"ჯან-მედ"-ის წესები განყოფილებამოგეხსენებათ, რომ ეს განყოფილება
არ არის ფლეიმი, ქალი და მამაკაცი ან აბანო, შესაბამისად
ჩეთს, ბრიქოზს და ვაზელინს გასაქანი არ ექნება და მკაცრად დაისჯება. ეს არის ერთ-ერთი უსერიოზულესი განყოფილება და
აქ ღლაბუცს და ლაზღანდარობას არ დავუშვებთ. არის თემა სამედიცინო კურიოზებზე და იქ შეგიძლიათ იმხიარულოთ.
ვისაც აქ სერიოზულად პოსტვა არ უნდა და მხოლოდ ჩეთი და ღლაბუცი სურს, შეუძლია წავიდეს სხვა შესაბამის განყოფილებებში, მაგალითად, აქ:
უსათაუროზოგს შეიძლება ხელი წაუცდეს და წაიპახაბნოს.... ასეთ გამოხტომებს მკაცრად დავსჯით. ასეთი რაღაცეებისათვის არსებობს
აბანო .
სერიოზული საკითხებისთვის ჩვენთან არის თემა სახელწოდებით
"სექსუალური განათლება...ყველაფერი სექსის შესახებ." სექსთან ასოცირებული ყველანაირი საკითხი უნდა განიხილოთ აღნიშნულ თემაში უიშვიათესი გამონაკლისების გარდა!
თემები სხვადასხვა კოსმეტიკურ და თავის მოვლის საშუალებებზე უნდა გახსნათ აქ:
სილამაზე და მოდაგანყოფილებას აქვს ორი ქვეგანყოფილება:
სტომატოლოგია და
მშობლების კლუბიშესაბამისად, სტომატოლოგიასთან ასოცირებული ყველა თემა, მათ შორის ყბა-სახის ქირურგიასთან ასოცირებული თემებიც, უნდა გაიხსნას ქვეგანყოფილებაში-სტომატოლოგია, ხოლო ბავშვებთან, ფეხმძიმობასთან, მშობიარობასთან და მსგავს საკითხებთან დაკავშირებული თემები-მშობლების კლუბში.
განყოფილების სპეციFიკიდან გამომდინარე, ძალიან გთხოვთ თავი შეიკავოთ ისეთ თემებზე საუბრისგან, რაშიც არ ხართ კომპეტენტური. ნუ დაწერთ დაუდასტურებელ ინFორმაციას, ყურმოკრულ ან მეზობლის ნათქვამ რჩევებს და ა.შ.
დაიმახსოვრეთ, თქვენმა ნათქვამმა შეიძლება ვინმეს ზიანი მოუტანოს, ასე რომ, კარგად დაფიქრდით სანამ რამეს დაპოსტავთ. თემები1. აკრძალულია უკვე არსებული თემის გახსნა სანამ ახალ თემას გახსნით, ან კითხვას დასვამთ, მანამდე გადახედეთ განყოფილების
კატალოგს ან გამოიყენეთ
ძებნა.ადვილი შესაძლებელია ფორუმის რამდენიმეწლიან ისტორიაში თქვენს გარდა ვინმეს გასჩენოდა იგივე კითხვა, რომელიც უკვე იქნა დასმული მანამდე და პასუხიც იქნა გაცემული.
ვთქვათ გინდათ სკლეროზზე თემის გახსნა და რაღაცის კითხვა, ასეთ შემთხვევაში მოძებნეთ სიტყვა "სკლეროზი" კატალოგში, ან search-ის გამოყენებით (თუ როგორ კეთდება ეს, ამის დეტალური ინსტრუქცია მოცემულია ქვემოთ) თუ ამას არ იზამთ, ასეთ შემთხვევაში მოდერატორებს აქვთ სრული უფლება იუზერი დავორნონ.
უკვე არსებული თემის გახსნის შემთხვევაში თემა აუცილებლად დაიხურება. ერთი და ორპოსტიანი ახალი თემები არ შეუერთდება უკვე არსებულ დიდ თემას. თუ ახლადგახსნილი თემა უკვე გახურებულია და დისკუსიაა გაჩაღებული, მაშინ მოდერატორები მას შეუერთებენ ძველ თემას.
ახალი თემის გახსნა შეიძლება მხოლოდ იმ შემთხვევაში, თუ კატალოგით ან ძებნით
ვერ იპოვეთ მსგავსი შინაარსის თემა.
დააკვირდით არსებული თემის სათაურს და არა მის პირველ პოსტს. პირველ პოსტში სხვა იუზერს შეიძლება ცოტა განსხვავებული სიმპტომატიკა ჰქონდეს აღწერილი. ეს იმას არ ნიშნავს, რომ ეს სულ სხვა საკითხია და თქვენ ახალი თემა უნდა გახსნათ. მიესადაგება სათაურის არსს თქვენი საკითხი? ესე იგი მაგ თემაში უნდა დაპოსტოთ იმისგან დამოუკიდებლად, თუ რა წერია მაგ თემის პირველ პოსტში. ასე ყველამ რომ გახსნას ცალკე თემები თავიანთ პრობლემებზე, წარმოიდგინეთ რა დომხალი იქნება. არის თემა-პოსტეთ აღნიშნულ თემაში
2. აკრძალულია განყოფილებისათვის შეუსაბამო თემების გახსნაასეთი თემები გადატანილი იქნება
სალხინებელში ან
შესაბამის განყოფილებებში.
3. აკრძალულია უაზრო, არაფრისმომცემი თემების გახსნა"არაფერი მაწუხებს, არაფერი მტკივა" ტიპის, ასევე
ხუმრობის მიზნით გახსნილი, უაზრო თემის გამო ავტორი დაივორნება და შეიძლება ბანსაც გამოჰკრას ხელი განზრახ მავნებლობისთვის.
4. აკრძალულია თემის გახსნა საკითხებზე, რომლებიც ეთიკურ და სამართლებრივ პრინციპებს ეწინააღმდეგებაუსიტყვოდ დაიხურება მსგავსი თემები: "მინდა ცნობა არარსებული დაავადების შესახებ", "ვიყიდი ან ვიქირავებ დიპლომს", "აბორტი გინეკოლოგების გარეშე", "თავის მოკვლა სახლის პირობებში", "თვალები როგორ დავისისხლიანო?" და ა.შ.
ავტორი რათქმაუნდა დაივორნება
5. აკრძალულია სარეკლამო შინაარსის თემების გახსნა არ შეიძლება თემების გახსნა ამა თუ იმ
ექიმზე, კლინიკაზე, მკურნალობის მეთოდზე თუ ეს თემა სარეკლამო ხასიათს ატარებს.
ასევე აკრძალულია სხვადასხვა
ექიმბაშური წამლების, მალამოების და სხვა პროდუქტების რეკლამირება.
ასევე დაიხურება ამ ტიპის თემები: "ვყიდი სამედიცინო აპარატურას"... ეს თემები შეგიძლიათ გახსნათ განყოFილებაში:
ყიდვა - გაყიდვა - გაცვლა6. თემების სათაურები უნდა იყოს მაქსიმალურად ინფორმატიული.არ შეიძლება ამ ტიპის თემების გახსნა: "გთხოვთ დამეხმარეეეეთ" ან "ერთი პრობლემა მაქვს" და ასე შემდეგ. ესენი შეგიძლიათ თემის დესქრიფშენში დაწეროთ და არა ძირითად სათაურში. გამონაკლისის სახით თვალებს დავხუჭავთ იმ შემთხვევაში, თუ იუზერმა არ იცის რა ჭირს, მაგრამ მაინც უნდა ეცადოს შეძლებისგვარად გაგვაგებინოს სათაურით მისი პრობლემის არსი (სამედიცინო ტერმინოლოგიით წერას არავინ გთხოვთ არაექიმებს).
7. იკრძალება მოდერატორების მიერ დახურული თემის თვითნებურად გახსნა "member"-ის უფლებებს ბოროტად გამოყენების და თემის
თვითნებურად გაღების, ან დახურული თემის
მსგავსი ახალი თემის გახსნის შემთხვევაში იუზერი უპირობოდ დასაჩუქრდება ვორნით. ნუ გამოავლენთ უპატივცემულობას მოდერების მიმართ, თუნდაც არ ეთანხმებოდეთ მათ რაღაც საკითხებში.
თუ თემას გიხურავთ, ესეიგი ასეა საჭირო!
2 კრიტერიუმია თემის დახურვის:1. უაზრო და არაფრისმომცემი თემაა
2. მსგავსი თემა უკვე არსებობს
პოსტები1. აკრძალულია ჯანმრთელობისთვის საშიში ქმედებების (მაგ. იმუნიზაციის საწინააღმდეგო) პროპაგანდა. 2. აკრძალულია ყველანაირი ოFტოპიკი ყველანაირი ოFტოპიკი(
თემისთვის შეუსაბამო ყველანაირი პოსტი, უშინაარსო, არაფრისმთქმელი პოსტები, "+1" ტიპის პოსტები, ცარიელი სმაილები, ყველანაირი ჩეთი და ა.შ.) წაიშლება, მასიური ოFტოპიკების შემთხვევაში კი იუზერი დაივორნება.
თუ თემასთან დაკავშირებით არაფერი გაქვთ სათქმელი, ან რჩევის მიცემა არ შეგიძლიათ, აუცილებელი არაა ყველაFერზე კომენტარები აკეთოთ.
3. აკრძალულია უცენზურო სიტყვების გამოყენებასიმბოლოებითაც და ისეც. ნებიესმიერი უცენზურო გამონათქვამისთვის ავტორი დაივორნება.
4. აკრძალულია თანაFორუმელის შეურაცხყოფაერთმანეთის უპატივცემულობას და განსაკუთრებით
პროფესიული შეურაცხყოფების მიყენებას მკაცრად დავსჯით.
გინებაზე რომ ბანი იქნება, მაგას რა ლაპარაკი უნდა... თანაც
სიმბოლოიან გინებაზეც... ასევე მკაცრად დაისჯება ვინმეს
დაცინვა. აქ ხალხი თავის პრობლემებზე წერს, შეიძლება ცოტა უხერხული პრობლემებიც იყოს და ამაზე კაიFს არ დავუშვებთ!
5. აკრძალულია ცალკეულ პოსტებში რეკლამირებაც წაიშლება ყველა პოსტი, რომელიც რომელიმე
კლინიკის, ექიმის, წამლის რეკლამა ან ანტირეკლამაა, რადგან ეს შეიძლება ბოროტად იყოს ვინმეს მიერ გამოყენებული პირადი ინტერესებისთვის. განსაკუთრებით მკაცრად დაისჯება სხვადასხვა თემების დაFლუდვა სარეკლამო პოსტებით.
შეიძლება მხოლოდ ისეთი სერვისების განხილვა, რომლებიც
სხვადასხვაგვარ მომსახურებას სთავაზობენ მომხმარებელს და საჭიროა შედარება.... ფიტნეს-კლუბებში-სად არის ტრენაჟორები, სად აუზი, სად ინსტრუქტორი და ა.შ.
6. აკრძალულია კროსს-პოსტინგიანუ იდენტური გზავნილების გაკეთება ერთდროულად რამდენიმე თემაში.
თუ თქვენ ვერ შეძელით პასუხის მიღება ერთ თემაში, მაშინ შეგიძლიათ გაიმეოროთ თქვენი შეტყობინება თემატურად შესაბამის სხვა თემაში 18 საათის შემდეგ.
მოდერაციაგანყოფილების მოდერატორები არიან
Solveig და
Natuka NGN იუზერებს თუ გაუჩნდებათ
პრეტენზიები ამ განყოფილების მოდერებისადმი, მაშინ მათ შეუძლიათ გამოუშვან ჩვენთან
პიემები და ჩვენ მაქსიმალურად შევეცდებით პრობლემების უმტკივნეულოდ მოგვარებას.
გარდა ამისა, არსებობს
მიპინული თემა მიმართეთ მოდერატორებს. წაიკითხეთ აღნიშნული თემის პირველი პოსტი. მაგ თემაში მოგვმართეთ მხოლოდ განყოფილების მოდერაციასთან დაკავშირებით.
თუ იუზერი მისწერს მოდერს პიემით, რომ წაშალოს თავისი ესა თუ ის პოსტი, მაშინ მან უნდა დაასაბუთოს, თუ რატომ უნდა ამა თუ იმ კონკრეტული პოსტის წაშლა. შემდეგ მოდერი იმსჯელებს ამ ქმედების მიზანშეწონილობაზე და შესაბამისად გადაწყვეტილებასაც აქედან გამომდინარე მიიღებს.
დაუშვებელია იუზერის თხოვნის საფუძველზე ამ იუზერის ყველა არსებული პოსტის წაშლა განყოფილებიდან! იუზერები ამაზე ნურც თავს შეიწუხებენ და ნურც მოდერებს შეაწუხებენ. გამონაკლისები არ იქნება და მათი თხოვნა არანაირ შემთხვევაში არ დაკმაყოფილდება, რაც არ უნდა დასაბუთებული იყოს მათი ეს თხოვნა. ცალკეული პოსტები იშლება, თუ არის შესაბამისად დასაბუთებული, პოსტების მასობრივი წაშლა კი არ შეიძლება!
სერვისი
”შეატყობინე მოდერატორს” არ არის განკუთვნილი იმისთვის, რომ მოდერატორებს დაუსვათ კითხვები სხვადასხვა სამედიცინო საკითხებთან დაკავშირებით და სთხოვოთ მათზე გიპასუხონ. სხვა დანიშნულება აქვს მაგ ლინკს და მოდერატორები ვალდებულები არ არიან მაგ ლინკით მოსულ კითხვებს უპასუხონ დიდი თხოვნების მიუხედავად.
აღნიშნული სერვისი განკუთვნილია იმისთვის, რომ მოდერატორს ამცნოთ განყოფილებაში წესების დარღვევა და მიუთითოთ ის ლინკი, სადაც მოხდა ესა თუ ის დარღვევა.
ჯობია დარღვევების შესახებ მოდერებს პიემით ამცნოთ და არა ამ სერვისით, რადგანაც პიემით მიღებული შეტყობინების წაკითხვა უფრო სწრაფად მოხდება, ვიდრე "შეატყობინე მოდერატორს" ლინკით მოსული შეტყობინებისა იმ ერთი უბრალო მიზეზის გამო, რომ ამ უკანასკნელით ჩვენ იმეილზე ვიღებთ წერილებს და არა ფორუმზე. შესაბამისად იმეილებს ყოველ წუთას არ ვამოწმებთ.
განყოფილების
ახლანდელი მოდერები პასუხისმგებლობას იხსნიან ადრე(მათ მოდერობამდე) დაპოსტილი გზავნილების შინაარსზე. გასაგებია, რომ ეს განყოფილება ადრე აბანოს ფილიალი იყო სამწუხაროდ და 2003,2004 და ნაწილობრივ 2005 წლებში დაპოსტილ გზავნილებში ხშირად ნახავთ საღადაო ხასიათის ტექსტებს. მათი ამოძირკვა შეუძლებელი იყო და ამიტომ გთხოვთ გაგებით მოეკიდოთ ძველი თემების შინაარსს. თუ ნახავთ 2004 წელს გახსნილ თემას და ამ თემის საწყისი პოსტები არ მოგეწონათ, დასკვნას ნუ გამოიტანთ...თემის ბოლო პოსტები ნახეთ(2006,2007 წწ) და დარწმუნებული ვარ პასუხები ასე თუ ისე მეტ-ნაკლებად დაგაკმაყოფილებთ.
მოდერები იტოვებენ უფლებას ამა თუ იმ სადავო ეპიზოდში იმოქმედონ არასტანდარტულად და განყოფილების სპეციფიკიდან გამომდინარე(ანუ შეგვიძლია ვორნი არ მოგცეთ, თუ ვორნი დაიმსახურეთ და ასე შემდეგ)
This post has been edited by Solveig on 25 Mar 2013, 20:15