ძალაუფლება ცუდი ადამიანების ხელში

სალამი მეგობრებო.
მომავლის მიმართ ყოველთვის ოპტიმისტურად ვიყავი ხოლმე განწყობილი. მჯეროდა, რომ ადამიანები უკეთესობისკენ ვიცვლებით, დღევანდელი ადამიანი არის ყველაზე ჰუმანური კაცობრიობის ისტორიაში. პროგრესს ბევრი უარყოფითი მოაქვს, თუმცა საბოლოოდ მაინც დადებითისკენ მიგვიძღვის.
ცოტა ხნის წინ ვკითხულობდი ჯო აბერკრომბის ტრილოგიას: Age of Madness და რეალურ სამყაროსთან ბევრი პარალელი გავავლე (ალბათ ავტორის მიზანიც ეს იყო).
კონკრეტულად ვგულისხმობ იმას, რომ ძალაუფლება ცუდი ადამიანებიდან ცუდი ადამიანების ხელში გადადის. ტყუილით მოვა სათავეში თაღლითი, ნაძირალა ადამიანები, ნელნელა გამოაჩენენ თავის ნამდვილ სახეს, დაიწყებს ხალხი შფოთვას, ამოუვათ ყელში, მოიშორებენ ამ ნაძირალებს სხვა ნაძირალების დახმარებით რომლებიც ისევ იტყუებიან და ცილკი გრძელდება.
ნუთუ მართლა ასეა, ნუთუ არაა გამოსავალი და სათავეში ყოველთვის ყველაფრის მკადრებელი ადამიანები იქნებიან? თუ კარგი ადამიანი ხარ, ტყუილი და საზიზღრობების კეთება არ შეგიძლია შეძლებ ქვეყნის მართვას? შეძლებ სათავეში მოსვლას?
იქნებ მე მოვექეცი აბერკრომბის dark fantasy სამყაროს ზეგავლენის ქვეშ და ზედმეტად მუქ ფერებში ვხედავ ყველაფერს. თქვენ რას ფიქრობთ?

სამწუხაროდ თანამედროვე რეალობაში, არ ვიცი ალბათ ძალაუფლების დიდი გავლენის გამო ცხოვრებაზე ავადმყოფური გახდა ცვლილებები
ცვლილებას მოაქვს პროგრესი არადა
ეს არ ეხება სამწუხაროდ მხოლოდ ქართულ ან რეგიონალურ რეალობას წამყვან ცივილიზებულ ქვეყნებში (ყოველ შემთხვევაში ასე რომ გვეგონა) იგივე ხდება
სახელმწიფოსა თუ დედამიწის სიმდიდრე არათანაბრად გადანაწილდა და ეს უსამართლობის მარყუჟი დროის სვლასთან ერთად ვიწროვდება
ალბათ ძალაუფლების გავლენა ყველა ეპოქაში თუ მოწყობის მოდელში არსებობდა, უბრალოდ ცხოვრების ტემპის მატებამ, დროის კონტროლმა ფსიქოლოგიურად დაატუსაღა ადამიანი
ფაქტიურად უმცირესობის სატუსაღოში მოექცა უმრავლესობა,თან ისე რომ ყველა სიკეთე რასაც ვერ სწვდება მის თვალწინ,მისი ცხოვრების პარალელურად მიდის
თუ ადრე ფეოდალი ან დამპყრობელი სიკვდილით გსჯიდა ხარკი ბეგარის დაგვიანების გამო დღეს სიკვდილით გსჯის ცხოვრება სხვისგან ჩაურევლად,ჩუმი ხელის მეშვეობით რომელმაც უბრალოდ და მარტივად ყოველდღიური რეალობა მოაწყო ასე

ცალკე განსახილველია ის საწყისები რის გამოც ადამიანმა მისი წილი თავისუფლება დათმო და ადამიანთა კავშირში გაერთიანდა პრიოროტეტული სიკეთეების მიღების მიზნით
დრომ ეს დათმობილი თავისუფლების წილი გაზარდა და დღეს ტყვეა უკვე
ტყვეა ისე რომ არ აურჩევია ერთ მოაზროვნე ინდივიდს ეს, დაიბადა და დახვდა ხოლო ყველა თაობამ რომელმაც თავისი წილი თავისუფლება ვერ დაიცვა ნიადაგი შეუქმნა თავის შვილს და გაწირა ტუსაღობისათვის

თემა საინტერესოა ზოგადად
მაგრამ
რაც ღმრად ჩახვალ განხილვაში მით მეტად დაგწყდება გული და მკაფიოდ დაინახავ იმ უსამართლობას რომელიც შენ არ აგირჩევია

არადა იმედი მქონდა ინფორმაციის ასე ფართო მასშტაბებით ხელმისაწვდომობა გაართულებდა მასების მართვას, ამ დროს პირიქით მოხდა.
ხელმისაწვდომი ინფორმაციის მანიპულაციით მართავენ საზიგადიებას თან ისე, რომ უმრავლესობას სჯერა საკუთარი თავისუფლების და თავისუფალი ნების.
ახალი თაობის იმედი მაქვს, ზუმერები თითქოს უფრო no bullshit ტიპები არიან და იქნებ შეძლონ თავი დააღწიონ ამ მოწამლულ და ხელოვნურად ჩახლართულ სისტემას.