოს საკმარისი შენთვის ყველაფრისთვის

გირჩევ იკითხო ბევრი და კინოებს უყურო ამით ბევრ ინფორმაციას შეიძენ სამყაროზე და დაძლევ სიმორცხვეს

სპადერმენი, ბეტმენი

წიგნებიდან ალისა საოცრებათა ქვეყანაში და ნარნიას ქრონიკები

StarBoy2323

არსებობს მოსაზრება, რომ ჩვენი ხასიათი ყალიბდება ღრმა ბავშვობაში და თუ მისი შეცვლა გვინდა, ის საკითხებიც უნდა დავამუშაოთ, რომლებმაც მისი ჩამოყალიბება განაპირობეს.
არსებობს ტექნიკები, რომლებითაც ასეთ საკითხებზე მუშაობაა შესაძლებელი. მას, როგორც წესი, ფლობენ კარგი ფსიქოლოგები — შესაბამისი ნიჭის მქონე ადამიანები, რომლებიც გარდა ნიჭის ქონისა ადამიანის ფსიქოლოგიასაც წლების განმავლობაში გულდასმით სწავლობენ და შესაბამის თეორიულ ცოდნას და პრაქტიკულ გამოცდილებას იღებენ.

ამიტომ საუკეთესო გზა კარგ ფსიქოლოგთან ერთად მუშაობაა.

ფინანსურ ხარჯებთან შეჭიდება თავად მოგიწევს, რადგან ადამიანის კეთილდღეობაზე ორიენტირებული ქვეყნებისგან განსხვავებით ჩვენს ქვეყანაში არც სახელმწიფო და არც კერძო დაზღვევა ფსიქოთერაპიას არ აფინანსებს.ძლიერთა ამა ქვეყნისათა თვალსაწიერში ჩვენნაირი ქვეყნების მოქალაქეები მხოლოდ ფიზიკურ ძალად (მონებად) მოვიაზრებით.

თუ ფსიქოლოგთან მუშაობას ვერ შეძლებ, მაშინ შეიძლება რამით დაგეხმაროს ფსიქოლოგიის შესწავლა. ეს დროში გაწელილი პროცესი იქნება, თან არასრულყოფილი, რადგან მხოლოდ თვითთერაპია არ არის ხოლმე საკმარისი, მაგრამ დაწყება შეიძლება და მერე დაიხმარდი ფსიქოლოგს, როცა შეძლებდი.

ფროიდი, ერიქსონი და კიდევ ბევრი იკვლევდა ადამიანის ხასიათის ფორმირების საკითხს.
სირცხვილის ზღვარგადასულ განცდას 1.5 - 3 წლის ასაკის კრიზისს უკავშირებენ, როგორც მახსოვს. შეგიძლია გაეცნო მათ მიერ შემუშავებულ ფსიქოსოციალური თუ ფსიქოსექსუალური განვითარების თეორიას.
იქნებ გადაულახავ ამოცანებზე მუშაობის ტექნიკებიც იყოს სადმე ხელმისაწვდომი. თუ მოიძიებ და ცდი, შეიძლება დაგეხმაროს.

იმიტომ, რომ დაჯაგვრის და გაკიცხვის მეშინია, მგონია, რო მორიდებულად თუ არ მოვიქცევი, დამჩაგრავენ.

ჯეჯელავა როგორც ყველაფერში, ამ საკითხშიც უსაშველოდ დილეტანტია
მთელი ვიდეოს განმავლობაში ერთმანეთში ურევს ინტროვერსიას, სიმორცხვეს და გამოუცდელობას

საკითხზე მუშაობისას აჯობებს მეტად სანდო წყაროებს დაეყრდნოთ ხოლმე

იმდენად კომპლექსური საკითხია ვფიქრობ როდესაც უკვე დიპლომირებული ფსიქოლოგი ვიქნები მაშინაც არ მექნება ერთი კონკრეტული პასუხი ))) საკუთარ ცხოვრებაზე დაკვირვებით, მე პირადად ვძალადობ საკუთარ თავზე, თუმცა არ ვავნებ პირიქით დღის ბოლოს მადლობას ვეუბნები. როგორც კი ვატყობ, რომ საკუთარ ნებას ეწინააღმდეგება ის რაც შეძენილი თვისებაა ნუ ეს ხანდახან, ვგულისხმობ მორიდებულობას, იმ წამსვე თითქოს გარედან მიწოდებული ნერვული იმპულსია, რომელიც მაიძულებს რომ გავაკეთო. საკუთარ თავზე მუშაობას ხალხი ხან რას ეძახის ხან რას) თუმცა ჩემი აზრით საკუთარ თავზე მუშაობა, საკუთარი თავის პოვნაა არსებულ კომპლექსებში და ამის დაბრუნება, ვინაიდან და რადგანაც ბავშვობიდან მოდის ჩვენი ყველა კომპლექსი და რჩება ჩვენს ცნობიერში, საკუთარ თავზე მუშაობისას სხვა თვისებებს და რაღაც რადიკალურად განსხვავებულ კარგ ადამიანს ხო ვერ ჩამოაყალიბებ, ამიტომ ვფიქრობ რომ ეს ყოველივე იმ ბავშვობის თვისებების პოვნაა.

მთლად ისე, რომ ვინმესთან დალაპარაკების მრცხვენოდა, ეგეთიც არ ვიყავი. მიუხედავად იმისა, რომ ბავშვობიდანვე ყურადღების ცენტრში ვექცეოდი ყოველთვის, სერიოზულად მორცხვი ვიყავი. და რეალური დაძლევა დავიწყე სტუდენტობის პერიოდის ბოლოს, როცა უკვე სასწავლებელი დავამთავრე და მუშაობას შევუდექი, ანუ ხალხში გავედი. თუმცა იქაც ვჭედავდი ზოგჯერ. მალევე შევიცვალე პროფესია. პირველი საქმიანობა რომ არ მიყვარდა, ეგეც მოქმედებდა, სფეროს მიხედვით არ მსიამოვნებდა კომუნიკაცია.

მეორე პროფესია რომ ავირჩიე, სერიოზული ტრანსფორმაცია განვიცადე, ამას დაემთხვა სექსუალურ ცხოვრებაში მეტი გააქტიურებაც. მიყვარდა ის მეორე პროფესია, თან თვითდასაქმება იყო ფაქტობრივად და გავიხსენი, როცა იქით უნდა მეაქტიურა ადამიანებთან, ჯგუფების ხელმძღვანელი ვყოფილიყავი. ემოციურად ახლაც ჩაკეტილი ვარ, რადგან ჩემი მძაფრი და ღრმა ემოციები არ სჭირდება გარშემო სხვას, როგორც ვატყობ. მაგრამ თუ ადამიანი მაინტერესებს, ან ზოგადად რამე მჭირდება, კომუნიკაციას პირველი ვიწყებ და ფსიქოლოგიურ დომინაციასაც ვცდილობ ჭკვიანურად და არა უხეში მეთოდებით, მსიამოვნებს. მიყვარს სასურველი ადამიანების მოპოვება.

აირჩიე ისეთი პროფესია ან ჰობი, რომელიც კომუნიკაციის სიამოვნებას გაგრძნობინებს.
თავდაპირველად გამოარჩიე შენს სანაცნობოში ან გაიცანი ისეთი ადამიანი, ვისთანაც "ივარჯიშებ" შენს საკომუნიკაციო უნარებში. ისეთი, რომელთანაც იგრძნობ, რომ ესმის შენი და გაძლევს საშუალებას მასთან "ივარჯიშო".

და ჩემი პირადი რჩევა იქნება, აპრობირებული და უეჭველი მეთოდი - თუ ვარჯიშობ და ფიზიკურ აქტიურობას ეწევი, განავითარე შენში ჯანსაღი მამაკაცური აგრესია. ანუ სუფთა მამაკაცურად იაქტიურე. და თუ არ ვარჯიშობ, დაიწყე. განავითარე ძალა, მოქნილობა და სხვა უნარები. და ნახავ, როგორ ავტომატურად ჩაგერთვება სურვილები და მოთხოვნილებები. საკუთარი პრობლემის გააზრება კარგია და აუცილებელი, მაგრამ შეუქმენი მაგ გაცნობიერებას "ჭურჭელიც" შესაფერისი სხეულის სახით. ფიზიკური აქტიურობა და საკუთარი სხეულის გააზრება უამრავ რამეს დაგილაგებს დაჩქარებულად.

და ეგ მამაკაცური აგრესია როგორ უნდა განვავითარო? თვეებია ვვარჯიშობ და ისევ ისეთი მორცხვი ვარ როგორიც ადრე ვიყავი.

StarBoy2323

ძლიერი ნება გამოავლინე სხვებთან. შეეჩვიე მტკიცედ "კი"-ს და "არა"-ს თქმას. ძალა და ფიზიკური მაჩვენებლები, რომლებსაც ვარჯიშით ზრდი, შეეცადე სხვებთან წარმოაჩინო. გოგოებს უფრო აქტიურად მოაწონე თავი. მათთანაც და შენთვის საინტერესო ადამიანებთან ინიციატივის აღება სცადე ურთიერთობაში, შენ შესთავაზე პირველმა რაღაცეები. სცადე როგორი შეგრძნებაა, როცა შენი გეგმის მიხედვით აკეთებინებ სხვას რამეს. აგრესია მარტო კონფლიქტურ სიტუაციებს არ გულისხმობს, როგორც დღეს მარტო უარყოფითად ესმით ეს სიტყვა. აგრესიაში იგულისხმება მამაკაცის აქტიური მომპოვებელი ქცევები, როცა აქეთ კი არ ელოდება ვინმეს ნაბიჯის გადმოდგმას, არამედ იქით "ნადირობს" და მოიპოვებს. უბრალოდ დაინახე შენში ეს ნება.
რომელიმე საბრძოლო ხელოვნება სცადე, კარგია ამ თემაში.