თბილისის მერია „სითი მოლი საბურთალოს“ მიმდებარე ტერიტორიაზე მოძრაობის სქემას ცვლის. სავაჭრო ცენტრის მიმდებარე ტერიტორიაზე სატრანსპორტო კვანძის რეკონსტრუქცია მიმდინარეობს. სამუშაოების დასრულების შემდეგ კი, საგზაო მოძრაობის ახალი სქემა ამოქმედდება.

მერიის საინფორმაციო ვიდეორგოლში ნათქვამია, რომ მოძრაობის სქემის ცვლილების მიზანი აღნიშნულ კვანძზე არსებული ქაოსური მოძრაობის განტვირთვა და საგზაო უსაფრთხოების გაუმჯობესებაა.

სქემა კი ასეთი იქნება:

ცვლილების შედეგად, მეტროსადგურ „დელისიდან“ „სითი მოლის“ მიმართულებით მოძრაობისას, მოლთან არსებულ მთავარ გზაჯვარედინზე, პირველივე შესახვევში მარცხნივ მოხვევით მოძრაობა შესაძლებელი ხდება როგორც ქავთარაძის ქუჩისკენ, ისე ყაზბეგის გამზირის მიმართულებით.

მეორე შესახვევი განკუთვნილი იქნება იმ სატრანსპორტო საშუალებებისთვის, რომლებიც ვაჟა-ფშაველას გამზირიდან მოლის მიმართულებით გადაადგილდებიან.

მეტროსადგურ „ვაჟა-ფშაველას“ მხრიდან ყაზბეგის გამზირის მიმართულებით გადაადგილება შესაძლებელი იქნება „სითი მოლთან“ პირველივე შესახვევში მარჯვნივ მოხვევით, რის შემდეგაც სატრანსპორტო საშუალებები მარცხნივ მოხვევით ყაზბეგის გამზირზე გავლენ. ამ შესახვევიდან ავტომობილები ქავთარაძის ქუჩაზე მოძრაობას ვეღარ გააგრძელებენ, თუმცა მუნიციპალური ტრანსპორტი საჭიროების შემთხვევაში შეძლებს ქავთარაძის ქუჩაზე მოხვედრას.

ამასთან, ვაჟა-ფშაველას გამზირზე თავხელიძის ქუჩიდან „სითი მოლის“ მიმართულებით ეწყობა საზოგადოებრივი ტრანსპორტის ზოლი. თითოეული მიმართულებით შენარჩუნდება ორ-ორი სამანქანო ზოლი.

„სითი მოლის“ მიმდებარედ არსებულ მოედანზე ეწყობა შუქნიშნით რეგულირებული ქვეითთა გადასასვლელები, რომლებიც საზოგადოებრივი ტრანსპორტის გაჩერებას დაუკავშირდა. მოედანზე საპარკინგე ადგილები შენარჩუნდება, განლაგება ახალი სქემის შესაბამისად იცვლება“ | აღნიშნულია მერიის ვიდეორგოლში.



https://www.facebook.com/photo/?fbid=149618...628036179379056






აი სად დაგვენძრა
* * *
ვიდეო ნახეთ - https://www.instagram.com/reel/Dc6S-MkkzYg/


სულ გამომზევდნენ ესენი




This post has been edited by Win777 on 6 Sep 2026, 05:11